ଋଭୁଗୀତା ୪୪ ॥ ନିଦାଧାନୁଭଵ ଵର୍ଣନ ପ୍ରକରଣମ୍ ॥
ନିଦାଘଃ -
- ଶୃଣୁଶ୍ଵ ସଦ୍ଗୁରୋ ବ୍ରହ୍ମନ୍ ତ୍ଵତ୍ପ୍ରସାଦାନ୍ଵିନିଶ୍ଚିତମ୍ ।
- ଅହମେଵ ହି ତଦ୍ବ୍ରହ୍ମ ଅହମେଵ ହି କେଵଲମ୍ ॥ ୧॥
- ଅହମେଵ ହି ନିତ୍ଯାତ୍ମା ଅହମେଵ ସଦାଽଜରଃ ।
- ଅହମେଵ ହି ଶାନ୍ତାତ୍ମା ଅହମେଵ ହି ନିଷ୍କଲଃ ॥ ୨॥
- ଅହମେଵ ହି ନିଶ୍ଚିନ୍ତଃ ଅହମେଵ ସୁଖାତ୍ମକଃ ।
- ଅହମେଵ ଗୁରୁସ୍ତ୍ଵଂ ହି ଅହଂ ଶିଷ୍ଯୋଽସ୍ମି କେଵଲମ୍ ॥ ୩॥
- ଅହମାନନ୍ଦ ଏଵାତ୍ମା ଅହମେଵ ନିରଞ୍ଜନଃ ।
- ଅହଂ ତୁର୍ଯାତିଗୋ ହ୍ଯାତ୍ମା ଅହମେଵ ଗୁଣୋଜ୍ଝିତଃ ॥ ୪॥
- ଅହଂ ଵିଦେହ ଏଵାତ୍ମା ଅହମେଵ ହି ଶଙ୍କରଃ ।
- ଅହଂ ଵୈ ପରିପୂର୍ଣାତ୍ମା ଅହମେଵେଶ୍ଵରଃ ପରଃ ॥ ୫॥
- ଅହମେଵ ହି ଲକ୍ଷ୍ଯାତ୍ମା ଅହମେଵ ମନୋମଯଃ ।
- ଅହମେଵ ହି ସର୍ଵାତ୍ମା ଅହମେଵ ସଦାଶିଵଃ ॥ ୬॥
- ଅହଂ ଵିଷ୍ଣୁରହଂ ବ୍ରହ୍ମା ଅହମିନ୍ଦ୍ରସ୍ତ୍ଵହଂ ସୁରାଃ ।
- ଅହଂ ଵୈ ଯକ୍ଷରକ୍ଷାଂସି ପିଶାଚା ଗୁହ୍ଯକାସ୍ତଥା ॥ ୭॥
- ଅହଂ ସମୁଦ୍ରାଃ ସରିତ ଅହମେଵ ହି ପର୍ଵତାଃ ।
- ଅହଂ ଵନାନି ଭୁଵନଂ ଅହମେଵେଦମେଵ ହି ॥ ୮॥
- ନିତ୍ଯତୃପ୍ତୋ ହ୍ଯହଂ ଶୁଦ୍ଧବୁଦ୍ଧୋଽହଂ ପ୍ରକୃତେଃ ପରଃ ।
- ଅହମେଵ ହି ସର୍ଵତ୍ର ଅହମେଵ ହି ସର୍ଵଗଃ ॥ ୯॥
- ଅହମେଵ ମହାନାତ୍ମା ସର୍ଵମଙ୍ଗଲଵିଗ୍ରହଃ ।
- ଅହମେଵ ହି ମୁକ୍ତୋଽସ୍ମି ଶୁଦ୍ଧୋଽସ୍ମି ପରମଃ ଶିଵଃ ॥ ୧୦॥
- ଅହଂ ଭୂମିରହଂ ଵାଯୁରହଂ ତେଜୋ ହ୍ଯହଂ ନଭଃ ।
- ଅହଂ ଜଲମହଂ ସୂର୍ଯଶ୍ଚନ୍ଦ୍ରମା ଭଗଣା ହ୍ଯହମ୍ ॥ ୧୧॥
- ଅହଂ ଲୋକା ଅଲୋକାଶ୍ଚ ଅହଂ ଲୋକ୍ଯା ଅହଂ ସଦା ।
- ଅହମାତ୍ମା ପାରଦୃଶ୍ଯ ଅହଂ ପ୍ରଜ୍ଞାନଵିଗ୍ରହଃ ॥ ୧୨॥
- ଅହଂ ଶୂନ୍ଯୋ ଅଶୂନ୍ଯୋଽହଂ ସର୍ଵାନନ୍ଦମଯୋଽସ୍ମ୍ଯହମ୍ ।
