Ribhu Gita - Siva Rahasya Purana Amsha 6

ଋଭୁଗୀତା ୧୫ ॥ ବ୍ରହ୍ମୈଵ ସର୍ଵଂ ପ୍ରକରଣ ନିରୂପଣମ୍ ॥

ଋଭୁଃ -

ମହାରହସ୍ଯଂ ଵକ୍ଷ୍ଯାମି ଗୁହ୍ଯାତ୍ ଗୁହ୍ଯତରଂ ପୁନଃ ।
ଅତ୍ଯନ୍ତଦୁର୍ଲଭଂ ଲୋକେ ସର୍ଵଂ ବ୍ରହ୍ମୈଵ କେଵଲମ୍ ॥ ୧॥
ବ୍ରହ୍ମମାତ୍ରମିଦଂ ସର୍ଵଂ ବ୍ରହ୍ମମାତ୍ରମସନ୍ନ ହି ।
ବ୍ରହ୍ମମାତ୍ରଂ ଶ୍ରୁତଂ ସର୍ଵଂ ସର୍ଵଂ ବ୍ରହ୍ମୈଵ କେଵଲମ୍ ॥ ୨॥
ବ୍ରହ୍ମମାତ୍ରଂ ମହାଯନ୍ତ୍ରଂ ବ୍ରହ୍ମମାତ୍ରଂ କ୍ରିଯାଫଲମ୍ ।
ବ୍ରହ୍ମମାତ୍ରଂ ମହାଵାକ୍ଯଂ ସର୍ଵଂ ବ୍ରହ୍ମୈଵ କେଵଲମ୍ ॥ ୩॥
ବ୍ରହ୍ମମାତ୍ରଂ ଜଗତ୍ସର୍ଵଂ ବ୍ରହ୍ମମାତ୍ରଂ ଜଡାଜଡମ୍ ।
ବ୍ରହ୍ମମାତ୍ରଂ ପରଂ ଦେହଂ ସର୍ଵଂ ବ୍ରହ୍ମୈଵ କେଵଲମ୍ ॥ ୪॥
ବ୍ରହ୍ମମାତ୍ରଂ ଗୁଣଂ ପ୍ରୋକ୍ତଂ ବ୍ରହ୍ମମାତ୍ରମହଂ ମହତ୍ ।
ବ୍ରହ୍ମମାତ୍ରଂ ପରଂ ବ୍ରହ୍ମ ସର୍ଵଂ ବ୍ରହ୍ମୈଵ କେଵଲମ୍ ॥ ୫॥
ବ୍ରହ୍ମମାତ୍ରମିଦଂ ଵସ୍ତୁ ବ୍ରହ୍ମମାତ୍ରଂ ସ ଚ ପୁମାନ୍ ।
ବ୍ରହ୍ମମାତ୍ରଂ ଚ ଯତ୍ କିଞ୍ଚିତ୍ ସର୍ଵଂ ବ୍ରହ୍ମୈଵ କେଵଲମ୍ ॥ ୬॥
ବ୍ରହ୍ମମାତ୍ରମନନ୍ତାତ୍ମା ବ୍ରହ୍ମମାତ୍ରଂ ପରଂ ସୁଖମ୍ ।
ବ୍ରହ୍ମମାତ୍ରଂ ପରଂ ଜ୍ଞାନଂ ସର୍ଵଂ ବ୍ରହ୍ମୈଵ କେଵଲମ୍ ॥ ୭॥
ବ୍ରହ୍ମମାତ୍ରଂ ପରଂ ପାରଂ ବ୍ରହ୍ମମାତ୍ରଂ ପୁରତ୍ରଯମ୍ ।
ବ୍ରହ୍ମମାତ୍ରମନେକତ୍ଵଂ ସର୍ଵଂ ବ୍ରହ୍ମୈଵ କେଵଲମ୍ ॥ ୮॥
