Ribhu Gita - Siva Rahasya Purana Amsha 6

ഋഭുഗീതാ ൯ ॥ അഹം-ബ്രഹ്മാസ്മി പ്രകരണ നിരൂപണമ് ॥

നിദാഘഃ -

കുത്ര വാ ഭവതാ സ്നാനം ക്രിയതേ നിതരാം ഗുരോ ।
സ്നാനമന്ത്രം സ്നാനകാലം തര്പണം ച വദസ്വ മേ ॥ ൧॥

ഋഭുഃ -

ആത്മസ്നാനം മഹാസ്നാനം നിത്യസ്നാനം ന ചാന്യതഃ ।
ഇദമേവ മഹാസ്നാനം അഹം ബ്രഹ്മാസ്മി നിശ്ചയഃ ॥ ൨॥
പരബ്രഹ്മസ്വരൂപോഽഹം പരമാനന്ദമസ്മ്യഹമ് ।
ഇദമേവ മഹാസ്നാനം അഹം ബ്രഹ്മേതി നിശ്ചയഃ ॥ ൩॥
കേവലം ജ്ഞാനരൂപോഽഹം കേവലം പരമോഽസ്മ്യഹമ് ।
കേവലം ശാന്തരൂപോഽഹം കേവലം നിര്മലോഽസ്മ്യഹമ് ॥ ൪॥
കേവലം നിത്യരൂപോഽഹം കേവലം ശാശ്വതോഽസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൫॥
കേവലം സര്വരൂപോഽഹം അഹംത്യക്തോഽഹമസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൬॥
സര്വഹീനസ്വരൂപോഽഹം ചിദാകാശോഽഹമസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൭॥
കേവലം തുര്യരൂപോഽസ്മി തുര്യാതീതോഽസ്മി കേവലമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൮॥
സദാ ചൈതന്യരൂപോഽസ്മി സച്ചിദാനന്ദമസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൯॥
കേവലാകാരരൂപോഽസ്മി ശുദ്ധരൂപോഽസ്മ്യഹം സദാ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൧൦॥
കേവലം ജ്ഞാനശുദ്ധോഽസ്മി കേവലോഽസ്മി പ്രിയോഽസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൧൧॥
കേവലം നിര്വികല്പോഽസ്മി സ്വസ്വരൂപോഽഹമസ്മി ഹ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൧൨॥
സദാ സത്സങ്ഗരൂപോഽസ്മി സര്വദാ പരമോഽസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൧൩॥
സദാ ഹ്യേകസ്വരൂപോഽസ്മി സദാഽനന്യോഽസ്മ്യഹം സുഖമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൧൪॥
അപരിച്ഛിന്നരൂപോഽഹമ് അനന്താനന്ദമസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൧൫॥
സത്യാനന്ദസ്വരൂപോഽഹം ചിത്പരാനന്ദമസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൧൬॥
അനന്താനന്ദരൂപോഽഹമവാങ്മാനസഗോചരഃ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൧൭॥
ബ്രഹ്മാനദസ്വരൂപോഽഹം സത്യാനന്ദോഽസ്മ്യഹം സദാ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൧൮॥
ആത്മമാത്രസ്വരൂപോഽസ്മി ആത്മാനന്ദമയോഽസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൧൯॥
ആത്മപ്രകാശരൂപോഽസ്മി ആത്മജ്യോതിരസോഽസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൨൦॥
ആദിമധ്യാന്തഹീനോഽസ്മി ആകാശസദൃശോഽസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൨൧॥
നിത്യസത്താസ്വരൂപോഽസ്മി നിത്യമുക്തോഽസ്മ്യഹം സദാ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൨൨॥
