Ribhu Gita - Siva Rahasya Purana Amsha 6

ଋଭୁଗୀତା ୧୬ ॥ ଚିଦେଵ-ତ୍ଵଂ ପ୍ରକରଣ ନିରୂପଣମ୍ ॥

ଋଭୁଃ -

ଅତ୍ଯନ୍ତଂ ଦୁର୍ଲଭଂ ଵକ୍ଷ୍ଯେ ଵେଦଶାସ୍ତ୍ରାଗମାଦିଷୁ ।
ଶୃଣ୍ଵନ୍ତୁ ସାଵଧାନେନ ଅସଦେଵ ହି କେଵଲମ୍ ॥ ୧॥
ଯତ୍କିଞ୍ଚିଦ୍ ଦୃଶ୍ଯତେ ଲୋକେ ଯତ୍କିଞ୍ଚିଦ୍ଭାଷତେ ସଦା ।
ଯତ୍କିଞ୍ଚିଦ୍ ଭୁଜ୍ଯତେ କ୍ଵାପି ତତ୍ସର୍ଵମସଦେଵ ହି ॥ ୨॥
ଯଦ୍ଯତ୍ କିଞ୍ଚିଜ୍ଜପଂ ଵାପି ସ୍ନାନଂ ଵା ଜଲମେଵ ଵା ।
ଆତ୍ମନୋଽନ୍ଯତ୍ ପରଂ ଯଦ୍ଯତ୍ ଅସତ୍ ସର୍ଵଂ ନ ସଂଶଯଃ ॥ ୩॥
ଚିତ୍ତକାର୍ଯଂ ବୁଦ୍ଧିକାର୍ଯଂ ମାଯାକାର୍ଯଂ ତଥୈଵ ହି ।
ଆତ୍ମନୋଽନ୍ଯତ୍ ପରଂ କିଞ୍ଚିତ୍ ତତ୍ସର୍ଵମସଦେଵ ହି ॥ ୪॥
ଅହନ୍ତାଯାଃ ପରଂ ରୂପଂ ଇଦଂତ୍ଵଂ ସତ୍ଯମିତ୍ଯପି ।
ଆତ୍ମନୋଽନ୍ଯତ୍ ପରଂ କିଞ୍ଚିତ୍ ତତ୍ସର୍ଵମସଦେଵ ହି ॥ ୫॥
ନାନାତ୍ଵମେଵ ରୂପତ୍ଵଂ ଵ୍ଯଵହାରଃ କ୍ଵଚିତ୍ କ୍ଵଚିତ୍ ।
ଆତ୍ମୀଯ ଏଵ ସର୍ଵତ୍ର ତତ୍ସର୍ଵମସଦେଵ ହି ॥ ୬॥
ତତ୍ତ୍ଵଭେଦଂ ଜଗଦ୍ଭେଦଂ ସର୍ଵଭେଦମସତ୍ଯକମ୍ ।
ଇଚ୍ଛାଭେଦଂ ଜଗଦ୍ଭେଦଂ ତତ୍ସର୍ଵମସଦେଵ ହି ॥ ୭॥
ଦ୍ଵୈତଭେଦଂ ଚିତ୍ରଭେଦଂ ଜାଗ୍ରଦ୍ଭେଦଂ ମନୋମଯମ୍ ।
ଅହଂଭେଦମିଦଂଭେଦମସଦେଵ ହି କେଵଲମ୍ ॥ ୮॥
ସ୍ଵପ୍ନଭେଦଂ ସୁପ୍ତିଭେଦଂ ତୁର୍ଯଭେଦମଭେଦକମ୍ ।
କର୍ତୃଭେଦଂ କାର୍ଯଭେଦଂ ଗୁଣଭେଦଂ ରସାତ୍ମକମ୍ ।
ଲିଙ୍ଗଭେଦମିଦଂଭେଦମସଦେଵ ହି କେଵଲମ୍ ॥ ୯॥