ବ୍ରହ୍ମୈଵ କେଵଲଂ ଗନ୍ଧଂ ବ୍ରହ୍ମୈଵ ପରମଂ ପଦମ୍ ।
ବ୍ରହ୍ମୈଵ କେଵଲଂ ଘ୍ରାଣଂ ସର୍ଵଂ ବ୍ରହ୍ମୈଵ କେଵଲମ୍ ॥ ୯॥
ବ୍ରହ୍ମୈଵ କେଵଲଂ ସ୍ପର୍ଶଂ ଶବ୍ଦଂ ବ୍ରହ୍ମୈଵ କେଵଲମ୍ ।
ବ୍ରହ୍ମୈଵ କେଵଲଂ ରୂପଂ ସର୍ଵଂ ବ୍ରହ୍ମୈଵ କେଵଲମ୍ ॥ ୧୦॥
ବ୍ରହ୍ମୈଵ କେଵଲଂ ଲୋକଂ ରସୋ ବ୍ରହ୍ମୈଵ କେଵଲମ୍ ।
ବ୍ରହ୍ମୈଵ କେଵଲଂ ଚିତ୍ତଂ ସର୍ଵଂ ବ୍ରହ୍ମୈଵ କେଵଲମ୍ ॥ ୧୧॥
ତତ୍ପଦଂ ଚ ସଦା ବ୍ରହ୍ମ ତ୍ଵଂ ପଦଂ ବ୍ରହ୍ମ ଏଵ ହି ।
ଅସୀତ୍ଯେଵ ପଦଂ ବ୍ରହ୍ମ ବ୍ରହ୍ମୈକ୍ଯଂ କେଵଲମ୍ ସଦା ॥ ୧୨॥
ବ୍ରହ୍ମୈଵ କେଵଲଂ ଗୁହ୍ଯଂ ବ୍ରହ୍ମ ବାହ୍ଯଂ ଚ କେଵଲମ୍ ।
ବ୍ରହ୍ମୈଵ କେଵଲଂ ନିତ୍ଯଂ ସର୍ଵଂ ବ୍ରହ୍ମୈଵ କେଵଲମ୍ ॥ ୧୩॥
ବ୍ରହ୍ମୈଵ ତଜ୍ଜଲାନୀତି ଜଗଦାଦ୍ଯନ୍ତଯୋଃ ସ୍ଥିତିଃ ।
ବ୍ରହ୍ମୈଵ ଜଗଦାଦ୍ଯନ୍ତଂ ସର୍ଵଂ ବ୍ରହ୍ମୈଵ କେଵଲମ୍ ॥ ୧୪॥
ବ୍ରହ୍ମୈଵ ଚାସ୍ତି ନାସ୍ତୀତି ବ୍ରହ୍ମୈଵାହଂ ନ ସଂଶଯଃ ।
ବ୍ରହ୍ମୈଵ ସର୍ଵଂ ଯତ୍ କିଞ୍ଚିତ୍ ସର୍ଵଂ ବ୍ରହ୍ମୈଵ କେଵଲମ୍ ॥ ୧୫॥
ବ୍ରହ୍ମୈଵ ଜାଗ୍ରତ୍ ସର୍ଵଂ ହି ବ୍ରହ୍ମମାତ୍ରମହଂ ପରମ୍ ।
ବ୍ରହ୍ମୈଵ ସତ୍ଯମସ୍ତିତ୍ଵଂ ବ୍ରହ୍ମୈଵ ତୁର୍ଯମୁଚ୍ଯତେ ॥ ୧୬॥
ବ୍ରହ୍ମୈଵ ସତ୍ତା ବ୍ରହ୍ମୈଵ ବ୍ରହ୍ମୈଵ ଗୁରୁଭାଵନମ୍ ।
ବ୍ରହ୍ମୈଵ ଶିଷ୍ଯସଦ୍ଭାଵଂ ମୋକ୍ଷଂ ବ୍ରହ୍ମୈଵ କେଵଲମ୍ ॥ ୧୭॥
ପୂର୍ଵାପରଂ ଚ ବ୍ରହ୍ମୈଵ ପୂର୍ଣଂ ବ୍ରହ୍ମ ସନାତନମ୍ ।
