ఋభుగీతా ౧౪ ॥ ఆత్మానన్ద ప్రకరణ వర్ణనమ్ ॥

ఋభుః -

• శృణుష్వ సర్వం బ్రహ్మైవ సత్యం సత్యం శివం శపే ।
• నిశ్చయేనాత్మయోగీన్ద్ర అన్యత్ కిఞ్చిన్న కిఞ్చన ॥ ౧॥
• అణుమాత్రమసద్రూపం అణుమాత్రమిదం ధ్రువమ్ ।
• అణుమాత్రశరీరం చ అన్యత్ కిఞ్చిన్న కిఞ్చన ॥ ౨॥
• సర్వమాత్మైవ శుద్ధాత్మా సర్వం చిన్మాత్రమద్వయమ్ ।
• నిత్యనిర్మలశుద్ధాత్మా అన్యత్ కిఞ్చిన్న కిఞ్చన ॥ ౩॥
• అణుమాత్రే విచిన్త్యాత్మా సర్వం న హ్యణుమాత్రకమ్ ।
• అణుమాత్రమసంకల్పో అన్యత్ కిఞ్చిన్న కిఞ్చన ॥ ౪॥
• చైతన్యమాత్రం సఙ్కల్పం చైతన్యం పరమం పదమ్ ।
• ఆనన్దం పరమం మానం ఇదం దృశ్యం న కిఞ్చన ॥ ౫॥
• చైతన్యమాత్రమోంకారః చైతన్యం సకలం స్వయమ్ ।
• ఆనన్దం పరమం మానం ఇదం దృశ్యం న కిఞ్చన ॥ ౬॥
• ఆనన్దశ్చాహమేవాస్మి అహమేవ చిదవ్యయః ।
• ఆనన్దం పరమం మానం ఇదం దృశ్యం న కిఞ్చన ॥ ౭॥
• అహమేవ హి గుప్తాత్మా అహమేవ నిరన్తరమ్ ।
• ఆనన్దం పరమం మానం ఇదం దృశ్యం న కిఞ్చన ॥ ౮॥
• అహమేవ పరం బ్రహ్మ అహమేవ గురోర్గురుః ।
• ఆనన్దం పరమం మానం ఇదం దృశ్యం న కిఞ్చన ॥ ౯॥
• అహమేవాఖిలాధార అహమేవ సుఖాత్ సుఖమ్ ।
• ఆనన్దం పరమం మానం ఇదం దృశ్యం న కిఞ్చన ॥ ౧౦॥
• అహమేవ పరం జ్యోతిరహమేవాఖిలాత్మకః ।
• ఆనన్దం పరమం మానం ఇదం దృశ్యం న కిఞ్చన ॥ ౧౧॥
• అహమేవ హి తృప్తాత్మా అహమేవ హి నిర్గుణః ।
• ఆనన్దం పరమం మానం ఇదం దృశ్యం న కిఞ్చన ॥ ౧౨॥
• అహమేవ హి పూర్ణాత్మా అహమేవ పురాతనః ।
• ఆనన్దం పరమం మానం ఇదం దృశ్యం న కిఞ్చన ॥ ౧౩॥
• అహమేవ హి శాన్తాత్మా అహమేవ హి శాశ్వతః ।
• ఆనన్దం పరమం మానం ఇదం దృశ్యం న కిఞ్చన ॥ ౧౪॥
• అహమేవ హి సర్వత్ర అహమేవ హి సుస్థిరః ।
• ఆనన్దం పరమం మానం ఇదం దృశ్యం న కిఞ్చన ॥ ౧౫॥
• అహమేవ హి జీవాత్మా అహమేవ పరాత్పరః ।
• ఆనన్దం పరమం మానం ఇదం దృశ్యం న కిఞ్చన ॥ ౧౬॥
• అహమేవ హి వాక్యార్థో అహమేవ హి శఙ్కరః ।
• ఆనన్దం పరమం మానం ఇదం దృశ్యం న కిఞ్చన ॥ ౧౭॥
• అహమేవ హి దుర్లక్ష్య అహమేవ ప్రకాశకః ।
• ఆనన్దం పరమం మానం ఇదం దృశ్యం న కిఞ్చన ॥ ౧౮॥
• అహమేవాహమేవాహం అహమేవ స్వయం స్వయమ్ ।
• అహమేవ పరానన్దోఽహమేవ హి చిన్మయః ॥ ౧౯॥
• అహమేవ హి శుద్ధాత్మా అహమేవ హి సన్మయః ।
• అహమేవ హి శూన్యాత్మా అహమేవ హి సర్వగః ॥ ౨౦॥
• అహమేవ హి వేదాన్తః అహమేవ హి చిత్పరః ॥ ౨౧॥
• అహమేవ హి చిన్మాత్రం అహమేవ హి చిన్మయః ।
