ଋଭୁଗୀତା ୪ ॥ ଋଭୁ-ନିଦାଧ ସଂଵାଦଃ ॥

ସ୍କନ୍ଦଃ -

• ହିମାଦ୍ରିଶିଖରେ ତତ୍ର କେଦାରେ ସଂସ୍ଥିତଂ ଋଭୁମ୍ ।
• କେଦାରେଶଂ ପୂଜଯନ୍ତଂ ଶାଂଭଵଂ ମୁନିସତ୍ତମମ୍ ।
• ଭସ୍ମରୁଦ୍ରାକ୍ଷସଂପନ୍ନଂ ନିଃସ୍ପୃହଂ ମୁନଯୋଽବ୍ରୁଵନ୍ ॥ ୧॥

ମୁନଯଃ -

• ପଦ୍ମୋଦ୍ଭଵସୁତଶ୍ରେଷ୍ଠ ତ୍ଵଯା କୈଲାସପର୍ଵତେ ।
• ଆରାଧ୍ଯ ଦେଵମୀଶାନଂ ତସ୍ମାତ୍ ସୂତ୍ରଶ୍ରୁତୀରିତମ୍ ॥ ୨॥
• ଜ୍ଞାନଂ ଲବ୍ଧଂ ମୁନିଶ୍ରେଷ୍ଠ ତ୍ଵଂ ନୋ ବ୍ରୂହି ଵିମୁକ୍ତଯେ ।
• ଯେନ ସଂସାରଵାରାଶେଃ ସମୁତ୍ତୀର୍ଣା ଭଵାମହେ ॥ ୩॥

ସୂତଃ -

• ଋଭୁର୍ମୁନୀନାଂ ଵଚସା ତୁଷ୍ଟଃ ଶିଷ୍ଟାନ୍ ସମୀକ୍ଷ୍ଯ ତାନ୍ ।
• ଅଷ୍ଟମୂର୍ତିପଦଧ୍ଯାନନିଷ୍ଠାଂସ୍ତାନଭ୍ଯୁଵାଚ ହ ॥ ୪॥

ଋଭୁଃ -

• ଵିଶ୍ଵସ୍ଯ କାରଣମୁମାପତିରେଵ ଦେଵୋ
• ଵିଦ୍ଯୋତକୋ ଜଡଜଗତ୍ପ୍ରମଦୈକହେତୁଃ ।
• ନ ତସ୍ଯ କାର୍ଯଂ କରଣଂ ମହେଶିତୁଃ
• ସ ଏଵ ତତ୍କାରଣମୀଶ୍ଵରୋ ହରଃ ॥ ୮॥
• ସୂତଃ ସାଯକସଂଭଵଃ ସମୁଦିତାଃ ସୂତାନନେଭ୍ଯୋ ହଯାଃ
• ନେତ୍ରେ ତେ ରଥିନୋ ରଥାଙ୍ଗଯୁଗଲୀ ଯୁଗ୍ଯାନ୍ତମୃଗ୍ଯୋ ରଥୀ ।
• ମୌଵୀମୂର୍ଧ୍ନି ରଥଃ ସ୍ଥିତୋ ରଥଵହଶ୍ଚାପଂ ଶରଵ୍ଯଂ ପୁରଃ
• ଯୋଦ୍ଧୁଂ କେଶଚରାଃ ସ ଏଵ ନିଖିଲସ୍ଥାଣୋରଣୁଃ ପାତୁ ଵଃ ॥ ୯॥var was ନଃ
• ନିଦାଘମଥ ସଂବୋଧ୍ଯ ତତୋ ଋଭୁରୁଵାଚ ହ ।
• ଅଧ୍ଯାତ୍ମନିର୍ଣଯଂ ଵକ୍ଷ୍ଯେ ନାସ୍ତି କାଲତ୍ରଯେଷ୍ଵପି ॥ ୧୦॥
• ଶିଵୋପଦିଷ୍ଟଂ ସଂକ୍ଷିପ୍ଯ ଗୁହ୍ଯାତ୍ ଗୁହ୍ଯତରଂ ସଦା ।
• ଅନାତ୍ମେତି ପ୍ରସଙ୍ଗାତ୍ମା ଅନାତ୍ମେତି ମନୋଽପି ଵା ।
• ଅନାତ୍ମେତି ଜଗଦ୍ଵାପି ନାସ୍ତ୍ଯନାତ୍ମେତି ନିଶ୍ଚିନୁ ॥ ୧୧॥
• ସର୍ଵସଂକଲ୍ପଶୂନ୍ଯତ୍ଵାତ୍ ସର୍ଵାକାରଵିଵର୍ଜନାତ୍