- ଶୁଭାଶୁଭଫଲାତୀତୋ ହ୍ଯହମେଵ ହି କେଵଲମ୍ ॥ ୧୩॥
- ଅହମେଵ ଋତଂ ସତ୍ଯମହଂ ସଚ୍ଚିତ୍ସୁଖାତ୍ମକଃ ।
- ଅହମାନନ୍ଦ ଏଵାତ୍ମା ବହୁଧା ଚୈକଧା ସ୍ଥିତଃ ॥ ୧୪॥
- ଅହଂ ଭୂତଭଵିଷ୍ଯଂ ଚ ଵର୍ତମାନମହଂ ସଦା ।
- ଅହମେକୋ ଦ୍ଵିଧାହଂ ଚ ବହୁଧା ଚାହମେଵ ହି ॥ ୧୫॥
- ଅହମେଵ ପରଂ ବ୍ରହ୍ମ ଅହମେଵ ପ୍ରଜାପତିଃ ।
- ସ୍ଵରାଟ୍ ସମ୍ରାଡ୍ ଜଗଦ୍ଯୋନିରହମେଵ ହି ସର୍ଵଦା ॥ ୧୬॥
- ଅହଂ ଵିଶ୍ଵସ୍ତୈଜସଶ୍ଚ ପ୍ରାଜ୍ଞୋଽହଂ ତୁର୍ଯ ଏଵ ହି ।
- ଅହଂ ପ୍ରାଣୋ ମନଶ୍ଚାହମହମିଦ୍ରିଯଵର୍ଗକଃ ॥ ୧୭॥
- ଅହଂ ଵିଶ୍ଵଂ ହି ଭୁଵନଂ ଗଗନାତ୍ମାହମେଵ ହି ।
- ଅନୁପାଧି ଉପାଧ୍ଯଂ ଯତ୍ତତ୍ସର୍ଵମହମେଵ ହି ॥ ୧୮॥
- ଉପାଧିରହିତଶ୍ଚାହଂ ନିତ୍ଯାନନ୍ଦୋଽହମେଵ ହି ।
- ଏଵଂ ନିଶ୍ଚଯଵାନନ୍ତଃ ସର୍ଵଦା ସୁଖମଶ୍ନୁତେ ।
- ଏଵଂ ଯଃ ଶୃଣୁଯାନ୍ନିତ୍ଯଂ ସର୍ଵପାପୈଃ ପ୍ରମୁଚ୍ଯତେ ॥ ୧୯॥
- ନିତ୍ଯୋଽହଂ ନିର୍ଵିକଲ୍ପୋ ଜନଵନଭୁଵନେ ପାଵନୋଽହଂ ମନୀଷୀ
- ଵିଶ୍ଵୋ ଵିଶ୍ଵାତିଗୋଽହଂ ପ୍ରକୃତିଵିନିକୃତୋ ଏକଧା ସଂସ୍ଥିତୋଽହମ୍ ।
- ନାନାକାରଵିନାଶଜନ୍ମରହିତସ୍ଵଜ୍ଞାନକାର୍ଯୋଜ୍ଝିତୈଃ
- ଭୂମାନନ୍ଦଘନୋଽସ୍ମ୍ଯହଂ ପରଶିଵଃ ସତ୍ଯସ୍ଵରୂପୋଽସ୍ମ୍ଯହମ୍ ॥ ୨୦॥
- ॥ ଇତି ଶ୍ରୀଶିଵରହସ୍ଯେ ଶଙ୍କରାଖ୍ଯେ ଷଷ୍ଠାଂଶେ ଋଭୁନିଦାଘସଂଵାଦେ ନିଦାଘାନୁଭଵଵର୍ଣନଂ ନାମ ଚତୁଶ୍ଚତ୍ଵାରିଂଶୋଽଧ୍ଯାଯଃ ॥
Special Thanks
The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.
Credits
Encoded by Anil Sharma anilandvijaya at gmail.com
Proofread by Sunder Hattangadi and Anil Sharma
https://sanskritdocuments.org
Send corrections to sanskrit at cheerful.com