ఋభుగీతా ౨౫ ॥ బ్రహ్మణః సర్వ-రూపత్వ నిరూపణ ప్రకరణమ్ ॥

ఋభుః -

• వక్ష్యే ప్రసిద్ధమాత్మానం సర్వలోకప్రకాశకమ్ ।
• సర్వాకారం సదా సిద్ధం సర్వత్ర నిబిడం మహత్ ॥ ౧॥
• తద్బ్రహ్మాహం న సన్దేహ ఇతి నిశ్చిత్య తిష్ఠ భోః ।
• చిదేవాహం చిదేవాహం చిత్రం చేదహమేవ హి ॥ ౨॥
• వాచావధిశ్చ దేవోఽహం చిదేవ మనసః పరః ।
• చిదేవాహం పరం బ్రహ్మ చిదేవ సకలం పదమ్ ॥ ౩॥
• స్థూలదేహం చిదేవేదం సూక్ష్మదేహం చిదేవ హి ।
• చిదేవ కరణం సోఽహం కాయమేవ చిదేవ హి ॥ ౪॥
• అఖణ్డాకారవృత్తిశ్చ ఉత్తమాధమమధ్యమాః ।
• దేహహీనశ్చిదేవాహం సూక్ష్మదేహశ్చిదేవ హి ॥ ౫॥
• చిదేవ కారణం సోఽహం బుద్ధిహీనశ్చిదేవ హి ।
• భావహీనశ్చిదేవాహం దోషహీనశ్చిదేవ హి ॥ ౬॥
• అస్తిత్వం బ్రహ్మ నాస్త్యేవ నాస్తి బ్రహ్మేతి నాస్తి హి ।
• అస్తి నాస్తీతి నాస్త్యేవ అహమేవ చిదేవ హి ॥ ౭॥
• సర్వం నాస్త్యేవ నాస్త్యేవ సాకారం నాస్తి నాస్తి హి ।
• యత్కిఞ్చిదపి నాస్త్యేవ అహమేవ చిదేవ హి ॥ ౮॥
• అన్వయవ్యతిరేకం చ ఆదిమధ్యాన్తదూషణమ్ ।
• సర్వం చిన్మాత్రరూపత్వాదహమేవ చిదేవ హి ॥ ౯॥
• సర్వాపరం చ సదసత్ కార్యకారణకర్తృకమ్ ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౧౦॥
• అశుద్ధం శుద్ధమద్వైతం ద్వైతమేకమనేకకమ్ ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౧౧॥
• అసత్యసత్యమద్వన్ద్వం ద్వన్ద్వం చ పరతః పరమ్ ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౧౨॥
• భూతం భవిష్యం వర్తం చ మోహామోహౌ సమాసమౌ ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౧౩॥
• క్షణం లవం త్రుటిర్బ్రహ్మ త్వంపదం తత్పదం తథా ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౧౪॥
• త్వంపదం తత్పదం వాపి ఐక్యం చ హ్యహమేవ హి ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౧౫॥
• ఆనన్దం పరమానన్దం సర్వానన్దం నిజం మహత్ ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౧౬॥
• అహం బ్రహ్మ ఇదం బ్రహ్మ కం బ్రహ్మ హ్యక్షరం పరమ్ ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౧౭॥
• విష్ణురేవ పరం బ్రహ్మ శివో బ్రహ్మాహమేవ హి ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౧౮॥
• శ్రోత్రం బ్రహ్మ పరం బ్రహ్మ శబ్దం బ్రహ్మ పదం శుభమ్ ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౧౯॥