നിത്യസംപൂര്ണരൂപോഽസ്മി നിത്യം നിര്മനസോഽസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൨൩॥
നിത്യസത്താസ്വരൂപോഽസ്മി നിത്യമുക്തോഽസ്മ്യഹം സദാ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൨൪॥
നിത്യശബ്ദസ്വരൂപോഽസ്മി സര്വാതീതോഽസ്മ്യഹം സദാ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൨൫॥
രൂപാതീതസ്വരൂപോഽസ്മി വ്യോമരൂപോഽസ്മ്യഹം സദാ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൨൬॥
ഭൂതാനന്ദസ്വരൂപോഽസ്മി ഭാഷാനന്ദോഽസ്മ്യഹം സദാ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൨൭॥
സര്വാധിഷ്ഠാനരൂപോഽസ്മി സര്വദാ ചിദ്ഘനോഽസ്മ്യഹമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൨൮॥
ദേഹഭാവവിഹീനോഽഹം ചിത്തഹീനോഽഹമേവ ഹി ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൨൯॥
ദേഹവൃത്തിവിഹീനോഽഹം മന്ത്രൈവാഹമഹം സദാ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൩൦॥
സര്വദൃശ്യവിഹീനോഽസ്മി ദൃശ്യരൂപോഽഹമേവ ഹി ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൩൧॥
സര്വദാ പൂര്ണരൂപോഽസ്മി നിത്യതൃപ്തോഽസ്മ്യഹം സദാ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൩൨॥
ഇദം ബ്രഹ്മൈവ സര്വസ്യ അഹം ചൈതന്യമേവ ഹി ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൩൩॥
അഹമേവാഹമേവാസ്മി നാന്യത് കിഞ്ചിച്ച വിദ്യതേ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൩൪॥
അഹമേവ മഹാനാത്മാ അഹമേവ പരായണമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൩൫॥
അഹമേവ മഹാശൂന്യമിത്യേവം മന്ത്രമുത്തമമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൩൬॥
അഹമേവാന്യവദ്ഭാമി അഹമേവ ശരീരവത് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൩൭॥
അഹം ച ശിഷ്യവദ്ഭാമി അഹം ലോകത്രയാദിവത് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൩൮॥
അഹം കാലത്രയാതീതഃ അഹം വേദൈരുപാസിതഃ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൩൯॥
അഹം ശാസ്ത്രേഷു നിര്ണീത അഹം ചിത്തേ വ്യവസ്ഥിതഃ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൪൦॥
മത്ത്യക്തം നാസ്തി കിഞ്ചിദ്വാ മത്ത്യക്തം പൃഥിവീ ച യാ ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൪൧॥
മയാതിരിക്തം തോയം വാ ഇത്യേവം മന്ത്രമുത്തമമ് ।
ഇദമേവ പരം ബ്രഹ്മ അഹം ബ്രഹ്മാസ്മി കേവലമ് ॥ ൪൨॥
അഹം ബ്രഹ്മാസ്മി ശുദ്ധോഽസ്മി നിത്യശുദ്ധോഽസ്മ്യഹം സദാ ।
നിര്ഗുണോഽസ്മി നിരീഹോഽസ്മി ഇത്യേവം മന്ത്രമുത്തമമ് ॥ ൪൩॥
ഹരിബ്രഹ്മാദിരൂപോഽസ്മി ഏതദ്ഭേദോഽപി നാസ്മ്യഹമ് ।
കേവലം ബ്രഹ്മമാത്രോഽസ്മി കേവലോഽസ്മ്യജയോഽസ്മ്യഹമ് ॥ ൪൪॥
സ്വയമേവ സ്വയംഭാസ്യം സ്വയമേവ ഹി നാന്യതഃ ।
സ്വയമേവാത്മനി സ്വസ്ഥഃ ഇത്യേവം മന്ത്രമുത്തമമ് ॥ ൪൫॥