ବ୍ରହ୍ମୈଵ କେଵଲଂ ସାକ୍ଷାତ୍ ସର୍ଵଂ ବ୍ରହ୍ମୈଵ କେଵଲମ୍ ॥ ୧୮॥
ବ୍ରହ୍ମ ସଚ୍ଚିତ୍ସୁଖଂ ବ୍ରହ୍ମ ପୂର୍ଣଂ ବ୍ରହ୍ମ ସନାତନମ୍ ।
ବ୍ରହ୍ମୈଵ କେଵଲଂ ସାକ୍ଷାତ୍ ସର୍ଵଂ ବ୍ରହ୍ମୈଵ କେଵଲମ୍ ॥ ୧୯॥
ବ୍ରହ୍ମୈଵ କେଵଲଂ ସଚ୍ଚିତ୍ ସୁଖଂ ବ୍ରହ୍ମୈଵ କେଵଲମ୍ ।
ଆନନ୍ଦଂ ବ୍ରହ୍ମ ସର୍ଵତ୍ର ପ୍ରିଯରୂପମଵସ୍ଥିତମ୍ ॥ ୨୦॥
ଶୁଭଵାସନଯା ଜୀଵଂ ଶିଵଵଦ୍ଭାତି ସର୍ଵଦା ।
ପାପଵାସନଯା ଜୀଵୋ ନରକଂ ଭୋଜ୍ଯଵତ୍ ସ୍ଥିତମ୍ ॥ ୨୧॥
ବ୍ରହ୍ମୈଵେନ୍ଦ୍ରିଯଵଦ୍ଭାନଂ ବ୍ରହ୍ମୈଵ ଵିଷଯାଦିଵତ୍ ।
ବ୍ରହ୍ମୈଵ ଵ୍ଯଵହାରଶ୍ଚ ସର୍ଵଂ ବ୍ରହ୍ମୈଵ କେଵଲମ୍ ॥ ୨୨॥
ବ୍ରହ୍ମୈଵ ସର୍ଵମାନନ୍ଦଂ ବ୍ରହ୍ମୈଵ ଜ୍ଞାନଵିଗ୍ରହମ୍ ।
ବ୍ରହ୍ମୈଵ ମାଯାକାର୍ଯାଖ୍ଯଂ ସର୍ଵଂ ବ୍ରହ୍ମୈଵ କେଵଲମ୍ ॥ ୨୩॥
ବ୍ରହ୍ମୈଵ ଯଜ୍ଞସନ୍ଧାନଂ ବ୍ରହ୍ମୈଵ ହୃଦଯାମ୍ବରମ୍ ।
ବ୍ରହ୍ମୈଵ ମୋକ୍ଷସାରାଖ୍ଯଂ ସର୍ଵଂ ବ୍ରହ୍ମୈଵ କେଵଲମ୍ ॥ ୨୪॥
ବ୍ରହ୍ମୈଵ ଶୁଦ୍ଧାଶୁଦ୍ଧଂ ଚ ସର୍ଵଂ ବ୍ରହ୍ମୈଵ କାରଣମ୍ ।
ବ୍ରହ୍ମୈଵ କାର୍ଯଂ ଭୂଲୋକଂ ସର୍ଵଂ ବ୍ରହ୍ମୈଵ କେଵଲମ୍ ॥ ୨୫॥
ବ୍ରହ୍ମୈଵ ନିତ୍ଯତୃପ୍ତାତ୍ମା ବ୍ରହ୍ମୈଵ ସକଲଂ ଦିନମ୍ ।
ବ୍ରହ୍ମୈଵ ତୂଷ୍ଣୀଂ ଭୂତାତ୍ମା ସର୍ଵଂ ବ୍ରହ୍ମୈଵ କେଵଲମ୍ ॥ ୨୬॥
ବ୍ରହ୍ମୈଵ ଵେଦସାରାର୍ଥଃ ବ୍ରହ୍ମୈଵ ଧ୍ଯାନଗୋଚରମ୍ ।
