ഋഭുഗീതാ ൭ ॥ സ്വാത്മ-നിരൂപണമ് ॥

ഋഭുഃ -

• അത്യദ്ഭുതം പ്രവക്ഷ്യാമി സര്വലോകേഷു ദുര്ലഭമ് ।
• വേദശാസ്ത്രമഹാസാരം ദുര്ലഭം ദുര്ലഭം സദാ ॥ ൧॥
• അഖണ്ഡൈകരസോ മന്ത്രമഖണ്ഡൈകരസം ഫലമ് ।
• അഖണ്ഡൈകരസോ ജീവ അഖണ്ഡൈകരസാ ക്രിയാ ॥ ൨॥
• അഖണ്ഡൈകരസാ ഭൂമിരഖണ്ഡൈകരസം ജലമ് ।
• അഖണ്ഡൈകരസോ ഗന്ധ അഖണ്ഡൈകരസം വിയത് ॥ ൩॥
• അഖണ്ഡൈകരസം ശാസ്ത്രം അഖണ്ഡൈകരസം ശ്രുതിഃ ।
• അഖണ്ഡൈകരസം ബ്രഹ്മ അഖണ്ഡൈകരസം വ്രതമ് ॥ ൪॥
• അഖണ്ഡൈകരസോ വിഷ്ണുരഖണ്ഡൈകരസഃ ശിവഃ ।
• അഖണ്ഡൈകരസോ ബ്രഹ്മാ അഖണ്ഡൈകരസാഃ സുരാഃ ॥ ൫॥
• അഖണ്ഡൈകരസം സര്വമഖണ്ഡൈകരസഃ സ്വയമ് ।
• അഖണ്ഡൈകരസശ്ചാത്മാ അഖണ്ഡൈകരസോ ഗുരുഃ ॥ ൬॥
• അഖണ്ഡൈകരസം വാച്യമഖണ്ഡൈകരസം മഹഃ ।
• അഖണ്ഡൈകരസം ദേഹ അഖണ്ഡൈകരസം മനഃ ॥ ൭॥
• അഖണ്ഡൈകരസം ചിത്തം അഖണ്ഡൈകരസം സുഖമ് ।
• അഖണ്ഡൈകരസാ വിദ്യാ അഖണ്ഡൈകരസോഽവ്യയഃ ॥ ൮॥
• അഖണ്ഡൈകരസം നിത്യമഖണ്ഡൈകരസഃ പരഃ ।
• അഖണ്ഡൈകരസാത് കിഞ്ചിദഖണ്ഡൈകരസാദഹമ് ॥ ൯॥
• അഖണ്ഡൈകരസം വാസ്തി അഖണ്ഡൈകരസം ന ഹി ।
• അഖണ്ഡൈകരസാദന്യത് അഖണ്ഡൈകരസാത് പരഃ ॥ ൧൦॥
• അഖണ്ഡൈകരസാത് സ്ഥൂലം അഖണ്ഡൈകരസം ജനഃ ।
• അഖണ്ഡൈകരസം സൂക്ഷ്മമഖണ്ഡൈകരസം ദ്വയമ് ॥ ൧൧॥
• അഖണ്ഡൈകരസം നാസ്തി അഖണ്ഡൈകരസം ബലമ് ।
• അഖണ്ഡൈകരസാദ്വിഷ്ണുരഖണ്ഡൈകരസാദണുഃ ॥ ൧൨॥
• അഖണ്ഡൈകരസം നാസ്തി അഖണ്ഡൈകരസാദ്ഭവാന് ।
• അഖണ്ഡൈകരസോ ഹ്യേവ അഖണ്ഡൈകരസാദിതമ് ॥ ൧൩॥
• അഖണ്ഡിതരസാദ് ജ്ഞാനം അഖണ്ഡിതരസാദ് സ്ഥിതമ് ।
• അഖണ്ഡൈകരസാ ലീലാ അഖണ്ഡൈകരസഃ പിതാ ॥ ൧൪॥var was ലീനാ
• അഖണ്ഡൈകരസാ ഭക്താ അഖണ്ഡൈകരസഃ പതിഃ ।
• അഖണ്ഡൈകരസാ മാതാ അഖണ്ഡൈകരസോ വിരാട് ॥ ൧൫॥
• അഖണ്ഡൈകരസം ഗാത്രം അഖണ്ഡൈകരസം ശിരഃ ।
