Ribhu Gita - Siva Rahasya Purana Amsha 6

ଋଭୁଗୀତା ୯ ॥ ଅହଂ-ବ୍ରହ୍ମାସ୍ମି ପ୍ରକରଣ ନିରୂପଣମ୍ ॥

ନିଦାଘଃ -

କୁତ୍ର ଵା ଭଵତା ସ୍ନାନଂ କ୍ରିଯତେ ନିତରାଂ ଗୁରୋ ।
ସ୍ନାନମନ୍ତ୍ରଂ ସ୍ନାନକାଲଂ ତର୍ପଣଂ ଚ ଵଦସ୍ଵ ମେ ॥ ୧॥

ଋଭୁଃ -

ଆତ୍ମସ୍ନାନଂ ମହାସ୍ନାନଂ ନିତ୍ଯସ୍ନାନଂ ନ ଚାନ୍ଯତଃ ।
ଇଦମେଵ ମହାସ୍ନାନଂ ଅହଂ ବ୍ରହ୍ମାସ୍ମି ନିଶ୍ଚଯଃ ॥ ୨॥
ପରବ୍ରହ୍ମସ୍ଵରୂପୋଽହଂ ପରମାନନ୍ଦମସ୍ମ୍ଯହମ୍ ।
ଇଦମେଵ ମହାସ୍ନାନଂ ଅହଂ ବ୍ରହ୍ମେତି ନିଶ୍ଚଯଃ ॥ ୩॥
କେଵଲଂ ଜ୍ଞାନରୂପୋଽହଂ କେଵଲଂ ପରମୋଽସ୍ମ୍ଯହମ୍ ।
କେଵଲଂ ଶାନ୍ତରୂପୋଽହଂ କେଵଲଂ ନିର୍ମଲୋଽସ୍ମ୍ଯହମ୍ ॥ ୪॥
କେଵଲଂ ନିତ୍ଯରୂପୋଽହଂ କେଵଲଂ ଶାଶ୍ଵତୋଽସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୫॥
କେଵଲଂ ସର୍ଵରୂପୋଽହଂ ଅହଂତ୍ଯକ୍ତୋଽହମସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୬॥
ସର୍ଵହୀନସ୍ଵରୂପୋଽହଂ ଚିଦାକାଶୋଽହମସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୭॥
କେଵଲଂ ତୁର୍ଯରୂପୋଽସ୍ମି ତୁର୍ଯାତୀତୋଽସ୍ମି କେଵଲମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୮॥
ସଦା ଚୈତନ୍ଯରୂପୋଽସ୍ମି ସଚ୍ଚିଦାନନ୍ଦମସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୯॥
କେଵଲାକାରରୂପୋଽସ୍ମି ଶୁଦ୍ଧରୂପୋଽସ୍ମ୍ଯହଂ ସଦା ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୧୦॥
କେଵଲଂ ଜ୍ଞାନଶୁଦ୍ଧୋଽସ୍ମି କେଵଲୋଽସ୍ମି ପ୍ରିଯୋଽସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୧୧॥
କେଵଲଂ ନିର୍ଵିକଲ୍ପୋଽସ୍ମି ସ୍ଵସ୍ଵରୂପୋଽହମସ୍ମି ହ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୧୨॥
ସଦା ସତ୍ସଙ୍ଗରୂପୋଽସ୍ମି ସର୍ଵଦା ପରମୋଽସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୧୩॥
ସଦା ହ୍ଯେକସ୍ଵରୂପୋଽସ୍ମି ସଦାଽନନ୍ଯୋଽସ୍ମ୍ଯହଂ ସୁଖମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୧୪॥
ଅପରିଚ୍ଛିନ୍ନରୂପୋଽହମ୍ ଅନନ୍ତାନନ୍ଦମସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୧୫॥
ସତ୍ଯାନନ୍ଦସ୍ଵରୂପୋଽହଂ ଚିତ୍ପରାନନ୍ଦମସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୧୬॥
ଅନନ୍ତାନନ୍ଦରୂପୋଽହମଵାଙ୍ମାନସଗୋଚରଃ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୧୭॥
ବ୍ରହ୍ମାନଦସ୍ଵରୂପୋଽହଂ ସତ୍ଯାନନ୍ଦୋଽସ୍ମ୍ଯହଂ ସଦା ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୧୮॥