• అన్యన్న కిఞ్చిత్ చిద్రూపాదహం బాహ్యవివర్జితః ॥ ౨౨॥
• అహం న కిఞ్చిద్ బ్రహ్మాత్మా అహం నాన్యదహం పరమ్ ।
• నిత్యశుద్ధవిముక్తోఽహం నిత్యతృప్తో నిరఞ్జనః ॥ ౨౩॥
• ఆనన్దం పరమానన్దమన్యత్ కిఞ్చిన్న కిఞ్చన ।
• నాస్తి కిఞ్చిన్నాస్తి కిఞ్చిత్ నాస్తి కిఞ్చిత్ పరాత్పరాత్ ॥ ౨౪॥
• ఆత్మైవేదం జగత్ సర్వమాత్మైవేదం మనోభవమ్ ।
• ఆత్మైవేదం సుఖం సర్వం ఆత్మైవేదమిదం జగత్ ॥ ౨౫॥
• బ్రహ్మైవ సర్వం చిన్మాత్రం అహం బ్రహ్మైవ కేవలమ్ ।
• ఆనన్దం పరమం మానం ఇదం దృశ్యం న కిఞ్చన ॥ ౨౬॥
• దృశ్యం సర్వం పరం బ్రహ్మ దృశ్యం నాస్త్యేవ సర్వదా ।
• బ్రహ్మైవ సర్వసఙ్కల్పో బ్రహ్మైవ న పరం క్వచిత్ ।
• ఆనన్దం పరమం మానం ఇదం దృశ్యం న కిఞ్చన ॥ ౨౭॥
• బ్రహ్మైవ బ్రహ్మ చిద్రూపం చిదేవం చిన్మయం జగత్ ।
• అసదేవ జగత్సర్వం అసదేవ ప్రపఞ్చకమ్ ॥ ౨౮॥
• అసదేవాహమేవాస్మి అసదేవ త్వమేవ హి ।
• అసదేవ మనోవృత్తిరసదేవ గుణాగుణౌ ॥ ౨౯॥
• అసదేవ మహీ సర్వా అసదేవ జలం సదా ।
• అసదేవ జగత్ఖాని అసదేవ చ తేజకమ్ ॥ ౩౦॥
• అసదేవ సదా వాయురసదేవేదమిత్యపి ।
• అహఙ్కారమసద్బుద్ధిర్బ్రహ్మైవ జగతాం గణః ॥ ౩౧॥
• అసదేవ సదా చిత్తమాత్మైవేదం న సంశయః ।
• అసదేవాసురాః సర్వే అసదేవేదశ్వరాకృతిః ॥ ౩౨॥
• అసదేవ సదా విశ్వం అసదేవ సదా హరిః ।
• అసదేవ సదా బ్రహ్మా తత్సృష్టిరసదేవ హి ॥ ౩౩॥
• అసదేవ మహాదేవః అసదేవ గణేశ్వరః ।
• అసదేవ సదా చోమా అసత్ స్కన్దో గణేశ్వరాః ॥ ౩౪॥
• అసదేవ సదా జీవ అసదేవ హి దేహకమ్ ।
• అసదేవ సదా వేదా అసద్దేహాన్తమేవ చ ॥ ౩౫॥
• ధర్మశాస్త్రం పురాణం చ అసత్యే సత్యవిభ్రమః ।
• అసదేవ హి సర్వం చ అసదేవ పరంపరా ॥ ౩౬॥
• అసదేవేదమాద్యన్తమసదేవ మునీశ్వరాః ।
• అసదేవ సదా లోకా లోక్యా అప్యసదేవ హి ॥ ౩౭॥
• అసదేవ సుఖం దుఃఖం అసదేవ జయాజయౌ ।
• అసదేవ పరం బన్ధమసన్ముక్తిరపి ధ్రువమ్ ॥ ౩౮॥
• అసదేవ మృతిర్జన్మ అసదేవ జడాజడమ్ ।
• అసదేవ జగత్ సర్వమసదేవాత్మభావనా ॥ ౩౯॥
• అసదేవ చ రూపాణి అసదేవ పదం శుభమ్ ।
• అసదేవ సదా చాహమసదేవ త్వమేవ హి ॥ ౪౦॥
• అసదేవ హి సర్వత్ర అసదేవ చలాచలమ్ ।
• అసచ్చ సకలం భూతమసత్యం సకలం ఫలమ్ ॥ ౪౧॥
• అసత్యమఖిలం విశ్వమసత్యమఖిలో గుణః ।
• అసత్యమఖిలం శేషమసత్యమఖిలం జగత్ ॥ ౪౨॥
• అసత్యమఖిలం పాపం అసత్యం శ్రవణత్రయమ్ ।
• అసత్యం చ సజాతీయవిజాతీయమసత్ సదా ॥ ౪౩॥