• କେଵଲଂ ବ୍ରହ୍ମଭାଵତ୍ଵାତ୍ ନାସ୍ତ୍ଯନାତ୍ମେତି ନିଶ୍ଚିନୁ ॥ ୧୨॥
• ଚିତ୍ତାଭାଵେ ଚିନ୍ତନୀଯୋ ଦେହାଭାଵେ ଜରା ଚ ନ ।
• କେଵଲଂ ବ୍ରହ୍ମଭାଵତ୍ଵାତ୍ ନାସ୍ତ୍ଯନାତ୍ମେତି ନିଶ୍ଚିନୁ ॥ ୧୩॥var was ବ୍ରହ୍ମମାତ୍ରତ୍ଵାତ୍
• ପାଦାଭାଵାଦ୍ଗତିର୍ନାସ୍ତି ହସ୍ତାଭାଵାତ୍ କ୍ରିଯା ଚ ନ ।
• କେଵଲଂ ବ୍ରହ୍ମଭାଵତ୍ଵାତ୍ ନାସ୍ତ୍ଯନାତ୍ମେତି ନିଶ୍ଚିନୁ ॥ ୧୪॥var was ବ୍ରହ୍ମମାତ୍ରତ୍ଵାତ୍
• ବ୍ରହ୍ମାଭାଵାଜ୍ଜଗନ୍ନାସ୍ତି ତଦଭାଵେ ହରିର୍ନ ଚ ।
• କେଵଲଂ ବ୍ରହ୍ମଭାଵତ୍ଵାତ୍ ନାସ୍ତ୍ଯନାତ୍ମେତି ନିଶ୍ଚିନୁ ॥ ୧୫॥var was ବ୍ରହ୍ମମାତ୍ରତ୍ଵାତ୍
• ମୃତ୍ଯୁର୍ନାସ୍ତି ଜରାଭାଵେ ଲୋକଵେଦଦୁରାଧିକମ୍ ।
• କେଵଲଂ ବ୍ରହ୍ମଭାଵତ୍ଵାତ୍ ନାସ୍ତ୍ଯନାତ୍ମେତି ନିଶ୍ଚିନୁ ॥ ୧୬॥var was ବ୍ରହ୍ମମାତ୍ରତ୍ଵାତ୍
• ଧର୍ମୋ ନାସ୍ତି ଶୁଚିର୍ନାସ୍ତି ସତ୍ଯଂ ନାସ୍ତି ଭଯଂ ନ ଚ ।
• କେଵଲଂ ବ୍ରହ୍ମଭାଵତ୍ଵାତ୍ ନାସ୍ତ୍ଯନାତ୍ମେତି ନିଶ୍ଚିନୁ ॥ ୧୭॥var was ବ୍ରହ୍ମମାତ୍ରତ୍ଵାତ୍
• ଅକ୍ଷରୋଚ୍ଚାରଣଂ ନାସ୍ତି ଅକ୍ଷରତ୍ଯଜଡଂ ମମ ।
• କେଵଲଂ ବ୍ରହ୍ମଭାଵତ୍ଵାତ୍ ନାସ୍ତ୍ଯନାତ୍ମେତି ନିଶ୍ଚିନୁ ॥ ୧୮॥var was ବ୍ରହ୍ମମାତ୍ରତ୍ଵାତ୍
• ଗୁରୁରିତ୍ଯପି ନାସ୍ତ୍ଯେଵ ଶିଷ୍ଯୋ ନାସ୍ତୀତି ତତ୍ତ୍ଵତଃ ।
• କେଵଲଂ ବ୍ରହ୍ମଭାଵତ୍ଵାତ୍ ନାସ୍ତ୍ଯନାତ୍ମେତି ନିଶ୍ଚିନୁ ॥ ୧୯॥var was ବ୍ରହ୍ମମାତ୍ରତ୍ଵାତ୍
• ଏକାଭାଵାନ୍ନ ଦ୍ଵିତୀଯଂ ନ ଦ୍ଵିତୀଯାନ୍ନ ଚୈକତା ।
• ସତ୍ଯତ୍ଵମସ୍ତି ଚେତ୍ କିଞ୍ଚିଦସତ୍ଯତ୍ଵଂ ଚ ସଂଭଵେତ୍ ॥ ୨୦॥
• ଅସତ୍ଯତ୍ଵଂ ଯଦି ଭଵେତ୍ ସତ୍ଯତ୍ଵଂ ଚ ଘଟିଷ୍ଯତି ।