ଆତ୍ମମାତ୍ରସ୍ଵରୂପୋଽସ୍ମି ଆତ୍ମାନନ୍ଦମଯୋଽସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୧୯॥
ଆତ୍ମପ୍ରକାଶରୂପୋଽସ୍ମି ଆତ୍ମଜ୍ଯୋତିରସୋଽସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୨୦॥
ଆଦିମଧ୍ଯାନ୍ତହୀନୋଽସ୍ମି ଆକାଶସଦୃଶୋଽସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୨୧॥
ନିତ୍ଯସତ୍ତାସ୍ଵରୂପୋଽସ୍ମି ନିତ୍ଯମୁକ୍ତୋଽସ୍ମ୍ଯହଂ ସଦା ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୨୨॥
ନିତ୍ଯସଂପୂର୍ଣରୂପୋଽସ୍ମି ନିତ୍ଯଂ ନିର୍ମନସୋଽସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୨୩॥
ନିତ୍ଯସତ୍ତାସ୍ଵରୂପୋଽସ୍ମି ନିତ୍ଯମୁକ୍ତୋଽସ୍ମ୍ଯହଂ ସଦା ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୨୪॥
ନିତ୍ଯଶବ୍ଦସ୍ଵରୂପୋଽସ୍ମି ସର୍ଵାତୀତୋଽସ୍ମ୍ଯହଂ ସଦା ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୨୫॥
ରୂପାତୀତସ୍ଵରୂପୋଽସ୍ମି ଵ୍ଯୋମରୂପୋଽସ୍ମ୍ଯହଂ ସଦା ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୨୬॥
ଭୂତାନନ୍ଦସ୍ଵରୂପୋଽସ୍ମି ଭାଷାନନ୍ଦୋଽସ୍ମ୍ଯହଂ ସଦା ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୨୭॥
ସର୍ଵାଧିଷ୍ଠାନରୂପୋଽସ୍ମି ସର୍ଵଦା ଚିଦ୍ଘନୋଽସ୍ମ୍ଯହମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୨୮॥
ଦେହଭାଵଵିହୀନୋଽହଂ ଚିତ୍ତହୀନୋଽହମେଵ ହି ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୨୯॥
ଦେହଵୃତ୍ତିଵିହୀନୋଽହଂ ମନ୍ତ୍ରୈଵାହମହଂ ସଦା ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୩୦॥
ସର୍ଵଦୃଶ୍ଯଵିହୀନୋଽସ୍ମି ଦୃଶ୍ଯରୂପୋଽହମେଵ ହି ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୩୧॥
ସର୍ଵଦା ପୂର୍ଣରୂପୋଽସ୍ମି ନିତ୍ଯତୃପ୍ତୋଽସ୍ମ୍ଯହଂ ସଦା ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୩୨॥
ଇଦଂ ବ୍ରହ୍ମୈଵ ସର୍ଵସ୍ଯ ଅହଂ ଚୈତନ୍ଯମେଵ ହି ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୩୩॥
ଅହମେଵାହମେଵାସ୍ମି ନାନ୍ଯତ୍ କିଞ୍ଚିଚ୍ଚ ଵିଦ୍ଯତେ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୩୪॥
ଅହମେଵ ମହାନାତ୍ମା ଅହମେଵ ପରାଯଣମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୩୫॥
ଅହମେଵ ମହାଶୂନ୍ଯମିତ୍ଯେଵଂ ମନ୍ତ୍ରମୁତ୍ତମମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୩୬॥
ଅହମେଵାନ୍ଯଵଦ୍ଭାମି ଅହମେଵ ଶରୀରଵତ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୩୭॥