• అసత్యమధికారాశ్చ అనిత్యా విషయాః సదా ।
• అసదేవ హి దేవాద్యా అసదేవ ప్రయోజనమ్ ॥ ౪౪॥
• అసదేవ శమం నిత్యం అసదేవ శమోఽనిశమ్ ।
• అసదేవ ససన్దేహం అసద్యుద్ధం సురాసురమ్ ॥ ౪౫॥var was అసదేవ చ సన్దేహం
• అసదేవేశభావం చాసదేవోపాస్యమేవ హి ।
• అసచ్చ కాలదేశాది అసత్ క్షేత్రాదిభావనమ్ ॥ ౪౬॥
• తజ్జన్యధర్మాధర్మౌ చ అసదేవ వినిర్ణయః ।
• అసచ్చ సర్వకర్మాణి అసదస్వపరభ్రమః ॥ ౪౭॥
• అసచ్చ చిత్తసద్భావ అసచ్చ స్థూలదేహకమ్ ।
• అసచ్చ లిఙ్గదేహం చ సత్యం సత్యం శివం శపే ॥ ౪౮॥
• అసత్యం స్వర్గనరకం అసత్యం తద్భవం సుఖమ్ ।
• అసచ్చ గ్రాహకం సర్వం అసత్యం గ్రాహ్యరూపకమ్ ॥ ౪౯॥
• అసత్యం సత్యవద్భావం అసత్యం తే శివే శపే ।var was సత్యవద్భానం
• అసత్యం వర్తమానాఖ్యం అసత్యం భూతరూపకమ్ ॥ ౫౦॥
• అసత్యం హి భవిష్యాఖ్యం సత్యం సత్యం శివే శపే ।
• అసత్ పూర్వమసన్మధ్యమసదన్తమిదం జగత్ ॥ ౫౧॥
• అసదేవ సదా ప్రాయం అసదేవ న సంశయః ।
• అసదేవ సదా జ్ఞానమజ్ఞానజ్ఞేయమేవ చ ॥ ౫౨॥
• అసత్యం సర్వదా విశ్వమసత్యం సర్వదా జడమ్ ।
• అసత్యం సర్వదా దృశ్యం భాతి తౌ రఙ్గశృఙ్గవత్ ॥ ౫౩॥
• అసత్యం సర్వదా భావః అసత్యం కోశసంభవమ్ ।
• అసత్యం సకలం మన్త్రం సత్యం సత్యం న సంశయః ॥ ౫౪॥
• ఆత్మనోఽన్యజ్జగన్నాస్తి నాస్త్యనాత్మమిదం సదా ।
• ఆత్మనోఽన్యన్మృషైవేదం సత్యం సత్యం న సంశయః ॥ ౫౫॥
• ఆత్మనోఽన్యత్సుఖం నాస్తి ఆత్మనోఽన్యన్న కిఞ్చన ।
• ఆత్మనోఽన్యా గతిర్నాస్తి స్థితమాత్మని సర్వదా ॥ ౫౬॥
• ఆత్మనోఽన్యన్న హి క్వాపి ఆత్మనోఽన్యత్ తృణం న హి ।
• ఆత్మనోఽన్యన్న కిఞ్చిచ్చ క్వచిదప్యాత్మనో న హి ॥ ౫౭॥
• ఆత్మానన్దప్రకరణమేతత్తేఽభిహితం మయా ।
• యః శృణోతి సకృద్విద్వాన్ బ్రహ్మైవ భవతి స్వయమ్ ॥ ౫౮॥
• సకృచ్ఛ్రవణమాత్రేణ సద్యోబన్ధవిముక్తిదమ్ ।
• ఏతద్గ్రన్థార్థమాత్రం వై గృణన్ సర్వైర్విముచ్యతే ॥ ౫౯॥

సూతః -

• పూర్ణం సత్యం మహేశం భజ నియతహృదా యోఽన్తరాయైర్విహీనః
• సో నిత్యో నిర్వికల్పో భవతి భువి సదా బ్రహ్మభూతో ఋతాత్మా ।
• విచ్ఛిన్నగ్రన్థిరీశే శివవిమలపదే విద్యతే భాసతేఽన్తః
• ఆరామోఽన్తర్భవతి నియతం విశ్వభూతో మృతశ్చ ॥ ౬౦॥

• ॥ ఇతి శ్రీశివరహస్యే శఙ్కరాఖ్యే షష్ఠాంశే ఋభునిదాఘసంవాదే ఆత్మానన్దప్రకరణవర్ణనం నామ చతుర్దశోఽధ్యాయః ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com