• ଶୁଭଂ ଯଦ୍ଯଶୁଭଂ ଵିଦ୍ଧି ଅଶୁଭଂ ଶୁଭମସ୍ତି ଚେତ୍ ॥ ୨୧॥
• ଭଯଂ ଯଦ୍ଯଭଯଂ ଵିଦ୍ଧି ଅଭଯାଦ୍ଭଯମାପତେତ୍ ।
• କେଵଲଂ ବ୍ରହ୍ମଭାଵତ୍ଵାତ୍ ନାସ୍ତ୍ଯନାତ୍ମେତି ନିଶ୍ଚିନୁ ॥ ୨୨॥var was ବ୍ରହ୍ମମାତ୍ରତ୍ଵାତ୍
• ବଦ୍ଧତ୍ଵମସ୍ତି ଚେନ୍ମୋକ୍ଷୋ ବନ୍ଧାଭାଵେ ନ ମୋକ୍ଷତା ।
• ମରଣଂ ଯଦି ଚେଜ୍ଜନ୍ମ ଜନ୍ମାଭାଵେ ମୃତିର୍ନ ଚ ॥ ୨୩॥
• ତ୍ଵମିତ୍ଯପି ଭଵେଚ୍ଚାହଂ ତ୍ଵଂ ନୋ ଚେଦହମେଵ ନ ।
• ଇଦଂ ଯଦି ତଦେଵାପି ତଦଭାଵେ ଇଦଂ ନ ଚ ॥ ୨୪॥
• ଅସ୍ତି ଚେଦିତି ତନ୍ନାସ୍ତି ନାସ୍ତି ଚେଦସ୍ତି କିଂଚ ନ ।
• କାର୍ଯଂ ଚେତ୍ କାରଣଂ କିଞ୍ଚିତ୍ କାର୍ଯାଭାଵେ ନ କାରଣମ୍ ॥ ୨୫॥
• ଦ୍ଵୈତଂ ଯଦି ତଦାଽଦ୍ଵୈତଂ ଦ୍ଵୈତାଭାଵେଽଦ୍ଵଯଂ ଚ ନ ।
• ଦୃଶ୍ଯଂ ଯଦି ଦୃଗପ୍ଯସ୍ତି ଦୃଶ୍ଯାଭାଵେ ଦୃଗେଵ ନ ॥ ୨୬॥
• ଅନ୍ତର୍ଯଦି ବହିଃ ସତ୍ଯମନ୍ତାଭାଵେ ବହିର୍ନ ଚ ।
• ପୂର୍ଣତ୍ଵମସ୍ତି ଚେତ୍ କିଂଚିଦପୂର୍ଣତ୍ଵଂ ପ୍ରସଜ୍ଯତେ ॥ ୨୭॥
• କିଞ୍ଚିଦସ୍ତୀତି ଚେଚ୍ଚିତ୍ତେ ସର୍ଵଂ ଭଵତି ଶୀଘ୍ରତଃ ।
• ଯତ୍କିଂଚିତ୍ କିମପି କ୍ଵାପି ନାସ୍ତି ଚେନ୍ନ ପ୍ରସଜ୍ଯତି ॥ ୨୮॥
• ତସ୍ମାଦେତତ୍ କ୍ଵଚିନ୍ନାସ୍ତି ତ୍ଵଂ ନାହଂ ଵା ଇମେ ଇଦମ୍ ।
• କେଵଲଂ ବ୍ରହ୍ମଭାଵତ୍ଵାତ୍ ନାସ୍ତ୍ଯନାତ୍ମେତି ନିଶ୍ଚିନୁ ॥ ୨୯॥var was ବ୍ରହ୍ମମାତ୍ରତ୍ଵାତ୍
• ନାସ୍ତି ଦୃଷ୍ଟାନ୍ତକଂ ଲୋକେ ନାସ୍ତି ଦାର୍ଷ୍ଟାନ୍ତିକଂ କ୍ଵଚିତ୍ ।
• କେଵଲଂ ବ୍ରହ୍ମଭାଵତ୍ଵାତ୍ ନାସ୍ତ୍ଯନାତ୍ମେତି ନିଶ୍ଚିନୁ ॥ ୩୦॥var was ବ୍ରହ୍ମମାତ୍ରତ୍ଵାତ୍
• ପରଂ ବ୍ରହ୍ମାହମସ୍ମୀତି ସ୍ମରଣସ୍ଯ ମନୋ ନ ହି ।
• ବ୍ରହ୍ମମାତ୍ରଂ ଜଗଦିଦଂ ବ୍ରହ୍ମମାତ୍ରତ୍ଵମପ୍ଯ ହି ॥ ୩୧॥
