ఋభుగీతా ౧౯ ॥ బ్రహ్మానన్ద ప్రకరణమ్ ॥

ఋభుః -

• బ్రహ్మానన్దం ప్రవక్ష్యామి త్రిషు లోకేషు దుర్లభమ్ ।
• యస్య శ్రవణమాత్రేణ సదా ముక్తిమవాప్నుయాత్ ॥ ౧॥var was యుక్తిమాప్నుయాత్
• పరమానన్దోఽహమేవాత్మా సర్వదానన్దమేవ హి ।
• పూర్ణానన్దస్వరూపోఽహం చిదానన్దమయం జగత్ ॥ ౨॥
• సదానన్తమనన్తోఽహం బోధానన్దమిదం జగత్ ।
• బుద్ధానన్దస్వరూపోఽహం నిత్యానన్దమిదం మనః ॥ ౩॥
• కేవలానన్దమాత్రోఽహం కేవలజ్ఞానవానహమ్ ।
• ఇతి భావయ యత్నేన ప్రపఞ్చోపశమాయ వై ॥ ౪॥
• సదా సత్యం పరం జ్యోతిః సదా సత్యాదిలక్షణః ।
• సదా సత్యాదిహీనాత్మా సదా జ్యోతిః ప్రియో హ్యహమ్ ॥ ౫॥
• నాస్తి మిథ్యాప్రపఞ్చాత్మా నాస్తి మిథ్యా మనోమయః ।
• నాస్తి మిథ్యాభిధానాత్మా నాస్తి చిత్తం దురాత్మవాన్ ॥ ౬॥
• నాస్తి మూఢతరో లోకే నాస్తి మూఢతమో నరః ।
• అహమేవ పరం బ్రహ్మ అహమేవ స్వయం సదా ॥ ౭॥
• ఇదం పరం చ నాస్త్యేవ అహమేవ హి కేవలమ్ ।
• అహం బ్రహ్మాస్మి శుద్ధోఽస్మి సర్వం బ్రహ్మైవ కేవలమ్ ॥ ౮॥
• జగత్సర్వం సదా నాస్తి చిత్తమేవ జగన్మయమ్ ।
• చిత్తమేవ ప్రపఞ్చాఖ్యం చిత్తమేవ శరీరకమ్ ॥ ౯॥
• చిత్తమేవ మహాదోషం చిత్తమేవ హి బాలకః ।
• చిత్తమేవ మహాత్మాఽయం చిత్తమేవ మహానసత్ ॥ ౧౦॥
• చిత్తమేవ హి మిథ్యాత్మా చిత్తం శశవిషాణవత్ ।
• చిత్తం నాస్తి సదా సత్యం చిత్తం వన్ధ్యాకుమారవత్ ॥ ౧౧॥
• చిత్తం శూన్యం న సన్దేహో బ్రహ్మైవ సకలం జగత్ ।
• అహమేవ హి చైతన్యం అహమేవ హి నిర్గుణమ్ ॥ ౧౨॥
• మన ఏవ హి సంసారం మన ఏవ హి మణ్డలమ్ ।
• మన ఏవ హి బన్ధత్వం మన ఏవ హి పాతకమ్ ॥ ౧౩॥
• మన ఏవ మహద్దుఃఖం మన ఏవ శరీరకమ్ ।
• మన ఏవ ప్రపఞ్చాఖ్యం మన ఏవ కలేవరమ్ ॥ ౧౪॥
• మన ఏవ మహాసత్త్వం మన ఏవ చతుర్ముఖః ।
• మన ఏవ హరిః సాక్షాత్ మన ఏవ శివః స్మృతః ॥ ౧౫॥
• మన ఏవేన్ద్రజాలాఖ్యం మనః సఙ్కల్పమాత్రకమ్ ।
• మన ఏవ మహాపాపం మన ఏవ దురాత్మవాన్ ॥ ౧౬॥
• మన ఏవ హి సర్వాఖ్యం మన ఏవ మహద్భయమ్ ।
• మన ఏవ పరం బ్రహ్మ మన ఏవ హి కేవలమ్ ॥ ౧౭॥
• మన ఏవ చిదాకారం మన ఏవ మనాయతే ।
• చిదేవ హి పరం రూపం చిదేవ హి పరం పదమ్ ॥ ౧౮॥
