ఋభుగీతా ౩౩ ॥ సచ్చిదానన్ద రూపతా ప్రకరణమ్ ॥

ఋభుః -

• వక్ష్యే పరం బ్రహ్మమాత్రమనుత్పన్నమిదం జగత్ ।
• సత్పదానన్దమాత్రోఽహమనుత్పన్నమిదం జగత్ ॥ ౧॥
• ఆత్మైవాహం పరం బ్రహ్మ నాన్యత్ సంసారదృష్టయః ।
• సత్పదానన్దమాత్రోఽహమనుత్పన్నమిదం జగత్ ॥ ౨॥
• సత్పదానన్దమాత్రోఽహం చిత్పదానన్దవిగ్రహమ్ ।
• అహమేవాహమేవైకమహమేవ పరాత్ పరః ॥ ౩॥
• సచ్చిదానదమేవైకమహం బ్రహ్మైవ కేవలమ్ ।
• అహమస్మి సదా భామి ఏవం రూపం కుతోఽప్యసత్ ॥ ౪॥
• త్వమిత్యేవం పరం బ్రహ్మ చిన్మయానన్దరూపవాన్ ।
• చిదాకారం చిదాకాశం చిదేవ పరమం సుఖమ్ ॥ ౫॥
• ఆత్మైవాహమసన్నాహం కూటస్థోఽహం గురుః పరః ।
• కాలం నాస్తి జగన్నాస్తి కల్మషత్వానుభావనమ్ ॥ ౬॥
• అహమేవ పరం బ్రహ్మ అహమేవ సదా శివః ।
• శుద్ధచైతన్య ఏవాహం శుద్ధసత్వానుభావనః ॥ ౭॥
• అద్వయానన్దమాత్రోఽహమవ్యయోఽహం మహానహమ్ ।
• సర్వం బ్రహ్మైవ సతతం సర్వం బ్రహ్మైవ నిర్మలః ॥ ౮॥
• సర్వం బ్రహ్మైవ నాన్యోఽస్తి సర్వం బ్రహ్మైవ చేతనః ।
• సర్వప్రకాశరూపోఽహం సర్వప్రియమనో హ్యహమ్ ॥ ౯॥
• ఏకాన్తైకప్రకాశోఽహం సిద్ధాసిద్ధవివర్జితః ।
• సర్వాన్తర్యామిరూపోఽహం సర్వసాక్షిత్వలక్షణమ్ ॥ ౧౦॥
• శమో విచారసన్తోషరూపోఽహమితి నిశ్చయః ।
• పరమాత్మా పరం జ్యోతిః పరం పరవివర్జితః ॥ ౧౧॥
• పరిపూర్ణస్వరూపోఽహం పరమాత్మాఽహమచ్యుతః ।
• సర్వవేదస్వరూపోఽహం సర్వశాస్త్రస్య నిర్ణయః ॥ ౧౨॥
• లోకానన్దస్వరూపోఽహం ముఖ్యానన్దస్య నిర్ణయః ।
• సర్వం బ్రహ్మైవ భూర్నాస్తి సర్వం బ్రహ్మైవ కారణమ్ ॥ ౧౩॥
• సర్వం బ్రహ్మైవ నాకార్యం సర్వం బ్రహ్మ స్వయం వరః ।
• నిత్యాక్షరోఽహం నిత్యోఽహం సర్వకల్యాణకారకమ్ ॥ ౧౪॥
• సత్యజ్ఞానప్రకాశోఽహం ముఖ్యవిజ్ఞానవిగ్రహః ।
• తుర్యాతుర్యప్రకాశోఽహం సిద్ధాసిద్ధాదివర్జితః ॥ ౧౫॥
• సర్వం బ్రహ్మైవ సతతం సర్వం బ్రహ్మ నిరన్తరమ్ ।
• సర్వం బ్రహ్మ చిదాకాశం నిత్యబ్రహ్మ నిరఞ్జనమ్ ॥ ౧౬॥
• సర్వం బ్రహ్మ గుణాతీతం సర్వం బ్రహ్మైవ కేవలమ్ ।
• సర్వం బ్రహ్మైవ ఇత్యేవం నిశ్చయం కురు సర్వదా ॥ ౧౭॥
• బ్రహ్మైవ సర్వమిత్యేవం సర్వదా దృఢనిశ్చయః ।