• അഖണ്ഡൈകരസം ഘ്രാണം അഖണ്ഡൈകരസം ബഹിഃ ॥ ൧൬॥
• അഖണ്ഡൈകരസം പൂര്ണമഖണ്ഡൈകരസാമൃതമ് ।
• അഖണ്ഡൈകരസം ശ്രോത്രമഖണ്ഡൈകരസം ഗൃഹമ് ॥ ൧൭॥
• അഖണ്ഡൈകരസം ഗോപ്യമഖണ്ഡൈകരസഃ ശിവഃ ।
• അഖണ്ഡൈകരസം നാമ അഖണ്ഡൈകരസോ രവിഃ ॥ ൧൮॥
• അഖണ്ഡൈകരസഃ സോമഃ അഖണ്ഡൈകരസോ ഗുരുഃ ।
• അഖണ്ഡൈകരസഃ സാക്ഷീ അഖണ്ഡൈകരസഃ സുഹൃത് ॥ ൧൯॥
• അഖണ്ഡൈകരസോ ബന്ധുരഖണ്ഡൈകരസോഽസ്മ്യഹമ് ।
• അഖണ്ഡൈകരസോ രാജാ അഖണ്ഡൈകരസം പുരമ് ॥ ൨൦॥
• അഖണ്ഡൈകരസൈശ്വര്യം അഖണ്ഡൈകരസം പ്രഭുഃ ।
• അഖണ്ഡൈകരസോ മന്ത്ര അഖണ്ഡൈകരസോ ജപഃ ॥ ൨൧॥
• അഖണ്ഡൈകരസം ധ്യാനമഖണ്ഡൈകരസം പദമ് ।
• അഖണ്ഡൈകരസം ഗ്രാഹ്യമഖണ്ഡൈകരസം മഹാന് ॥ ൨൨॥
• അഖണ്ഡൈകരസം ജ്യോതിരഖണ്ഡൈകരസം പരമ് ।
• അഖണ്ഡൈകരസം ഭോജ്യമഖണ്ഡൈകരസം ഹവിഃ ॥ ൨൩॥
• അഖണ്ഡൈകരസോ ഹോമഃ അഖണ്ഡൈകരസോ ജയഃ ।
• അഖണ്ഡൈകരസഃ സ്വര്ഗഃ അഖണ്ഡൈകരസഃ സ്വയമ് ॥ ൨൪॥
• അഖണ്ഡൈകരസാകാരാദന്യന്നാസ്തി നഹി ക്വചിത് ।
• ശൃണു ഭൂയോ മഹാശ്ചര്യം നിത്യാനുഭവസംപദമ് ॥ ൨൫॥
• ദുര്ലഭം ദുര്ലഭം ലോകേ സര്വലോകേഷു ദുര്ലഭമ് ।
• അഹമസ്മി പരം ചാസ്മി പ്രഭാസ്മി പ്രഭവോഽസ്മ്യഹമ് ॥ ൨൬॥
• സര്വരൂപഗുരുശ്ചാസ്മി സര്വരൂപോഽസ്മി സോഽസ്മ്യഹമ് ।
• അഹമേവാസ്മി ശുദ്ധോഽസ്മി ഋദ്ധോഽസ്മി പരമോഽസ്മ്യഹമ് ॥ ൨൭॥
• അഹമസ്മി സദാ ജ്ഞോഽസ്മി സത്യോഽസ്മി വിമലോഽസ്മ്യഹമ് ।
• വിജ്ഞാനോഽസ്മി വിശേഷോഽസ്മി സാമ്യോഽസ്മി സകലോഽസ്മ്യഹമ് ॥ ൨൮॥
• ശുദ്ധോഽസ്മി ശോകഹീനോഽസ്മി ചൈതന്യോഽസ്മി സമോഽസ്മ്യഹമ് ।
• മാനാവമാനഹീനോഽസ്മി നിര്ഗുണോഽസ്മി ശിവോഽസ്മ്യഹമ് ॥ ൨൯॥
• ദ്വൈതാദ്വൈതവിഹീനോഽസ്മി ദ്വന്ദ്വഹീനോഽസ്മി സോഽസ്മ്യഹമ് ।
• ഭാവാഭാവവിഹീനോഽസ്മി ഭാഷാഹീനോഽസ്മി സോഽസ്മ്യഹമ് ॥ ൩൦॥