• ଚିନ୍ମାତ୍ରଂ କେଵଲଂ ଚାହଂ ନାସ୍ତ୍ଯନାତ୍ମେତି ନିଶ୍ଚିନୁ ।
• ଇତ୍ଯାତ୍ମନିର୍ଣଯଂ ପ୍ରୋକ୍ତଂ ଭଵତେ ସର୍ଵସଙ୍ଗ୍ରହମ୍ ॥ ୩୨॥var was ନିର୍ଣ୍ଯଃ ପ୍ରୋକ୍ତଃ
• ସକୃଚ୍ଛ୍ରଵଣମାତ୍ରେଣ ବ୍ରହ୍ମୈଵ ଭଵତି ସ୍ଵଯମ୍ ॥ ୩୩॥
• ନିଦାଘଃ-var was ଋଭୁଃ-
• ଭଗଵନ୍ କୋ ଭଵାନ୍ କୋ ନୁ ଵଦ ମେ ଵଦତାଂ ଵର ।var was ନିଦାଘ
• ଯଚ୍ଛ୍ରୁତ୍ଵା ତତ୍କ୍ଷଣାନ୍ମୁଚ୍ଯେନ୍ମହାସଂସାରସଂକଟାତ୍ ॥ ୩୪॥
• ଋଭୁଃ-
• ଅହମେଵ ପରଂ ବ୍ରହ୍ମ ଅହମେଵ ପରଂ ସୁଖମ୍ ।
• ଅହମେଵାହମେଵାହମହଂ ବ୍ରହ୍ମାସ୍ମି କେଵଲମ୍ ॥ ୩୫॥
• ଅହଂ ଚୈତନ୍ଯମେଵାସ୍ମି ଦିଵ୍ଯଜ୍ଞାନାତ୍ମକୋ ହ୍ଯହମ୍ ।
• ସର୍ଵାକ୍ଷରଵିହୀନୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୩୬॥
• ଅହମର୍ଥଵିହୀନୋଽସ୍ମି ଇଦମର୍ଥଵିଵର୍ଜିତଃ ।
• ସର୍ଵାନର୍ଥଵିମୁକ୍ତୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୩୭॥
• ନିତ୍ଯଶୁଦ୍ଧୋଽସ୍ମି ବୁଦ୍ଧୋଽସ୍ମି ନିତ୍ଯୋଽସ୍ମ୍ଯତ୍ଯନ୍ତନିର୍ମଲଃ ।
• ନିତ୍ଯାନଦସ୍ଵରୂପୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୩୮॥
• ନିତ୍ଯପୂର୍ଣସ୍ଵରୂପୋଽସ୍ମି ସଚ୍ଚିଦାନନ୍ଦମସ୍ମ୍ଯହମ୍ ।
• କେଵଲାଦ୍ଵୈତରୂପୋଽହମହଂ ବ୍ରହ୍ମାସ୍ମି କେଵଲମ୍ ॥ ୩୯॥
• ଅନିର୍ଦେଶ୍ଯସ୍ଵରୂପୋଽସ୍ମି ଆଦିହୀନୋଽସ୍ମ୍ଯନନ୍ତକଃ ।
• ଅପ୍ରାକୃତସ୍ଵରୂପୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୪୦॥
• ସ୍ଵସ୍ଵସଂକଲ୍ପହୀନୋଽହଂ ସର୍ଵାଵିଦ୍ଯାଵିଵର୍ଜିତଃ ।
• ସର୍ଵମସ୍ମି ତଦେଵାସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୪୧॥