• స్పర్శో బ్రహ్మ పదం త్వక్చ త్వక్చ బ్రహ్మ పరస్పరమ్ ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౨౦॥
• పరం రూపం చక్షుభిః ఏవ తత్రైవ యోజ్యతామ్ ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౨౧॥
• బ్రహ్మైవ సర్వం సతతం సచ్చిదానన్దమాత్రకమ్ ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౨౨॥
• చిన్మయానన్దమాత్రోఽహం ఇదం విశ్వమిదం సదా ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౨౩॥
• బ్రహ్మైవ సర్వం యత్కిఞ్చిత్ తద్బ్రహ్మాహం న సంశయః ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౨౪॥
• వాచా యత్ ప్రోచ్యతే నామ మనసా మనుతే తు యత్ ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౨౫॥
• కారణే కల్పితే యద్యత్ తూష్ణీం వా స్థీయతే సదా ।
• శరీరేణ తు యద్ భుఙ్క్తే ఇన్ద్రియైర్యత్తు భావ్యతే ।
• సర్వం నాస్త్యేవ నాస్త్యేవ అహమేవ హి కేవలమ్ ॥ ౨౬॥
• వేదే యత్ కర్మ వేదోక్తం శాస్త్రం శాస్త్రోక్తనిర్ణయమ్ ।
• గురూపదేశసిద్ధాన్తం శుద్ధాశుద్ధవిభాసకమ్ ॥ ౨౭॥
• కామాదికలనం బ్రహ్మ దేవాది కలనం పృథక్ ।
• జీవయుక్తేతి కలనం విదేహో ముక్తికల్పనమ్ ॥ ౨౮॥
• బ్రహ్మ ఇత్యపి సఙ్కల్పం బ్రహ్మవిద్వరకల్పనమ్ ।
• వరీయానితి సఙ్కల్పం వరిష్ఠ ఇతి కల్పనమ్ ॥ ౨౯॥
• బ్రహ్మాహమితి సఙ్కల్పం చిదహం చేతి కల్పనమ్ ।
• మహావిద్యేతి సఙ్కల్పం మహామాయేతి కల్పనమ్ ॥ ౩౦॥
• మహాశూన్యేతి సఙ్కల్పం మహాచిన్తేతి కల్పనమ్ ।
• మహాలోకేతి సఙ్కల్పం మహాసత్యేతి కల్పనమ్ ॥ ౩౧॥
• మహారూపేతి సఙ్కల్పం మహారూపం చ కల్పనమ్ ।
• సర్వసఙ్కల్పకం చిత్తం సర్వసఙ్కల్పకం మనః ॥ ౩౨॥
• సర్వం నాస్త్యేవ నాస్త్యేవ సర్వం బ్రహ్మైవ కేవలమ్ ।
• సర్వం ద్వైతం మనోరూపం సర్వం దుఃఖం మనోమయమ్ ॥ ౩౩॥
• చిదేవాహం న సన్దేహః చిదేవేదం జగత్త్రయమ్ ।
• యత్కిఞ్చిద్భాషణం వాపి యత్కిఞ్చిన్మనసో జపమ్ ।
• యత్కిఞ్చిన్మానసం కర్మ సర్వం బ్రహ్మైవ కేవలమ్ ॥ ౩౪॥
• సర్వం నాస్తీతి సన్మన్త్రం జీవబ్రహ్మస్వరూపకమ్ ।
• బ్రహ్మైవ సర్వమిత్యేవం మన్త్రఞ్చైవోత్తమోత్తమమ్ ॥ ౩౫॥
• అనుక్తమన్త్రం సన్మన్త్రం వృత్తిశూన్యం పరం మహత్ ।
• సర్వం బ్రహ్మేతి సఙ్కల్పం తదేవ పరమం పదమ్ ॥ ౩౬॥