• ശൂന്യാശൂന്യപ്രഭാവോഽസ്മി ശോഭനോഽസ്മി മനോഽസ്മ്യഹമ് ।
• തുല്യാതുല്യവിഹീനോഽസ്മി തുച്ഛഭാവോഽസ്മി നാസ്മ്യഹമ് ॥ ൩൧॥
• സദാ സര്വവിഹീനോഽസ്മി സാത്വികോഽസ്മി സദാസ്മ്യഹമ് ।
• ഏകസംഖ്യാവിഹീനോഽസ്മി ദ്വിസംഖ്യാ നാസ്തി നാസ്മ്യഹമ് ॥ ൩൨॥
• സദസദ്ഭേദഹീനോഽസ്മി സംകല്പരഹിതോഽസ്മ്യഹമ് ।
• നാനാത്മഭേദഹീനോഽസ്മി യത് കിഞ്ചിന്നാസ്തി സോഽസ്മ്യഹമ് ॥ ൩൩॥
• നാഹമസ്മി ന ചാന്യോഽസ്മി ദേഹാദിരഹിതോഽസ്മ്യഹമ് ।
• ആശ്രയാശ്രയഹീനോഽസ്മി ആധാരരഹിതോഽസ്മ്യഹമ് ॥ ൩൪॥
• ബന്ധമോക്ഷാദിഹീനോഽസ്മി ശുദ്ധബ്രഹ്മാദി സോഽസ്മ്യഹമ് ।
• ചിത്താദിസര്വഹീനോഽസ്മി പരമോഽസ്മി പരോഽസ്മ്യഹമ് ॥ ൩൫॥
• സദാ വിചാരരൂപോഽസ്മി നിര്വിചാരോഽസ്മി സോഽസ്മ്യഹമ് ।
• ആകാരാദിസ്വരൂപോഽസ്മി ഉകാരോഽസ്മി മുദോഽസ്മ്യഹമ് ॥ ൩൬॥
• ധ്യാനാധ്യാനവിഹീനോഽസ്മി ധ്യേയഹീനോഽസ്മി സോഽസ്മ്യഹമ് ।
• പൂര്ണാത് പൂര്ണോഽസ്മി പൂര്ണോഽസ്മി സര്വപൂര്ണോഽസ്മി സോഽസ്മ്യഹമ് ॥ ൩൭॥
• സര്വാതീതസ്വരൂപോഽസ്മി പരം ബ്രഹ്മാസ്മി സോഽസ്മ്യഹമ് ।
• ലക്ഷ്യലക്ഷണഹീനോഽസ്മി ലയഹീനോഽസ്മി സോഽസ്മ്യഹമ് ॥ ൩൮॥
• മാതൃമാനവിഹീനോഽസ്മി മേയഹീനോഽസ്മി സോഽസ്മ്യഹമ് ।
• അഗത് സര്വം ച ദ്രഷ്ടാസ്മി നേത്രാദിരഹിതോഽസ്മ്യഹമ് ॥ ൩൯॥
• പ്രവൃദ്ധോഽസ്മി പ്രബുദ്ധോഽസ്മി പ്രസന്നോഽസ്മി പരോഽസ്മ്യഹമ് ।
• സര്വേന്ദ്രിയവിഹീനോഽസ്മി സര്വകര്മഹിതോഽസ്മ്യഹമ് ॥ ൪൦॥
• സര്വവേദാന്തതൃപ്തോഽസ്മി സര്വദാ സുലഭോഽസ്മ്യഹമ് ।
• മുദാ മുദിതശൂന്യോഽസ്മി സര്വമൌനഫലോഽസ്മ്യഹമ് ॥ ൪൧॥
• നിത്യചിന്മാത്രരൂപോഽസ്മി സദസച്ചിന്മയോഽസ്മ്യഹമ് ।
• യത് കിഞ്ചിദപി ഹീനോഽസ്മി സ്വല്പമപ്യതി നാഹിതമ് ॥ ൪൨॥
• ഹൃദയഗ്രന്ഥിഹീനോഽസ്മി ഹൃദയാദ്വ്യാപകോഽസ്മ്യഹമ് ।
