ഋഭുഗീതാ ൪൦ ॥ ചിത്ത-വൃത്തി-നിരോധ പ്രകരണമ് ॥
ഋഭുഃ -
- സര്വസാരാത് സാരതരം തതഃ സാരതരാന്തരമ് ।
- ഇദമന്തിമത്യന്തം ശൃണു പ്രകരണം മുദാ ॥ ൧॥
- ബ്രഹ്മൈവ സര്വമേവേദം ബ്രഹ്മൈവാന്യന്ന കിഞ്ചന ।
- നിശ്ചയം ദൃഢമാശ്രിത്യ സര്വത്ര സുഖമാസ്വ ഹ ॥ ൨॥
- ബ്രഹ്മൈവ സര്വഭുവനം ഭുവനം നാമ സന്ത്യജ ।
- അഹം ബ്രഹ്മേതി നിശ്ചിത്യ അഹം ഭാവം പരിത്യജ ॥ ൩॥
- സര്വമേവം ലയം യാതി സ്വയമേവ പതത്രിവത് ।
- സ്വയമേവ ലയം യാതി സുപ്തഹസ്തസ്ഥപദ്മവത് ॥ ൪॥
- ന ത്വം നാഹം ന പ്രപഞ്ചഃ സര്വം ബ്രഹ്മൈവ കേവലമ് ।
- ന ഭൂതം ന ച കാര്യം ച സര്വം ബ്രഹ്മൈവ കേവലമ് ॥ ൫॥
- ന ദൈവം ന ച കാര്യാണി ന ദേഹം നേന്ദ്രിയാണി ച ।
- ന ജാഗ്രന്ന ച വാ സ്വപ്നോ ന സുഷുപ്തിര്ന തുര്യകമ് ॥ ൬॥
- ഇദം പ്രപഞ്ചം നാസ്ത്യേവ സര്വം ബ്രഹ്മേതി നിശ്ചിനു ।
- സര്വം മിഥ്യാ സദാ മിഥ്യാ സര്വം ബ്രഹ്മേതി നിശ്ചിനു ॥ ൭॥
- സദാ ബ്രഹ്മ വിചാരം ച സര്വം ബ്രഹ്മേതി നിശ്ചിനു ।
- തഥാ ദ്വൈതപ്രതീതിശ്ച സര്വം ബ്രഹ്മേതി നിശ്ചിനു ॥ ൮॥
- സദാഹം ഭാവരൂപം ച സര്വം ബ്രഹ്മേതി നിശ്ചിനു ।
- നിത്യാനിത്യവിവേകം ച സര്വം ബ്രഹ്മേതി നിശ്ചിനു ॥ ൯॥
- ഭാവാഭാവപ്രതീതിം ച സര്വം ബ്രഹ്മേതി നിശ്ചിനു ।
- ഗുണദോഷവിഭാഗം ച സര്വം ബ്രഹ്മേതി നിശ്ചിനു ॥ ൧൦॥
- കാലാകാലവിഭാഗം ച സര്വം ബ്രഹ്മേതി നിശ്ചിനു ।
- അഹം ജീവേത്യനുഭവം സര്വം ബ്രഹ്മേതി നിശ്ചിനു ॥ ൧൧॥
- അഹം മുക്തോഽസ്മ്യനുഭവം സര്വം ബ്രഹ്മേതി നിശ്ചിനു ।
- സര്വം ബ്രഹ്മേതി കലനം സര്വം ബ്രഹ്മേതി നിശ്ചിനു ॥ ൧൨॥
- സര്വം നാസ്തീതി വാര്താ ച സര്വം ബ്രഹ്മേതി നിശ്ചിനു ।
- ദേവതാന്തരസത്താകം സര്വം ബ്രഹ്മേതി നിശ്ചിനു ॥ ൧൩॥
- ദേവതാന്തരപൂജാ ച സര്വം ബ്രഹ്മേതി നിശ്ചിനു ।
- ദേഹോഽഹമിതി സങ്കല്പം സര്വം ബ്രഹ്മേതി നിശ്ചിനു ॥ ൧൪॥
- ബ്രഹ്മാഹമിതി സങ്കല്പം സര്വം ബ്രഹ്മേതി നിശ്ചിനു ।
- ഗുരുശിഷ്യാദി സങ്കല്പം സര്വം ബ്രഹ്മേതി നിശ്ചിനു ॥ ൧൫॥
- തുല്യാതുല്യാദി സങ്കല്പം സര്വം ബ്രഹ്മേതി നിശ്ചിനു ।
- വേദശാസ്ത്രാദി സങ്കല്പം സര്വം ബ്രഹ്മേതി നിശ്ചിനു ॥ ൧൬॥
- ചിത്തസത്താദി സങ്കല്പം സര്വം ബ്രഹ്മേതി നിശ്ചിനു ।
- ബുദ്ധിനിശ്ചയസങ്കല്പം സര്വം ബ്രഹ്മേതി നിശ്ചിനു ॥ ൧൭॥
- മനോവികല്പസങ്കല്പം സര്വം ബ്രഹ്മേതി നിശ്ചിനു ।