• పరం బ్రహ్మాహమేవాద్య పరం బ్రహ్మాహమేవ హి ।
• అహమేవ హి తృప్తాత్మా అహమానన్దవిగ్రహః ॥ ౧౯॥
• అహం బుద్ధిః ప్రవృద్ధాత్మా నిత్యం నిశ్చలనిర్మలః ।
• అహమేవ హి శాన్తాత్మా అహమాద్యన్తవర్జితః ॥ ౨౦॥
• అహమేవ ప్రకాశాత్మా అహం బ్రహ్మైవ కేవలమ్ ।
• అహం నిత్యో న సన్దేహ అహం బుద్ధిః ప్రియః సదా ॥ ౨౧॥var was బుద్ధిప్రియః సదా
• అహమేవాహమేవైకః అహమేవాఖిలామృతః ।
• అహమేవ స్వయం సిద్ధః అహమేవానుమోదకః ॥ ౨౨॥
• అహమేవ త్వమేవాహం సర్వాత్మా సర్వవర్జితః ।
• అహమేవ పరం బ్రహ్మ అహమేవ పరాత్పరః ॥ ౨౩॥
• అహఙ్కారం న మే దుఃఖం న మే దోషం న మే సుఖమ్ ।
• న మే బుద్ధిర్న మే చిత్తం న మే దేహో న మేన్ద్రియమ్ ॥ ౨౪॥
• న మే గోత్రం న మే నేత్రం న మే పాత్రం న మే తృణమ్ ।
• న మే జపో న మే మన్త్రో న మే లోకో న మే సుహృత్ ॥ ౨౫॥
• న మే బన్ధుర్న మే శత్రుర్న మే మాతా న మే పితా ।
• న మే భోజ్యం న మే భోక్తా న మే వృత్తిర్న మే కులమ్ ॥ ౨౬॥
• న మే జాతిర్న మే వర్ణః న మే శ్రోత్రం న మే క్వచిత్ ।
• న మే బాహ్యం న మే బుద్ధిః స్థానం వాపి న మే వయః ॥ ౨౭॥
• న మే తత్త్వం న మే లోకో న మే శాన్తిర్న మే కులమ్ ।
• న మే కోపో న మే కామః కేవలం బ్రహ్మమాత్రతః ॥ ౨౮॥
• కేవలం బ్రహ్మమాత్రత్వాత్ కేవలం స్వయమేవ హి ।
• న మే రాగో న మే లోభో న మే స్తోత్రం న మే స్మృతిః ॥ ౨౯॥
• న మే మోహో న మే తృష్ణా న మే స్నేహో న మే గుణః ।
• న మే కోశం న మే బాల్యం న మే యౌవనవార్ధకమ్ ॥ ౩౦॥
• సర్వం బ్రహ్మైకరూపత్వాదేకం బ్రహ్మేతి నిశ్చితమ్ ।
• బ్రహ్మణోఽన్యత్ పరం నాస్తి బ్రహ్మణోఽన్యన్న కిఞ్చన ॥ ౩౧॥
• బ్రహ్మణోఽన్యదిదం నాస్తి బ్రహ్మణోఽన్యదిదం న హి ।
• ఆత్మనోఽన్యత్ సదా నాస్తి ఆత్మైవాహం న సంశయః ॥ ౩౨॥
• ఆత్మనోఽన్యత్ సుఖం నాస్తి ఆత్మనోఽన్యదహం న చ ।
• గ్రాహ్యగ్రాహకహీనోఽహం త్యాగత్యాజ్యవివర్జితః ॥ ౩౩॥
• న త్యాజ్యం న చ మే గ్రాహ్యం న బన్ధో న చ భుక్తిదమ్ ।var was ముక్తిదమ్
• న మే లోకం న మే హీనం న శ్రేష్ఠం నాపి దూషణమ్ ॥ ౩౪॥
• న మే బలం న చణ్డాలో న మే విప్రాదివర్ణకమ్ ।
• న మే పానం న మే హ్రస్వం న మే క్షీణం న మే బలమ్ ॥ ౩౫॥