ଅହଂ ଚ ଶିଷ୍ଯଵଦ୍ଭାମି ଅହଂ ଲୋକତ୍ରଯାଦିଵତ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୩୮॥
ଅହଂ କାଲତ୍ରଯାତୀତଃ ଅହଂ ଵେଦୈରୁପାସିତଃ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୩୯॥
ଅହଂ ଶାସ୍ତ୍ରେଷୁ ନିର୍ଣୀତ ଅହଂ ଚିତ୍ତେ ଵ୍ଯଵସ୍ଥିତଃ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୪୦॥
ମତ୍ତ୍ଯକ୍ତଂ ନାସ୍ତି କିଞ୍ଚିଦ୍ଵା ମତ୍ତ୍ଯକ୍ତଂ ପୃଥିଵୀ ଚ ଯା ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୪୧॥
ମଯାତିରିକ୍ତଂ ତୋଯଂ ଵା ଇତ୍ଯେଵଂ ମନ୍ତ୍ରମୁତ୍ତମମ୍ ।
ଇଦମେଵ ପରଂ ବ୍ରହ୍ମ ଅହଂ ବ୍ରହ୍ମାସ୍ମି କେଵଲମ୍ ॥ ୪୨॥
ଅହଂ ବ୍ରହ୍ମାସ୍ମି ଶୁଦ୍ଧୋଽସ୍ମି ନିତ୍ଯଶୁଦ୍ଧୋଽସ୍ମ୍ଯହଂ ସଦା ।
ନିର୍ଗୁଣୋଽସ୍ମି ନିରୀହୋଽସ୍ମି ଇତ୍ଯେଵଂ ମନ୍ତ୍ରମୁତ୍ତମମ୍ ॥ ୪୩॥
ହରିବ୍ରହ୍ମାଦିରୂପୋଽସ୍ମି ଏତଦ୍ଭେଦୋଽପି ନାସ୍ମ୍ଯହମ୍ ।
କେଵଲଂ ବ୍ରହ୍ମମାତ୍ରୋଽସ୍ମି କେଵଲୋଽସ୍ମ୍ଯଜଯୋଽସ୍ମ୍ଯହମ୍ ॥ ୪୪॥
ସ୍ଵଯମେଵ ସ୍ଵଯଂଭାସ୍ଯଂ ସ୍ଵଯମେଵ ହି ନାନ୍ଯତଃ ।
ସ୍ଵଯମେଵାତ୍ମନି ସ୍ଵସ୍ଥଃ ଇତ୍ଯେଵଂ ମନ୍ତ୍ରମୁତ୍ତମମ୍ ॥ ୪୫॥
ସ୍ଵଯମେଵ ସ୍ଵଯଂ ଭୁଙ୍କ୍ଷ୍ଵ ସ୍ଵଯମେଵ ସ୍ଵଯଂ ରମେ ।
ସ୍ଵଯମେଵ ସ୍ଵଯଂଜ୍ଯୋତିଃ ସ୍ଵଯମେଵ ସ୍ଵଯଂ ରମେ ॥ ୪୬॥
ସ୍ଵସ୍ଯାତ୍ମନି ସ୍ଵଯଂ ରଂସ୍ଯେ ସ୍ଵାତ୍ମନ୍ଯେଵାଵଲୋକଯେ ।
ସ୍ଵାତ୍ମନ୍ଯେଵ ସୁଖେନାସି ଇତ୍ଯେଵଂ ମନ୍ତ୍ରମୁତ୍ତମମ୍ ॥ ୪୭॥
ସ୍ଵଚୈତନ୍ଯେ ସ୍ଵଯଂ ସ୍ଥାସ୍ଯେ ସ୍ଵାତ୍ମରାଜ୍ଯେ ସୁଖଂ ରମେ ।
ସ୍ଵାତ୍ମସିଂହାସନେ ତିଷ୍ଠେ ଇତ୍ଯେଵଂ ମନ୍ତ୍ରମୁତ୍ତମମ୍ ॥ ୪୮॥
ସ୍ଵାତ୍ମମନ୍ତ୍ରଂ ସଦା ପଶ୍ଯନ୍ ସ୍ଵାତ୍ମଜ୍ଞାନଂ ସଦାଽଭ୍ଯସନ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ ସ୍ଵାତ୍ମପାପଂ ଵିନାଶଯେତ୍ ॥ ୪୯॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରୋ ଦ୍ଵୈତଦୋଷଂ ଵିନାଶଯେତ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରୋ ଭେଦଦୁଃଖଂ ଵିନାଶଯେତ୍ ॥ ୫୦॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଶ୍ଚିନ୍ତାରୋଗଂ ଵିନାଶଯେତ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରୋ ବୁଦ୍ଧିଵ୍ଯାଧିଂ ଵିନାଶଯେତ୍ ॥ ୫୧॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ର ଆଧିଵ୍ଯାଧିଂ ଵିନାଶଯେତ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ ସର୍ଵଲୋକଂ ଵିନାଶଯେତ୍ ॥ ୫୨॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ କାମଦୋଷଂ ଵିନାଶଯେତ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ କ୍ରୋଧଦୋଷଂ ଵିନାଶଯେତ୍ ॥ ୫୩॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଶ୍ଚିନ୍ତାଦୋଷଂ ଵିନାଶଯେତ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ ସଙ୍କଲ୍ପଂ ଚ ଵିନାଶଯେତ୍ ॥ ୫୪॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ ଇଦଂ ଦୁଃଖଂ ଵିନାଶଯେତ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ ଅଵିଵେକମଲଂ ଦହେତ୍ ॥ ୫୫॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ ଅଜ୍ଞାନଧ୍ଵଂସମାଚରେତ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ କୋଟିଦୋଷଂ ଵିନାଶଯେତ୍ ॥ ୫୬॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ ସର୍ଵତନ୍ତ୍ରଂ ଵିନାଶଯେତ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରୋ ଦେହଦୋଷଂ ଵିନାଶଯେତ୍ ॥ ୫୭॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ ଦୃଷ୍ଟାଦୃଷ୍ଟଂ ଵିନାଶଯେତ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ର ଆତ୍ମଜ୍ଞାନପ୍ରକାଶକମ୍ ॥ ୫୮॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ର ଆତ୍ମଲୋକଜଯପ୍ରଦମ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ର ଅସତ୍ଯାଦି ଵିନାଶକମ୍ ॥ ୫୯॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ ଅନ୍ଯତ୍ ସର୍ଵଂ ଵିନାଶଯେତ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ର ଅପ୍ରତର୍କ୍ଯସୁଖପ୍ରଦମ୍ ॥ ୬୦॥
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରଃ ଅନାତ୍ମଜ୍ଞାନମାହରେତ୍ ।
ଅହଂ ବ୍ରହ୍ମାସ୍ମ୍ଯହଂ ମନ୍ତ୍ରୋ ଜ୍ଞାନାନନ୍ଦଂ ପ୍ରଯଚ୍ଛତି ॥ ୬୧॥
ସପ୍ତକୋଟି ମହାମନ୍ତ୍ରା ଜନ୍ମକୋଟିଶତପ୍ରଦାଃ ।
ସର୍ଵମନ୍ତ୍ରାନ୍ ସମୁତ୍ସୃଜ୍ଯ ଜପମେନଂ ସମଭ୍ଯସେତ୍ ॥ ୬୨॥
ସଦ୍ଯୋ ମୋକ୍ଷମଵାପ୍ନୋତି ନାତ୍ର ସନ୍ଦେହମସ୍ତି ମେ ।
ମନ୍ତ୍ରପ୍ରକରଣେ ପ୍ରୋକ୍ତଂ ରହସ୍ଯଂ ଵେଦକୋଟିଷୁ ॥ ୬୩॥
ଯଃ ଶୃଣୋତି ସକୃଦ୍ଵାପି ବ୍ରହ୍ମୈଵ ଭଵତି ସ୍ଵଯମ୍ ।
ନିତ୍ଯାନନ୍ଦମଯଃ ସ ଏଵ ପରମାନନ୍ଦୋଦଯଃ ଶାଶ୍ଵତୋ
ଯସ୍ମାନ୍ନାନ୍ଯଦତୋଽନ୍ଯଦାର୍ତମଖିଲଂ ତଜ୍ଜଂ ଜଗତ୍ ସର୍ଵଦଃ ।
ଯୋ ଵାଚା ମନସା ତଥେନ୍ଦ୍ରିଯଗଣୈର୍ଦେହୋଽପି ଵେଦ୍ଯୋ ନ ଚେ-
ଦଚ୍ଛେଦ୍ଯୋ ଭଵଵୈଦ୍ଯ ଈଶ ଇତି ଯା ସା ଧୀଃ ପରଂ ମୁକ୍ତଯେ ॥ ୬୪॥

॥ ଇତି ଶ୍ରୀଶିଵରହସ୍ଯେ ଶଙ୍କରାଖ୍ଯେ ଷଷ୍ଠାଂଶେ ଋଭୁନିଦାଘସଂଵାଦେ ଅହଂବ୍ରହ୍ମାସ୍ମିପ୍ରକରଣନିରୂପଣଂ ନାମ ନଵମୋଽଧ୍ଯାଯଃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com