- അഹംകാരാദി സങ്കല്പം സര്വം ബ്രഹ്മേതി നിശ്ചിനു ॥ ൧൮॥
- പഞ്ചഭൂതാദിസങ്കല്പം സര്വം ബ്രഹ്മേതി നിശ്ചിനു ।
- ശബ്ദാദിസത്താസങ്കല്പം സര്വം ബ്രഹ്മേതി നിശ്ചിനു ॥ ൧൯॥
- ദൃഗ്വാര്താദികസങ്കല്പം സര്വം ബ്രഹ്മേതി നിശ്ചിനു ।
- കര്മേന്ദ്രിയാദിസങ്കല്പം സര്വം ബ്രഹ്മേതി നിശ്ചിനു ॥ ൨൦॥
- വചനാദാനസങ്കല്പം സര്വം ബ്രഹ്മേതി നിശ്ചിനു ।
- മുനീന്ദ്രോപേന്ദ്രസങ്കല്പം സര്വം ബ്രഹ്മേതി നിശ്ചിനു ॥ ൨൧॥
- മനോബുദ്ധ്യാദിസങ്കല്പം സര്വം ബ്രഹ്മേതി നിശ്ചിനു ।
- സങ്കല്പാധ്യാസ ഇത്യാദി സര്വം ബ്രഹ്മേതി നിശ്ചിനു ॥ ൨൨॥
- രുദ്രക്ഷേത്രാദി സങ്കല്പം സര്വം ബ്രഹ്മേതി നിശ്ചിനു ।
- പ്രാണാദിദശസങ്കല്പം സര്വം ബ്രഹ്മേതി നിശ്ചിനു ॥ ൨൩॥
- മായാ വിദ്യാ ദേഹജീവാഃ സര്വം ബ്രഹ്മേതി നിശ്ചിനു ।
- സ്ഥൂലവ്യഷ്ടാദിസങ്കല്പം സര്വം ബ്രഹ്മേതി നിശ്ചിനു ॥ ൨൪॥
- സൂക്ഷ്മവ്യഷ്ടിസമഷ്ട്യാദി സര്വം ബ്രഹ്മേതി നിശ്ചിനു ।
- വ്യഷ്ട്യജ്ഞാനാദി സങ്കല്പം സര്വം ബ്രഹ്മേതി നിശ്ചിനു ॥ ൨൫॥
- വിശ്വവൈശ്വാനരത്വം ച സര്വം ബ്രഹ്മേതി നിശ്ചിനു ।
- തൈജസപ്രാജ്ഞഭേദം ച സര്വം ബ്രഹ്മേതി നിശ്ചിനു ॥ ൨൬॥
- വാച്യാര്ഥം ചാപി ലക്ഷ്യാര്ഥം സര്വം ബ്രഹ്മേതി നിശ്ചിനു ।
- ജഹല്ലക്ഷണയാനൈക്യം അജഹല്ലക്ഷണാ ധ്രുവമ് ॥ ൨൭॥
- ഭാഗത്യാഗേന നിത്യൈക്യം സര്വം ബ്രഹ്മ ഉപാധികമ് ।
- ലക്ഷ്യം ച നിരുപാധ്യൈക്യം സര്വം ബ്രഹ്മേതി നിശ്ചിനു ॥ ൨൮॥
- ഏവമാഹുര്മഹാത്മാനഃ സര്വം ബ്രഹ്മേതി കേവലമ് ।
- സര്വമന്തഃ പരിത്യജ്യ അഹം ബ്രഹ്മേതി ഭാവയ ॥ ൨൯॥
- അസങ്കലിതകാപിലൈര്മധുഹരാക്ഷിപൂജ്യാമ്ബുജ-
- പ്രഭാങ്ഘ്രിജനിമോത്തമോ പരിഷിചേദ്യദിന്ദുപ്രഭമ് ।
- തം ഡിണ്ഡീരനിഭോത്തമോത്തമ മഹാഖണ്ഡാജ്യദധ്നാ പരം
- ക്ഷീരാദ്യൈരഭിഷിച്യ മുക്തിപരമാനന്ദം ലഭേ ശാമ്ഭവമ് ॥ ൩൦॥
- ॥ ഇതി ശ്രീശിവരഹസ്യേ ശങ്കരാഖ്യേ ഷഷ്ഠാംശേ ഋഭുനിദാഘസംവാദേ ചിത്തവൃത്തിനിരോധപ്രകരണം നാമ ചത്വാരിംശോഽധ്യായഃ ॥
Special Thanks
The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.
Credits
Encoded by Anil Sharma anilandvijaya at gmail.com
Proofread by Sunder Hattangadi and Anil Sharma
https://sanskritdocuments.org
Send corrections to sanskrit at cheerful.com