• సర్వం బ్రహ్మైవ ఇత్యేవం నిశ్చయిత్వా సుఖీ భవ ॥ ౧౮॥
• సర్వం బ్రహ్మైవ సతతం భావాభావౌ చిదేవ హి ।
• ద్వైతాద్వైతవివాదోఽయం నాస్తి నాస్తి న సంశయః ॥ ౧౯॥
• సర్వవిజ్ఞానమాత్రోఽహం సర్వం బ్రహ్మేతి నిశ్చయః ।
• గుహ్యాద్గుహ్యతరం సోఽహం గుణాతీతోఽహమద్వయః ॥ ౨౦॥
• అన్వయవ్యతిరేకం చ కార్యాకార్యం విశోధయ ।
• సచ్చిదానన్దరూపోఽహమనుత్పన్నమిదం జగత్ ॥ ౨౧॥
• బ్రహ్మైవ సర్వమేవేదం చిదాకాశమిదం జగత్ ।
• బ్రహ్మైవ పరమానన్దం ఆకాశసదృశం విభు ॥ ౨౨॥
• బ్రహ్మైవ సచ్చిదానన్దం సదా వాచామగోచరమ్ ।
• బ్రహ్మైవ సర్వమేవేదమస్తి నాస్తీతి కేచన ॥ ౨౩॥
• ఆనన్దభావనా కిఞ్చిత్ సదసన్మాత్ర ఏవ హి ।
• బ్రహ్మైవ సర్వమేవేదం సదా సన్మాత్రమేవ హి ॥ ౨౪॥
• బ్రహ్మైవ సర్వమేవదం చిద్ఘనానన్దవిగ్రహమ్ ।
• బ్రహ్మైవ సచ్చ సత్యం చ సనాతనమహం మహత్ ॥ ౨౫॥
• బ్రహ్మైవ సచ్చిదానన్దం ఓతప్రోతేవ తిష్ఠతి ।
• బ్రహ్మైవ సచ్చిదానన్దం సర్వాకారం సనాతనమ్ ॥ ౨౬॥
• బ్రహ్మైవ సచ్చిదానన్దం పరమానదమవ్యయమ్ ।
• బ్రహ్మైవ సచ్చిదానన్దం మాయాతీతం నిరఞ్జనమ్ ॥ ౨౭॥
• బ్రహ్మైవ సచ్చిదానన్దం సత్తామాత్రం సుఖాత్ సుఖమ్ ।
• బ్రహ్మైవ సచ్చిదానన్దం చిన్మాత్రైకస్వరూపకమ్ ॥ ౨౮॥
• బ్రహ్మైవ సచ్చిదానన్దం సర్వభేదవివర్జితమ్ ।
• సచ్చిదానన్దం బ్రహ్మైవ నానాకారమివ స్థితమ్ ॥ ౨౯॥
• బ్రహ్మైవ సచ్చిదానన్దం కర్తా చావసరోఽస్తి హి ।
• సచ్చిదానదం బ్రహ్మైవ పరం జ్యోతిః స్వరూపకమ్ ॥ ౩౦॥
• బ్రహ్మైవ సచ్చిదానన్దం నిత్యనిశ్చలమవ్యయమ్ ।
• బ్రహ్మైవ సచ్చిదానన్దం వాచావధిరసావయమ్ ॥ ౩౧॥
• బ్రహ్మైవ సచ్చిదానన్దం స్వయమేవ స్వయం సదా ।
• బ్రహ్మైవ సచ్చిదానన్దం న కరోతి న తిష్ఠతి ॥ ౩౨॥
• బ్రహ్మైవ సచ్చిదానన్దం న గచ్ఛతి న తిష్ఠతి ।
• బ్రహ్మైవ సచ్చిదానన్దం బ్రహ్మణోఽన్యన్న కిఞ్చన ॥ ౩౩॥
• బ్రహ్మైవ సచ్చిదానన్దం న శుక్లం న చ కృష్ణకమ్ ।
• బ్రహ్మైవ సచ్చిదానన్దం సర్వాధిష్ఠానమవ్యయమ్ ॥ ౩౪॥
• బ్రహ్మైవ సచ్చిదానన్దం న తూష్ణీం న విభాషణమ్ ।
• బ్రహ్మైవ సచ్చిదానన్దం సత్త్వం నాహం న కిఞ్చన ॥ ౩౫॥
• బ్రహ్మైవ సచ్చిదానన్దం పరాత్పరమనుద్భవమ్ ।