ବ୍ରହ୍ମୈଵ ଯୋଗଯୋଗାଖ୍ଯଂ ସର୍ଵଂ ବ୍ରହ୍ମୈଵ କେଵଲମ୍ ॥ ୨୭॥
ନାନାରୂପତ୍ଵାଦ୍ ବ୍ରହ୍ମ ଉପାଧିତ୍ଵେନ ଦୃଶ୍ଯତେ ।
ମାଯାମାତ୍ରମିତି ଜ୍ଞାତ୍ଵା ଵସ୍ତୁତୋ ନାସ୍ତି ତତ୍ତ୍ଵତଃ ॥ ୨୮॥
ବ୍ରହ୍ମୈଵ ଲୋକଵଦ୍ଭାତି ବ୍ରହ୍ମୈଵ ଜନଵତ୍ତଥା ।
ବ୍ରହ୍ମୈଵ ରୂପଵଦ୍ଭାତି ଵସ୍ତୁତୋ ନାସ୍ତି କିଞ୍ଚନ ॥ ୨୯॥
ବ୍ରହ୍ମୈଵ ଦେଵତାକାରଂ ବ୍ରହ୍ମୈଵ ମୁନିମଣ୍ଡଲମ୍ ।
ବ୍ରହ୍ମୈଵ ଧ୍ଯାନରୂପଂ ଚ ସର୍ଵଂ ବ୍ରହ୍ମୈଵ କେଵଲମ୍ ॥ ୩୦॥
ବ୍ରହ୍ମୈଵ ଜ୍ଞାନଵିଜ୍ଞାନଂ ବ୍ରହ୍ମୈଵ ପରମେଶ୍ଵରଃ ।
ବ୍ରହ୍ମୈଵ ଶୁଦ୍ଧବୁଦ୍ଧାତ୍ମା ସର୍ଵଂ ବ୍ରହ୍ମୈଵ କେଵଲମ୍ ॥ ୩୧॥
ବ୍ରହ୍ମୈଵ ପରମାନଦଂ ବ୍ରହ୍ମୈଵ ଵ୍ଯାପକଂ ମହତ୍ ।
ବ୍ରହ୍ମୈଵ ପରମାର୍ଥଂ ଚ ସର୍ଵଂ ବ୍ରହ୍ମୈଵ କେଵଲମ୍ ॥ ୩୨॥
ବ୍ରହ୍ମୈଵ ଯଜ୍ଞରୂପଂ ଚ ବ୍ରହ୍ମ ହଵ୍ଯଂ ଚ କେଵଲମ୍ ।
ବ୍ରହ୍ମୈଵ ଜୀଵଭୂତାତ୍ମା ସର୍ଵଂ ବ୍ରହ୍ମୈଵ କେଵଲମ୍ ॥ ୩୩॥
ବ୍ରହ୍ମୈଵ ସକଲଂ ଲୋକଂ ବ୍ରହ୍ମୈଵ ଗୁରୁଶିଷ୍ଯକମ୍ ।
ବ୍ରହ୍ମୈଵ ସର୍ଵସିଦ୍ଧିଂ ଚ ସର୍ଵଂ ବ୍ରହ୍ମୈଵ କେଵଲମ୍ ॥ ୩୪॥
ବ୍ରହ୍ମୈଵ ସର୍ଵମନ୍ତ୍ରଂ ଚ ବ୍ରହ୍ମୈଵ ସକଲଂ ଜପମ୍ ।
ବ୍ରହ୍ମୈଵ ସର୍ଵକାର୍ଯଂ ଚ ସର୍ଵଂ ବ୍ରହ୍ମୈଵ କେଵଲମ୍ ॥ ୩୫॥
ବ୍ରହ୍ମୈଵ ସର୍ଵଶାନ୍ତତ୍ଵଂ ବ୍ରହ୍ମୈଵ ହୃଦଯାନ୍ତରମ୍ ।
ବ୍ରହ୍ମୈଵ ସର୍ଵକୈଵଲ୍ଯଂ ସର୍ଵଂ ବ୍ରହ୍ମୈଵ କେଵଲମ୍ ॥ ୩୬॥
ବ୍ରହ୍ମୈଵାକ୍ଷରଭାଵଞ୍ଚ ବ୍ରହ୍ମୈଵାକ୍ଷରଲକ୍ଷଣମ୍ ।
