ଋଭୁଗୀତା ୨୭ ॥ ଆନନ୍ଦ-ରୂପତ୍ଵ ନିରୂପଣ ପ୍ରକରଣମ୍ ॥
ଋଭୁଃ -
- ଵକ୍ଷ୍ଯେ ପ୍ରକରଣଂ ସତ୍ଯଂ ବ୍ରହ୍ମାନନ୍ଦମନୋମଯମ୍ ।
- କାର୍ଯକାରଣନିର୍ମୁକ୍ତଂ ନିତ୍ଯାନନ୍ଦମଯଂ ତ୍ଵିଦମ୍ ॥ ୧॥
- ଅକ୍ଷଯାନନ୍ଦ ଏଵାହମାତ୍ମାନନ୍ଦପ୍ରକାଶକମ୍ ।
- ଜ୍ଞାନାନନ୍ଦସ୍ଵରୂପୋଽହଂ ଲକ୍ଷ୍ଯାନନ୍ଦମଯଂ ସଦା ॥ ୨॥
- ଵିଷଯାନନ୍ଦଶୂନ୍ଯୋଽହଂ ମିଥ୍ଯାନନ୍ଦପ୍ରକାଶକଃ ।
- ଵୃତ୍ତିଶୂନ୍ଯସୁଖାତ୍ମାହଂ ଵୃତ୍ତିଶୂନ୍ଯସୁଖାତ୍ପରମ୍ ॥ ୩॥
- ଜଡାନନ୍ଦପ୍ରକାଶାତ୍ମା ଆତ୍ମାନନ୍ଦରସୋଽସ୍ମ୍ଯହମ୍ ।
- ଆତ୍ମାନନ୍ଦଵିହୀନୋଽହଂ ନାସ୍ତ୍ଯାନନ୍ଦାତ୍ମଵିଗ୍ରହଃ ॥ ୪॥
- କାର୍ଯାନନ୍ଦଵିହୀନୋଽହଂ କାର୍ଯାନନ୍ଦକଲାତ୍ମକଃ ।
- ଗୁଣାନନ୍ଦଵିହୀନୋଽହଂ ଗୁହ୍ଯାନନ୍ଦସ୍ଵରୂପଵାନ୍ ॥ ୫॥
- ଗୁପ୍ତାନନ୍ଦସ୍ଵରୂପୋଽହଂ କୃତ୍ଯାନନ୍ଦମହାନହମ୍ ।
- ଜ୍ଞେଯାନନ୍ଦଵିହୀନୋଽହଂ ଗୋପ୍ଯାନନ୍ଦଵିଵର୍ଜିତଃ ॥ ୬॥
- ସଦାନନ୍ଦସ୍ଵରୂପୋଽହଂ ମୁଦାନନ୍ଦନିଜାତ୍ମକଃ ।
- ଲୋକାନନ୍ଦୋ ମହାନନ୍ଦୋ ଲୋକାତୀତମହାନଯମ୍ ॥ ୭॥
- ଭେଦାନନ୍ଦଶ୍ଚିଦାନନ୍ଦଃ ସୁଖାନନ୍ଦୋଽହମଦ୍ଵଯଃ ।
- କ୍ରିଯାନନ୍ଦୋଽକ୍ଷଯାନନ୍ଦୋ ଵୃତ୍ତ୍ଯାନନ୍ଦଵିଵର୍ଜିତଃ ॥ ୮॥
- ସର୍ଵାନନ୍ଦୋଽକ୍ଷଯାନନ୍ଦଶ୍ଚିଦାନନ୍ଦୋଽହମଵ୍ଯଯଃ ।
- ସତ୍ଯାନନ୍ଦଃ ପରାନନ୍ଦଃ ସଦ୍ଯୋନନ୍ଦଃ ପରାତ୍ପରଃ ॥ ୯॥
- ଵାକ୍ଯାନନ୍ଦମହାନନ୍ଦଃ ଶିଵାନନ୍ଦୋଽହମଦ୍ଵଯଃ ।
- ଶିଵାନନ୍ଦୋତ୍ତରାନନ୍ଦ ଆଦ୍ଯାନନ୍ଦଵିଵର୍ଜିତଃ ॥ ୧୦॥
- ଅମଲାତ୍ମା ପରାନନ୍ଦଶ୍ଚିଦାନନ୍ଦୋଽହମଦ୍ଵଯଃ ।