• బ్రహ్మైవ సచ్చిదానన్దం తత్త్వాతీతం మహోత్సవమ్ ॥ ౩౬॥
• బ్రహ్మైవ సచ్చిదానన్దం పరమాకాశమాతతమ్ ।
• బ్రహ్మైవ సచ్చిదానన్దం సర్వదా గురురూపకమ్ ॥ ౩౭॥
• బ్రహ్మైవ సచ్చిదానన్దం సదా నిర్మలవిగ్రహమ్ ।
• బ్రహ్మైవ సచ్చిదానన్దం శుద్ధచైతన్యమాతతమ్ ॥ ౩౮॥
• బ్రహ్మైవ సచ్చిదానన్దం స్వప్రకాశాత్మరూపకమ్ ।
• బ్రహ్మైవ సచ్చిదానన్దం నిశ్చయం చాత్మకారణమ్ ॥ ౩౯॥
• బ్రహ్మైవ సచ్చిదానన్దం స్వయమేవ ప్రకాశతే ।
• బ్రహ్మైవ సచ్చిదానన్దం నానాకార ఇతి స్థితమ్ ॥ ౪౦॥
• బ్రహ్మైవ సచ్చిదాకారం భ్రాన్తాధిష్ఠానరూపకమ్ ।
• బ్రహ్మైవ సచ్చిదానన్దం సర్వం నాస్తి న మే స్థితమ్ ॥ ౪౧॥
• వాచామగోచరం బ్రహ్మ సచ్చిదానదవిగ్రహమ్ ।
• సచ్చిదానన్దరూపోఽహమనుత్పన్నమిదమ్ జగత్ ॥ ౪౨॥
• బ్రహ్మైవేదం సదా సత్యం నిత్యముక్తం నిరఞ్జనమ్ ।
• సచ్చిదానన్దం బ్రహ్మైవ ఏకమేవ సదా సుఖమ్ ॥ ౪౩॥
• సచ్చిదానన్దం బ్రహ్మైవ పూర్ణాత్ పూర్ణతరం మహత్ ।
• సచ్చిదానన్దం బ్రహ్మైవ సర్వవ్యాపకమీశ్వరమ్ ॥ ౪౪॥
• సచ్చిదానన్దం బ్రహ్మైవ నామరూపప్రభాస్వరమ్ ।
• సచ్చిదానన్దం బ్రహ్మైవ అనన్తానన్దనిర్మలమ్ ॥ ౪౫॥
• సచ్చిదానన్దం బ్రహ్మైవ పరమానన్దదాయకమ్ ।
• సచ్చిదానన్దం బ్రహ్మైవ సన్మాత్రం సదసత్పరమ్ ॥ ౪౬॥
• సచ్చిదానన్దం బ్రహ్మైవ సర్వేషాం పరమవ్యయమ్ ।
• సచ్చిదానన్దం బ్రహ్మైవ మోక్షరూపం శుభాశుభమ్ ॥ ౪౭॥
• సచ్చిదానన్దం బ్రహ్మైవ పరిచ్ఛిన్నం న హి క్వచిత్ ।
• బ్రహ్మైవ సర్వమేవేదం శుద్ధబుద్ధమలేపకమ్ ॥ ౪౮॥
• సచ్చిదానన్దరూపోఽహమనుత్పన్నమిదం జగత్ ।
• ఏతత్ ప్రకరణం సత్యం సద్యోముక్తిప్రదాయకమ్ ॥ ౪౯॥
• సర్వదుఃఖక్షయకరం సర్వవిజ్ఞానదాయకమ్ ।
• నిత్యానన్దకరం సత్యం శాన్తిదాన్తిప్రదాయకమ్ ॥ ౫౦॥
• యస్త్వన్తకాన్తకమహేశ్వరపాదపద్మ-
• లోలమ్బసప్రభహృదా పరిశీలకశ్చ ।
• వృన్దారవృన్దవినతామలదివ్యపాదో
• భావో భవోద్భవకృపావశతో భవేచ్చ ॥ ౫౧॥

• ॥ ఇతి శ్రీశివరహస్యే శఙ్కరాఖ్యే షష్ఠాంశే ఋభునిదాఘసంవాదే సచ్చిదానన్దరూపతాప్రకరణం నామ త్రయస్త్రింశోఽధ్యాయః ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com