• సర్వం బ్రహ్మేతి సఙ్కల్పం మహాదేవేతి కీర్తనమ్ ।
• సర్వం బ్రహ్మేతి సఙ్కల్పం శివపూజాసమం మహత్ ॥ ౩౭॥
• సర్వం బ్రహ్మేత్యనుభవః సర్వాకారో న సంశయః ।
• సర్వం బ్రహ్మేతి సఙ్కల్పం సర్వత్యాగమితీరితమ్ ॥ ౩౮॥
• సర్వం బ్రహ్మేతి సఙ్కల్పం భావాభావవినాశనమ్ ।
• సర్వం బ్రహ్మేతి సఙ్కల్పం మహాదేవేతి నిశ్చయః ॥ ౩౯॥
• సర్వం బ్రహ్మేతి సఙ్కల్పం కాలసత్తావినిర్ముక్తః ।
• సర్వం బ్రహ్మేతి సఙ్కల్పః దేహసత్తా విముక్తికః ॥ ౪౦॥
• సర్వం బ్రహ్మేతి సఙ్కల్పః సచ్చిదానన్దరూపకః ।
• సర్వోఽహం బ్రహ్మమాత్రైవ సర్వం బ్రహ్మైవ కేవలమ్ ॥ ౪౧॥
• ఇదమిత్యేవ యత్కిఞ్చిత్ తద్బ్రహ్మైవ న సంశయః ।
• భ్రాన్తిశ్చ నరకం దుఃఖం స్వర్గభ్రాన్తిరితీరితా ॥ ౪౨॥
• బ్రహ్మా విష్ణురితి భ్రాన్తిర్భ్రాన్తిశ్చ శివరూపకమ్ ।
• విరాట్ స్వరాట్ తథా సమ్రాట్ సూత్రాత్మా భ్రాన్తిరేవ చ ॥ ౪౩॥
• దేవాశ్చ దేవకార్యాణి సూర్యాచన్ద్రమసోర్గతిః ।
• మునయో మనవః సిద్ధా భ్రాన్తిరేవ న సంశయః ॥ ౪౪॥
• సర్వదేవాసురా భ్రాన్తిస్తేషాం యుద్ధాది జన్మ చ ।
• విష్ణోర్జన్మావతారాణి చరితం శాన్తిరేవ హి ॥ ౪౫॥
• బ్రహ్మణః సృష్టికృత్యాని రుద్రస్య చరితాని చ ।
• సర్వభ్రాన్తిసమాయుక్తం భ్రాన్త్యా లోకాశ్చతుర్దశ ॥ ౪౬॥
• వర్ణాశ్రమవిభాగశ్చ భ్రాన్తిరేవ న సంశయః ।
• బ్రహ్మవిష్ణ్వీశరుద్రాణాముపాసా భ్రాన్తిరేవ చ ॥ ౪౭॥
• తత్రాపి యన్త్రమన్త్రాభ్యాం భ్రాన్తిరేవ న సంశయః ।
• వాచామగోచరం బ్రహ్మ సర్వం బ్రహ్మమయం చ హి ॥ ౪౮॥
• సర్వం నాస్త్యేవ నాస్త్యేవ అహమేవ చిదేవ హి ।
• ఏవం వద త్వం తిష్ఠ త్వం సద్యో ముక్తో భవిష్యసి ॥ ౪౯॥
• ఏతావదుక్తం యత్కిఞ్చిత్ తన్నాస్త్యేవ న సంశయః ।
• ఏవం యదాన్తరం క్షిప్రం బ్రహ్మైవ దృఢనిశ్చయమ్ ॥ ౫౦॥
• దృఢనిశ్చయమేవాత్ర ప్రథమం కారణం భవేత్ ।
• నిశ్చయః ఖల్వయం పశ్చాత్ స్వయమేవ భవిష్యతి ॥ ౫౧॥
• ఆర్తం యచ్ఛివపాదతోఽన్యదితరం తజ్జాదిశబ్దాత్మకం
• చేతోవృత్తిపరం పరాప్రముదితం షడ్భావసిద్ధం జగత్ ।
• భూతాక్షాదిమనోవచోభిరనఘే సాన్ద్రే మహేశే ఘనే
• సిన్ధౌ సైన్ధవఖణ్డవజ్జగదిదం లీయేత వృత్త్యుజ్ఝితమ్ ॥ ౫౨॥

• ॥ ఇతి శ్రీశివరహస్యే శఙ్కరాఖ్యే షష్ఠాంశే ఋభునిదాఘసంవాదే బ్రహ్మణస్సర్వరూపత్వనిరూపణప్రకరణం నామ పఞ్చవింశోఽధ్యాయః ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com