- ଵୃତ୍ତ୍ଯାନନ୍ଦପରାନନ୍ଦୋ ଵିଦ୍ଯାତୀତୋ ହି ନିର୍ମଲଃ ॥ ୧୧॥
- କାରଣାତୀତ ଆନନ୍ଦଶ୍ଚିଦାନନ୍ଦୋଽହମଦ୍ଵଯଃ ।
- ସର୍ଵାନନ୍ଦଃ ପରାନନ୍ଦୋ ବ୍ରହ୍ମାନନ୍ଦାତ୍ମଭାଵନଃ ॥ ୧୨॥
- ଜୀଵାନନ୍ଦୋ ଲଯାନନ୍ଦଶ୍ଚିଦାନନ୍ଦସ୍ଵରୂପଵାନ୍ ।
- ଶୁଦ୍ଧାନନ୍ଦସ୍ଵରୂପାତ୍ମା ବୁଦ୍ଧ୍ଯାନନ୍ଦୋ ମନୋମଯଃ ॥ ୧୩॥
- ଶବ୍ଦାନନ୍ଦୋ ମହାନନ୍ଦଶ୍ଚିଦାନନ୍ଦୋଽହମଦ୍ଵଯଃ ।
- ଆନନ୍ଦାନନ୍ଦଶୂନ୍ଯାତ୍ମା ଭେଦାନନ୍ଦଵିଶୂନ୍ଯକଃ ॥ ୧୪॥
- ଦ୍ଵୈତାନନ୍ଦପ୍ରଭାଵାତ୍ମା ଚିଦାନନ୍ଦୋଽହମଦ୍ଵଯଃ ।
- ଏଵମାଦିମହାନନ୍ଦ ଅହମେଵେତି ଭାଵଯ ॥ ୧୫॥
- ଶାନ୍ତାନନ୍ଦୋଽହମେଵେତି ଚିଦାନନ୍ଦପ୍ରଭାସ୍ଵରଃ ।
- ଏକାନନ୍ଦପରାନନ୍ଦ ଏକ ଏଵ ଚିଦଵ୍ଯଯଃ ॥ ୧୬॥
- ଏକ ଏଵ ମହାନାତ୍ମା ଏକସଂଖ୍ଯାଵିଵର୍ଜିତଃ ।
- ଏକତତ୍ତ୍ଵମହାନନ୍ଦସ୍ତତ୍ତ୍ଵଭେଦଵିଵର୍ଜିତଃ ॥ ୧୭॥
- ଵିଜିତାନନ୍ଦହୀନୋଽହଂ ନିର୍ଜିତାନନ୍ଦହୀନକଃ ।
- ହୀନାନନ୍ଦପ୍ରଶାନ୍ତୋଽହଂ ଶାନ୍ତୋଽହମିତି ଶାନ୍ତକଃ ॥ ୧୮॥
- ମମତାନନ୍ଦଶାନ୍ତୋଽହମହମାଦିପ୍ରକାଶକମ୍ ।
- ସର୍ଵଦା ଦେହଶାନ୍ତୋଽହଂ ଶାନ୍ତୋଽହମିତି ଵର୍ଜିତଃ ॥ ୧୯॥
- ବ୍ରହ୍ମୈଵାହଂ ନ ସଂସାରୀ ଇତ୍ଯେଵମିତି ଶାନ୍ତକଃ ।
- ଅନ୍ତରାଦନ୍ତରୋଽହଂ ଵୈ ଅନ୍ତରାଦନ୍ତରାନ୍ତରଃ ॥ ୨୦॥
- ଏକ ଏଵ ମହାନନ୍ଦ ଏକ ଏଵାହମକ୍ଷରଃ ।
- ଏକ ଏଵାକ୍ଷରଂ ବ୍ରହ୍ମ ଏକ ଏଵାକ୍ଷରୋଽକ୍ଷରଃ ॥ ୨୧॥
- ଏକ ଏଵ ମହାନାତ୍ମା ଏକ ଏଵ ମନୋହରଃ ।
- ଏକ ଏଵାଦ୍ଵଯୋଽହଂ ଵୈ ଏକ ଏଵ ନ ଚାପରଃ ॥ ୨୨॥
- ଏକ ଏଵ ନ ଭୂରାଦି ଏକ ଏଵ ନ ବୁଦ୍ଧଯଃ ।