ବ୍ରହ୍ମୈଵ ବ୍ରହ୍ମରୂପଞ୍ଚ ସର୍ଵଂ ବ୍ରହ୍ମୈଵ କେଵଲମ୍ ॥ ୩୭॥
ବ୍ରହ୍ମୈଵ ସତ୍ଯଭଵନଂ ବ୍ରହ୍ମୈଵାହଂ ନ ସଂଶଯଃ ।
ବ୍ରହ୍ମୈଵ ତତ୍ପଦାର୍ଥଞ୍ଚ ସର୍ଵଂ ବ୍ରହ୍ମୈଵ କେଵଲମ୍ ॥ ୩୮॥
ବ୍ରହ୍ମୈଵାହଂପଦାର୍ଥଞ୍ଚ ବ୍ରହ୍ମୈଵ ପରମେଶ୍ଵରଃ ।
ବ୍ରହ୍ମୈଵ ତ୍ଵଂପଦାର୍ଥଞ୍ଚ ସର୍ଵଂ ବ୍ରହ୍ମୈଵ କେଵଲମ୍ ॥ ୩୯॥
ବ୍ରହ୍ମୈଵ ଯଦ୍ଯତ୍ ପରମଂ ବ୍ରହ୍ମୈଵେତି ପରାଯଣମ୍ ।
ବ୍ରହ୍ମୈଵ କଲନାଭାଵଂ ସର୍ଵଂ ବ୍ରହ୍ମୈଵ କେଵଲମ୍ ॥ ୪୦॥
ବ୍ରହ୍ମ ସର୍ଵଂ ନ ସନ୍ଦେହୋ ବ୍ରହ୍ମୈଵ ତ୍ଵଂ ସଦାଶିଵଃ ।
ବ୍ରହ୍ମୈଵେଦଂ ଜଗତ୍ ସର୍ଵଂ ସର୍ଵଂ ବ୍ରହ୍ମୈଵ କେଵଲମ୍ ॥ ୪୧॥
ବ୍ରହ୍ମୈଵ ସର୍ଵସୁଲଭଂ ବ୍ରହ୍ମୈଵାତ୍ମା ସ୍ଵଯଂ ସ୍ଵଯମ୍ ।
ବ୍ରହ୍ମୈଵ ସୁଖମାତ୍ରତ୍ଵାତ୍ ସର୍ଵଂ ବ୍ରହ୍ମୈଵ କେଵଲମ୍ ॥ ୪୨॥
ବ୍ରହ୍ମୈଵ ସର୍ଵଂ ବ୍ରହ୍ମୈଵ ବ୍ରହ୍ମଣୋଽନ୍ଯଦସତ୍ ସଦା ।
ବ୍ରହ୍ମୈଵ ବ୍ରହ୍ମମାତ୍ରାତ୍ମା ସର୍ଵଂ ବ୍ରହ୍ମୈଵ କେଵଲମ୍ ॥ ୪୩॥
ବ୍ରହ୍ମୈଵ ସର୍ଵଵାକ୍ଯାର୍ଥଃ ବ୍ରହ୍ମୈଵ ପରମଂ ପଦମ୍ ।
ବ୍ରହ୍ମୈଵ ସତ୍ଯାସତ୍ଯଂ ଚ ସର୍ଵଂ ବ୍ରହ୍ମୈଵ କେଵଲମ୍ ॥ ୪୪॥
ବ୍ରହ୍ମୈଵୈକମନାଦ୍ଯନ୍ତଂ ବ୍ରହ୍ମୈଵୈକଂ ନ ସଂଶଯଃ ।
ବ୍ରହ୍ମୈଵୈକଂ ଚିଦାନନ୍ଦଃ ସର୍ଵଂ ବ୍ରହ୍ମୈଵ କେଵଲମ୍ ॥ ୪୫॥
ବ୍ରହ୍ମୈଵୈକଂ ସୁଖଂ ନିତ୍ଯଂ ବ୍ରହ୍ମୈଵୈକଂ ପରାଯଣମ୍ ।