• ସର୍ଵନାମାଦିହୀନୋଽହଂ ସର୍ଵରୂପଵିଵର୍ଜିତଃ ।
• ସର୍ଵସଙ୍ଗଵିହୀନୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୪୨॥
• ସର୍ଵଵାଚାଂ ଵିଧିଶ୍ଚାସ୍ମି ସର୍ଵଵେଦାଵଧିଃ ପରଃ ।
• ସର୍ଵକାଲାଵଧିଶ୍ଚାସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୪୩॥
• ସର୍ଵରୂପାଵଧିଶ୍ଚାହଂ ସର୍ଵନାମାଵଧିଃ ସୁଖମ୍ ।
• ସର୍ଵକଲ୍ପାଵଧିଶ୍ଚାସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୪୪॥
• ଅହମେଵ ସୁଖଂ ନାନ୍ଯଦହମେଵ ଚିଦଵ୍ଯଯଃ ।
• ଅହମେଵାସ୍ମି ସର୍ଵତ୍ର ଅହଂ ବ୍ରହ୍ମାସ୍ମି କେଵଲମ୍ ॥ ୪୫॥
• କେଵଲଂ ବ୍ରହ୍ମମାତ୍ରାତ୍ମା କେଵଲଂ ଶୁଦ୍ଧଚିଦ୍ଘନଃ ।
• କେଵଲାଖଣ୍ଡୋସାରୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୪୬॥
• କେଵଲଂ ଜ୍ଞାନରୂପୋଽସ୍ମି କେଵଲାକାରରୂପଵାନ୍ ।
• କେଵଲାତ୍ଯନ୍ତସାରୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୪୭॥
• ସତ୍ସ୍ଵରୂପୋଽସ୍ମି କୈଵଲ୍ଯସ୍ଵରୂପୋଽସ୍ମ୍ଯହମେଵ ହି ।
• ଅର୍ଥାନର୍ଥଵିହୀନୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୪୮॥
• ଅପ୍ରମେଯସ୍ଵରୂପୋଽସ୍ମି ଅପ୍ରତର୍କ୍ଯସ୍ଵରୂପଵାନ୍ ।
• ଅପ୍ରଗୃହ୍ଯସ୍ଵରୂପୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୪୯॥
• ଅରସସ୍ଯୁତରୂପୋଽସ୍ମି ଅନୁତାପଵିଵର୍ଜିତଃ ।
• ଅନୁସ୍ଯୂତପ୍ରକାଶୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୫୦॥
• ସର୍ଵକର୍ମଵିହୀନୋଽହଂ ସର୍ଵଭେଦଵିଵର୍ଜିତଃ ।
• ସର୍ଵସନ୍ଦେହହୀନୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୫୧॥