- ଏକ ଏଵ ପ୍ରଶାନ୍ତୋଽହଂ ଏକ ଏଵ ସୁଖାତ୍ମକଃ ॥ ୨୩॥
- ଏକ ଏଵ ନ କାମାତ୍ମା ଏକ ଏଵ ନ କୋପକମ୍ ।
- ଏକ ଏଵ ନ ଲୋଭାତ୍ମା ଏକ ଏଵ ନ ମୋହକଃ ॥ ୨୪॥
- ଏକ ଏଵ ମଦୋ ନାହଂ ଏକ ଏଵ ନ ମେ ରସଃ ।
- ଏକ ଏଵ ନ ଚିତ୍ତାତ୍ମା ଏକ ଏଵ ନ ଚାନ୍ଯକଃ ॥ ୨୫॥
- ଏକ ଏଵ ନ ସତ୍ତାତ୍ମା ଏକ ଏଵ ଜରାମରଃ ।
- ଏକ ଏଵ ହି ପୂର୍ଣାତ୍ମା ଏକ ଏଵ ହି ନିଶ୍ଚଲଃ ॥ ୨୬॥
- ଏକ ଏଵ ମହାନନ୍ଦ ଏକ ଏଵାହମେକଵାନ୍ ।
- ଦେହୋଽହମିତି ହୀନୋଽହଂ ଶାନ୍ତୋଽହମିତି ଶାଶ୍ଵତଃ ॥ ୨୭॥
- ଶିଵୋଽହମିତି ଶାନ୍ତୋଽହଂ ଆତ୍ମୈଵାହମିତି କ୍ରମଃ ।
- ଜୀଵୋଽହମିତି ଶାନ୍ତୋଽହଂ ନିତ୍ଯଶୁଦ୍ଧହୃଦନ୍ତରଃ ॥ ୨୮॥
- ଏଵଂ ଭାଵଯ ନିଃଶଙ୍କଂ ସଦ୍ଯୋ ମୁକ୍ତସ୍ତ୍ଵମଦ୍ଵଯେ ।
- ଏଵମାଦି ସୁଶବ୍ଦଂ ଵା ନିତ୍ଯଂ ପଠତୁ ନିଶ୍ଚଲଃ ॥ ୨୯॥
- କାଲସ୍ଵଭାଵୋ ନିଯତୈଶ୍ଚ ଭୂତୈଃ
- ଜଗଦ୍ଵିଜାଯେତ ଇତି ଶ୍ରୁତୀରିତମ୍ ।
- ତଦ୍ଵୈ ମୃଷା ସ୍ଯାଜ୍ଜଗତୋ ଜଡତ୍ଵତଃ
- ଇଚ୍ଛାଭଵଂ ଚୈତଦଥେସ୍ଵରସ୍ଯ ॥ ୩୦॥
- ॥ ଇତି ଶ୍ରୀଶିଵରହସ୍ଯେ ଶଙ୍କରାଖ୍ଯେ ଷଷ୍ଠାଂଶେ ଋଭୁନିଦାଘସଂଵାଦେ ଆନନ୍ଦରୂପତ୍ଵନିରୂପଣପ୍ରକରଣଂ ନାମ ସପ୍ତଵିଂଶୋଽଧ୍ଯାଯଃ ॥
Special Thanks
The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.
Credits
Encoded by Anil Sharma anilandvijaya at gmail.com
Proofread by Sunder Hattangadi and Anil Sharma
https://sanskritdocuments.org
Send corrections to sanskrit at cheerful.com