ବ୍ରହ୍ମୈଵୈକଂ ପରଂ ବ୍ରହ୍ମ ସର୍ଵଂ ବ୍ରହ୍ମୈଵ କେଵଲମ୍ ॥ ୪୬॥
ବ୍ରହ୍ମୈଵ ଚିତ୍ ସ୍ଵଯଂ ସ୍ଵସ୍ଥଂ ବ୍ରହ୍ମୈଵ ଗୁଣଵର୍ଜିତମ୍ ।
ବ୍ରହ୍ମୈଵାତ୍ଯନ୍ତିକଂ ସର୍ଵଂ ସର୍ଵଂ ବ୍ରହ୍ମୈଵ କେଵଲମ୍ ॥ ୪୭॥
ବ୍ରହ୍ମୈଵ ନିର୍ମଲଂ ସର୍ଵଂ ବ୍ରହ୍ମୈଵ ସୁଲଭଂ ସଦା ।
ବ୍ରହ୍ମୈଵ ସତ୍ଯଂ ସତ୍ଯାନାଂ ସର୍ଵଂ ବ୍ରହ୍ମୈଵ କେଵଲମ୍ ॥ ୪୮॥
ବ୍ରହ୍ମୈଵ ସୌଖ୍ଯଂ ସୌଖ୍ଯଂ ଚ ବ୍ରହ୍ମୈଵାହଂ ସୁଖାତ୍ମକମ୍ ।
ବ୍ରହ୍ମୈଵ ସର୍ଵଦା ପ୍ରୋକ୍ତଂ ସର୍ଵଂ ବ୍ରହ୍ମୈଵ କେଵଲମ୍ ॥ ୪୯॥
ବ୍ରହ୍ମୈଵମଖିଲଂ ବ୍ରହ୍ମ ବ୍ରହ୍ମୈକଂ ସର୍ଵସାକ୍ଷିକମ୍ ।
ବ୍ରହ୍ମୈଵ ଭୂରିଭଵନଂ ସର୍ଵଂ ବ୍ରହ୍ମୈଵ କେଵଲମ୍ ॥ ୫୦॥
ବ୍ରହ୍ମୈଵ ପରିପୂର୍ଣାତ୍ମା ବ୍ରହ୍ମୈଵଂ ସାରମଵ୍ଯଯମ୍ ।
ବ୍ରହ୍ମୈଵ କାରଣଂ ମୂଲଂ ବ୍ରହ୍ମୈଵୈକଂ ପରାଯଣମ୍ ॥ ୫୧॥
ବ୍ରହ୍ମୈଵ ସର୍ଵଭୂତାତ୍ମା ବ୍ରହ୍ମୈଵ ସୁଖଵିଗ୍ରହମ୍ ।
ବ୍ରହ୍ମୈଵ ନିତ୍ଯତୃପ୍ତାତ୍ମା ସର୍ଵଂ ବ୍ରହ୍ମୈଵ କେଵଲମ୍ ॥ ୫୨॥
ବ୍ରହ୍ମୈଵାଦ୍ଵୈତମାତ୍ରାତ୍ମା ବ୍ରହ୍ମୈଵାକାଶଵତ୍ ପ୍ରଭୁଃ ।
ବ୍ରହ୍ମୈଵ ହୃଦଯାନନ୍ଦଃ ସର୍ଵଂ ବ୍ରହ୍ମୈଵ କେଵଲମ୍ ॥ ୫୩॥
ବ୍ରହ୍ମଣୋଽନ୍ଯତ୍ ପରଂ ନାସ୍ତି ବ୍ରହ୍ମଣୋଽନ୍ଯଜ୍ଜଗନ୍ନ ଚ ।
ବ୍ରହ୍ମଣୋଽନ୍ଯଦହଂ ନାହଂ ସର୍ଵଂ ବ୍ରହ୍ମୈଵ କେଵଲମ୍ ॥ ୫୪॥
ବ୍ରହ୍ମୈଵାନ୍ଯସୁଖଂ ନାସ୍ତି ବ୍ରହ୍ମଣୋଽନ୍ଯତ୍ ଫଲଂ ନ ହି ।