• ଅହଂଭାଵଵିହୀନୋଽସ୍ମି ଵିହୀନୋଽସ୍ମୀତି ମେ ନ ଚ ।
• ସର୍ଵଦା ବ୍ରହ୍ମରୂପୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୫୨॥
• ବ୍ରହ୍ମ ବ୍ରହ୍ମାଦିହୀନୋଽସ୍ମି କେଶଵତ୍ଵାଦି ନ କ୍ଵଚିତ୍ ।
• ଶଙ୍କରାଦିଵିହୀନୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ॥ ୫୩॥
• ତୂଷ୍ଣୀମେଵାଵଭାସୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ।
• କିଞ୍ଚିନ୍ନାସ୍ତି ପରୋ ନାସ୍ତି କିଂଚିଦସ୍ମି ପରୋଽସ୍ମି ଚ ॥ ୫୪॥
• ନ ଶରୀରପ୍ରକାଶୋଽସ୍ମି ଜଗଦ୍ଭାସକରୋ ନ ଚ ।
• ଚିଦ୍ଘନୋଽସ୍ମି ଚିଦଂଶୋଽସ୍ମି ସତ୍ସ୍ଵରୂପୋଽସ୍ମି ସର୍ଵଦା ॥ ୫୫॥
• ମୁଦା ମୁଦିତରୂପୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ।
• ନ ବାଲୋଽସ୍ମି ନ ଵୃଦ୍ଧୋଽସ୍ମି ନ ଯୁଵାଽସ୍ମି ପରାତ୍ ପରଃ ॥ ୫୬॥
• ନ ଚ ନାନାସ୍ଵରୂପୋଽସ୍ମି ଅହଂ ବ୍ରହ୍ମାସ୍ମି କେଵଲମ୍ ।
• ଇମଂ ସ୍ଵାନୁଭଵଂ ପ୍ରୋକ୍ତଂ ସର୍ଵୋପନିଷଦାଂ ପରଂ ରସମ୍ ॥ ୫୭॥
• ଯୋ ଵା କୋ ଵା ଶୃଣୋତୀଦଂ ବ୍ରହ୍ମୈଵ ଭଵତି ସ୍ଵଯମ୍ ॥ ୫୮॥
• ନ ସ୍ଥୂଲୋଽପ୍ଯନଣୁର୍ନ ତେଜମରୁତାମାକାଶନୀରକ୍ଷମା
• ଭୂତାନ୍ତର୍ଗତକୋଶକାଶହୃଦଯାଦ୍ଯାକାଶମାତ୍ରାକ୍ରମୈଃ ।
• ଉଦ୍ଗ୍ରନ୍ଥଶ୍ରୁତିଶାସ୍ତ୍ରସୂତ୍ରକରଣୈଃ କିଞ୍ଚିଜ୍ଜ୍ଞ ସର୍ଵଜ୍ଞତା
• ବୁଦ୍ଧ୍ଯା ମୋହିତମାଯଯା ଶ୍ରୁତିଶତୈର୍ଭୋ ଜାନତେ ଶଙ୍କରମ୍ ॥ ୫୯॥

• ॥ ଇତି ଶ୍ରୀ ଶିଵରହସ୍ଯେ ଶଙ୍କରାଖ୍ଯେ ଷଷ୍ଠାଂଶେ ଋଭୁନିଦାଘସଂଵାଦୋ ନାମ ଚତୁର୍ଥୋଽଧ୍ଯାଯଃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com