സ്വയമേവ സ്വയം ഭുങ്ക്ഷ്വ സ്വയമേവ സ്വയം രമേ ।
സ്വയമേവ സ്വയംജ്യോതിഃ സ്വയമേവ സ്വയം രമേ ॥ ൪൬॥
സ്വസ്യാത്മനി സ്വയം രംസ്യേ സ്വാത്മന്യേവാവലോകയേ ।
സ്വാത്മന്യേവ സുഖേനാസി ഇത്യേവം മന്ത്രമുത്തമമ് ॥ ൪൭॥
സ്വചൈതന്യേ സ്വയം സ്ഥാസ്യേ സ്വാത്മരാജ്യേ സുഖം രമേ ।
സ്വാത്മസിംഹാസനേ തിഷ്ഠേ ഇത്യേവം മന്ത്രമുത്തമമ് ॥ ൪൮॥
സ്വാത്മമന്ത്രം സദാ പശ്യന് സ്വാത്മജ്ഞാനം സദാഽഭ്യസന് ।
അഹം ബ്രഹ്മാസ്മ്യഹം മന്ത്രഃ സ്വാത്മപാപം വിനാശയേത് ॥ ൪൯॥
അഹം ബ്രഹ്മാസ്മ്യഹം മന്ത്രോ ദ്വൈതദോഷം വിനാശയേത് ।
അഹം ബ്രഹ്മാസ്മ്യഹം മന്ത്രോ ഭേദദുഃഖം വിനാശയേത് ॥ ൫൦॥
അഹം ബ്രഹ്മാസ്മ്യഹം മന്ത്രശ്ചിന്താരോഗം വിനാശയേത് ।
അഹം ബ്രഹ്മാസ്മ്യഹം മന്ത്രോ ബുദ്ധിവ്യാധിം വിനാശയേത് ॥ ൫൧॥
അഹം ബ്രഹ്മാസ്മ്യഹം മന്ത്ര ആധിവ്യാധിം വിനാശയേത് ।
അഹം ബ്രഹ്മാസ്മ്യഹം മന്ത്രഃ സര്വലോകം വിനാശയേത് ॥ ൫൨॥
അഹം ബ്രഹ്മാസ്മ്യഹം മന്ത്രഃ കാമദോഷം വിനാശയേത് ।
അഹം ബ്രഹ്മാസ്മ്യഹം മന്ത്രഃ ക്രോധദോഷം വിനാശയേത് ॥ ൫൩॥
അഹം ബ്രഹ്മാസ്മ്യഹം മന്ത്രശ്ചിന്താദോഷം വിനാശയേത് ।
അഹം ബ്രഹ്മാസ്മ്യഹം മന്ത്രഃ സങ്കല്പം ച വിനാശയേത് ॥ ൫൪॥
അഹം ബ്രഹ്മാസ്മ്യഹം മന്ത്രഃ ഇദം ദുഃഖം വിനാശയേത് ।
അഹം ബ്രഹ്മാസ്മ്യഹം മന്ത്രഃ അവിവേകമലം ദഹേത് ॥ ൫൫॥
അഹം ബ്രഹ്മാസ്മ്യഹം മന്ത്രഃ അജ്ഞാനധ്വംസമാചരേത് ।
അഹം ബ്രഹ്മാസ്മ്യഹം മന്ത്രഃ കോടിദോഷം വിനാശയേത് ॥ ൫൬॥
അഹം ബ്രഹ്മാസ്മ്യഹം മന്ത്രഃ സര്വതന്ത്രം വിനാശയേത് ।
അഹം ബ്രഹ്മാസ്മ്യഹം മന്ത്രോ ദേഹദോഷം വിനാശയേത് ॥ ൫൭॥
അഹം ബ്രഹ്മാസ്മ്യഹം മന്ത്രഃ ദൃഷ്ടാദൃഷ്ടം വിനാശയേത് ।
അഹം ബ്രഹ്മാസ്മ്യഹം മന്ത്ര ആത്മജ്ഞാനപ്രകാശകമ് ॥ ൫൮॥
അഹം ബ്രഹ്മാസ്മ്യഹം മന്ത്ര ആത്മലോകജയപ്രദമ് ।
അഹം ബ്രഹ്മാസ്മ്യഹം മന്ത്ര അസത്യാദി വിനാശകമ് ॥ ൫൯॥
അഹം ബ്രഹ്മാസ്മ്യഹം മന്ത്രഃ അന്യത് സര്വം വിനാശയേത് ।
അഹം ബ്രഹ്മാസ്മ്യഹം മന്ത്ര അപ്രതര്ക്യസുഖപ്രദമ് ॥ ൬൦॥
അഹം ബ്രഹ്മാസ്മ്യഹം മന്ത്രഃ അനാത്മജ്ഞാനമാഹരേത് ।
അഹം ബ്രഹ്മാസ്മ്യഹം മന്ത്രോ ജ്ഞാനാനന്ദം പ്രയച്ഛതി ॥ ൬൧॥
സപ്തകോടി മഹാമന്ത്രാ ജന്മകോടിശതപ്രദാഃ ।
സര്വമന്ത്രാന് സമുത്സൃജ്യ ജപമേനം സമഭ്യസേത് ॥ ൬൨॥
സദ്യോ മോക്ഷമവാപ്നോതി നാത്ര സന്ദേഹമസ്തി മേ ।
മന്ത്രപ്രകരണേ പ്രോക്തം രഹസ്യം വേദകോടിഷു ॥ ൬൩॥
യഃ ശൃണോതി സകൃദ്വാപി ബ്രഹ്മൈവ ഭവതി സ്വയമ് ।
നിത്യാനന്ദമയഃ സ ഏവ പരമാനന്ദോദയഃ ശാശ്വതോ
യസ്മാന്നാന്യദതോഽന്യദാര്തമഖിലം തജ്ജം ജഗത് സര്വദഃ ।
യോ വാചാ മനസാ തഥേന്ദ്രിയഗണൈര്ദേഹോഽപി വേദ്യോ ന ചേ-
ദച്ഛേദ്യോ ഭവവൈദ്യ ഈശ ഇതി യാ സാ ധീഃ പരം മുക്തയേ ॥ ൬൪॥

॥ ഇതി ശ്രീശിവരഹസ്യേ ശങ്കരാഖ്യേ ഷഷ്ഠാംശേ ഋഭുനിദാഘസംവാദേ അഹംബ്രഹ്മാസ്മിപ്രകരണനിരൂപണം നാമ നവമോഽധ്യായഃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com