• ഷഡ്വികാരവിഹീനോഽസ്മി ഷട്കോശരഹിതോഽസ്മ്യഹമ് ॥ ൪൩॥
• അരിഷഡ്വര്ഗമുക്തോഽസ്മി അന്തരാദന്തരോഽസ്മ്യഹമ് ।
• ദേശകാലവിഹീനോഽസ്മി ദിഗമ്ബരമുഖോഽസ്മ്യഹമ് ॥ ൪൪॥
• നാസ്തി ഹാസ്തി വിമുക്തോഽസ്മി നകാരരഹിതോഽസ്മ്യഹമ് ।
• സര്വചിന്മാത്രരൂപോഽസ്മി സച്ചിദാനന്ദമസ്മ്യഹമ് ॥ ൪൫॥
• അഖണ്ഡാകാരരൂപോഽസ്മി അഖണ്ഡാകാരമസ്മ്യഹമ് ।
• പ്രപഞ്ചചിത്തരൂപോഽസ്മി പ്രപഞ്ചരഹിതോഽസ്മ്യഹമ് ॥ ൪൬॥
• സര്വപ്രകാരരൂപോഽസ്മി സദ്ഭാവാവര്ജിതോഽസ്മ്യഹമ് ।
• കാലത്രയവിഹീനോഽസ്മി കാമാദിരഹിതോഽസ്മ്യഹമ് ॥ ൪൭॥
• കായകായിവിമുക്തോഽസ്മി നിര്ഗുണപ്രഭവോഽസ്മ്യഹമ് ।
• മുക്തിഹീനോഽസ്മി മുക്തോഽസ്മി മോക്ഷഹീനോഽസ്മ്യഹം സദാ ॥ ൪൮॥
• സത്യാസത്യവിഹീനോഽസ്മി സദാ സന്മാത്രമസ്മ്യഹമ് ।
• ഗന്തവ്യദേശഹീനോഽസ്മി ഗമനാരഹിതോഽസ്മ്യഹമ് ॥ ൪൯॥
• സര്വദാ സ്മരരൂപോഽസ്മി ശാന്തോഽസ്മി സുഹിതോഽസ്മ്യഹമ് ।
• ഏവം സ്വാനുഭവം പ്രോക്തം ഏതത് പ്രകരണം മഹത് ॥ ൫൦॥
• യഃ ശൃണോതി സകൃദ്വാപി ബ്രഹ്മൈവ ഭവതി സ്വയമ് ।
• പിണ്ഡാണ്ഡസംഭവജഗദ്ഗതഖണ്ഡനോദ്യ-
• ദ്വേതണ്ഡശുണ്ഡനിഭപീവരബാഹുദണ്ഡ ।
• ബ്രഹ്മോരുമുണ്ഡകലിതാണ്ഡജവാഹബാണ
• കോദണ്ഡഭൂധരധരം ഭജതാമഖണ്ഡമ് ॥ ൫൧॥
• വിശ്വാത്മന്യദ്വിതീയേ ഭഗവതി ഗിരിജാനായകേ കാശരൂപേ
• നീരൂപേ വിശ്വരൂപേ ഗതദുരിതധിയഃ പ്രാപ്നുവന്ത്യാത്മഭാവമ് ।
• അന്യേ ഭേദധിയഃ ശ്രുതിപ്രകഥിതൈര്വര്ണാശ്രമോത്ഥശ്രമൈഃ
• താന്താഃ ശാന്തിവിവര്ജിതാ വിഷയിണോ ദുഃഖം ഭജന്ത്യന്വഹമ് ॥ ൫൨॥

• ॥ ഇതി ശ്രീശിവരഹസ്യേ ശങ്കരാഖ്യേ ഷഷ്ഠാംശേ ഋഭുനിദാഘസംവാദേ സ്വാത്മനിരൂപണം നാമ സപ്തമോഽധ്യായഃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com