ବ୍ରହ୍ମଣୋଽନ୍ଯତ୍ ତୃଣଂ ନାସ୍ତି ସର୍ଵଂ ବ୍ରହ୍ମୈଵ କେଵଲମ୍ ॥ ୫୫॥
ବ୍ରହ୍ମଣୋଽନ୍ଯତ୍ ପଦଂ ମିଥ୍ଯା ବ୍ରହ୍ମଣୋଽନ୍ଯନ୍ନ କିଞ୍ଚନ ।
ବ୍ରହ୍ମଣୋଽନ୍ଯଜ୍ଜଗନ୍ମିଥ୍ଯା ସର୍ଵଂ ବ୍ରହ୍ମୈଵ କେଵଲମ୍ ॥ ୫୬॥
ବ୍ରହ୍ମଣୋଽନ୍ଯଦହଂ ମିଥ୍ଯା ବ୍ରହ୍ମମାତ୍ରୋହମେଵ ହି ।
ବ୍ରହ୍ମଣୋଽନ୍ଯୋ ଗୁରୁର୍ନାସ୍ତି ସର୍ଵଂ ବ୍ରହ୍ମୈଵ କେଵଲମ୍ ॥ ୫୭॥
ବ୍ରହ୍ମଣୋଽନ୍ଯଦସତ୍ କାର୍ଯଂ ବ୍ରହ୍ମଣୋଽନ୍ଯଦସଦ୍ଵପୁଃ ।
ବ୍ରହ୍ମଣୋଽନ୍ଯନ୍ମନୋ ନାସ୍ତି ସର୍ଵଂ ବ୍ରହ୍ମୈଵ କେଵଲମ୍ ॥ ୫୮॥
ବ୍ରହ୍ମଣୋଽନ୍ଯଜ୍ଜଗନ୍ମିଥ୍ଯା ବ୍ରହ୍ମଣୋଽନ୍ଯନ୍ନ କିଞ୍ଚନ ।
ବ୍ରହ୍ମଣୋଽନ୍ଯନ୍ନ ଚାହନ୍ତା ସର୍ଵଂ ବ୍ରହ୍ମୈଵ କେଵଲମ୍ ॥ ୫୯॥
ବ୍ରହ୍ମୈଵ ସର୍ଵମିତ୍ଯେଵଂ ପ୍ରୋକ୍ତଂ ପ୍ରକରଣଂ ମଯା ।
ଯଃ ପଠେତ୍ ଶ୍ରାଵଯେତ୍ ସଦ୍ଯୋ ବ୍ରହ୍ମୈଵ ଭଵତି ସ୍ଵଯମ୍ ॥ ୬୦॥
ଅସ୍ତି ବ୍ରହ୍ମେତି ଵେଦେ ଇଦମିଦମଖିଲଂ ଵେଦ ସୋ ସଦ୍ଭଵେତ୍ ।
ସଚ୍ଚାସଚ୍ଚ ଜଗତ୍ତଥା ଶ୍ରୁତିଵଚୋ ବ୍ରହ୍ମୈଵ ତଜ୍ଜାଦିକମ୍ ॥
ଯତୋ ଵିଦ୍ଯୈଵେଦଂ ପରିଲୁଠତି ମୋହେନ ଜଗତି ।
ଅତୋ ଵିଦ୍ଯାପାଦୋ ପରିଭଵତି ବ୍ରହ୍ମୈଵ ହି ସଦା ॥ ୬୧॥

॥ ଇତି ଶ୍ରୀଶିଵରହସ୍ଯେ ଶଙ୍କରାଖ୍ଯେ ଷଷ୍ଠାଂଶେ ଋଭୁନିଦାଘସଂଵାଦେ ବ୍ରହ୍ମୈଵ ସର୍ଵଂ ପ୍ରକରଣନିରୂପଣଂ ନାମ ପଞ୍ଚଦଶୋଽଧ୍ଯାଯଃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com