• న మే శక్తిర్న మే భుక్తిర్న మే దైవం న మే పృథక్ ।
• అహం బ్రహ్మైకమాత్రత్వాత్ నిత్యత్వాన్యన్న కిఞ్చన ॥ ౩౬॥
• న మతం న చ మే మిథ్యా న మే సత్యం వపుః క్వచిత్ ।
• అహమిత్యపి నాస్త్యేవ బ్రహ్మ ఇత్యపి నామ వా ॥ ౩౭॥
• యద్యద్యద్యత్ప్రపఞ్చోఽస్తి యద్యద్యద్యద్గురోర్వచః ।
• తత్సర్వం బ్రహ్మ ఏవాహం తత్సర్వం చిన్మయం మతమ్ ॥ ౩౮॥
• చిన్మయం చిన్మయం బ్రహ్మ సన్మయం సన్మయం సదా ।
• స్వయమేవ స్వయం బ్రహ్మ స్వయమేవ స్వయం పరః ॥ ౩౯॥
• స్వయమేవ స్వయం మోక్షః స్వయమేవ నిరన్తరః ।
• స్వయమేవ హి విజ్ఞానం స్వయమేవ హి నాస్త్యకమ్ ॥ ౪౦॥
• స్వయమేవ సదాసారః స్వయమేవ స్వయం పరః ।
• స్వయమేవ హి శూన్యాత్మా స్వయమేవ మనోహరః ॥ ౪౧॥
• తూష్ణీమేవాసనం స్నానం తూష్ణీమేవాసనం జపః ।
• తూష్ణీమేవాసనం పూజా తూష్ణీమేవాసనం పరః ॥ ౪౨॥
• విచార్య మనసా నిత్యమహం బ్రహ్మేతి నిశ్చిను ।
• అహం బ్రహ్మ న సన్దేహః ఏవం తూష్ణీంస్థితిర్జపః ॥ ౪౩॥
• సర్వం బ్రహ్మైవ నాస్త్యన్యత్ సర్వం జ్ఞానమయం తపః ।
• స్వయమేవ హి నాస్త్యేవ సర్వాతీతస్వరూపవాన్ ॥ ౪౪॥
• వాచాతీతస్వరూపోఽహం వాచా జప్యమనర్థకమ్ ।
• మానసః పరమార్థోఽయం ఏతద్భేదమహం న మే ॥ ౪౫॥
• కుణపం సర్వభూతాది కుణపం సర్వసఙ్గ్రహమ్ ।
• అసత్యం సర్వదా లోకమసత్యం సకలం జగత్ ॥ ౪౬॥
• అసత్యమన్యదస్తిత్వమసత్యం నాస్తి భాషణమ్ ।
• అసత్యాకారమస్తిత్వం బ్రహ్మమాత్రం సదా స్వయమ్ ॥ ౪౭॥
• అసత్యం వేదవేదాఙ్గం అసత్యం శాస్త్రనిశ్చయః ।
• అసత్యం శ్రవణం హ్యేతదసత్యం మననం చ తత్ ॥ ౪౮॥
• అసత్యం చ నిదిధ్యాసః సజాతీయమసత్యకమ్ ।
• విజాతీయమసత్ ప్రోక్తం సత్యం సత్యం న సంశయః ।
• సర్వం బ్రహ్మ సదా బ్రహ్మ ఏకం బ్రహ్మ చిదవ్యయమ్ ॥ ౪౯॥
• చేతోవిలాసజనితం కిల విశ్వమేత-
• ద్విశ్వాధికస్య కృపయా పరిపూర్ణభాస్యాత్ ।
• నాస్త్యన్యతః శ్రుతిశిరోత్థితవాక్యమోఘ-
• శాస్త్రానుసారికరణైర్భవతే విముక్త్యై ॥ ౫౦॥

• ॥ ఇతి శ్రీశివరహస్యే శఙ్కరాఖ్యే షష్ఠాంశే ఋభునిదాఘసంవాదే బ్రహ్మానన్దప్రకరణం నామ ఏకోనవింశోఽధ్యాయః ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com