ଆତ୍ମଭେଦମସଦ୍ଭେଦଂ ସଦ୍ଭେଦମସଦଣ୍ଵପି ।
ଅତ୍ଯନ୍ତାଭାଵସଦ୍ଭେଦମ୍ ଅସଦେଵ ହି କେଵଲମ୍ ॥ ୧୦॥
ଅସ୍ତିଭେଦଂ ନାସ୍ତିଭେଦମଭେଦଂ ଭେଦଵିଭ୍ରମଃ ।
ଭ୍ରାନ୍ତିଭେଦଂ ଭୂତିଭେଦମସଦେଵ ହି କେଵଲମ୍ ॥ ୧୧॥
ପୁନରନ୍ଯତ୍ର ସଦ୍ଭେଦମିଦମନ୍ଯତ୍ର ଵା ଭଯମ୍ ।
ପୁଣ୍ଯଭେଦଂ ପାପଭେଦଂ ଅସଦେଵ ହି କେଵଲମ୍ ॥ ୧୨॥
ସଙ୍କଲ୍ପଭେଦଂ ତଦ୍ଭେଦଂ ସଦା ସର୍ଵତ୍ର ଭେଦକମ୍ ।
ଜ୍ଞାନାଜ୍ଞାନମଯଂ ସର୍ଵଂ ଅସଦେଵ ହି କେଵଲମ୍ ॥ ୧୩॥
ବ୍ରହ୍ମଭେଦଂ କ୍ଷତ୍ରଭେଦଂ ଭୂତଭୌତିକଭେଦକମ୍ ।
ଇଦଂଭେଦମହଂଭେଦଂ ଅସଦେଵ ହି କେଵଲମ୍ ॥ ୧୪॥
ଵେଦଭେଦଂ ଦେଵଭେଦଂ ଲୋକାନାଂ ଭେଦମୀଦୃଶମ୍ ।
ପଞ୍ଚାକ୍ଷରମସନ୍ନିତ୍ଯମ୍ ଅସଦେଵ ହି କେଵଲମ୍ ॥ ୧୫॥
ଜ୍ଞାନେନ୍ଦ୍ରିଯମସନ୍ନିତ୍ଯଂ କର୍ମେନ୍ଦ୍ରିଯମସତ୍ସଦା ।
ଅସଦେଵ ଚ ଶବ୍ଦାଖ୍ଯଂ ଅସତ୍ଯଂ ତତ୍ଫଲଂ ତଥା ॥ ୧୬॥
ଅସତ୍ଯଂ ପଞ୍ଚଭୂତାଖ୍ଯମସତ୍ଯଂ ପଞ୍ଚଦେଵତାଃ ।
ଅସତ୍ଯଂ ପଞ୍ଚକୋଶାଖ୍ଯମ୍ ଅସଦେଵ ହି କେଵଲମ୍ ॥ ୧୭॥
ଅସତ୍ଯଂ ଷଡ୍ଵିକାରାଦି ଅସତ୍ଯଂ ଷଟ୍କମୂର୍ମିଣାମ୍ ।
ଅସତ୍ଯମରିଷଡ୍ଵର୍ଗମସତ୍ଯଂ ଷଡୃତୁସ୍ତଦା ॥ ୧୮॥var was ତଥା
ଅସତ୍ଯଂ ଦ୍ଵାଦଶମାସାଃ ଅସତ୍ଯଂ ଵତ୍ସରସ୍ତଥା ।
ଅସତ୍ଯଂ ଷଡଵସ୍ଥାଖ୍ଯଂ ଷଟ୍କାଲମସଦେଵ ହି ॥ ୧୯॥
ଅସତ୍ଯମେଵ ଷଟ୍ଶାସ୍ତ୍ରଂ ଅସଦେଵ ହି କେଵଲମ୍ ।
ଅସଦେଵ ସଦା ଜ୍ଞାନଂ ଅସଦେଵ ହି କେଵଲମ୍ ॥ ୨୦॥
ଅନୁକ୍ତମୁକ୍ତଂ ନୋକ୍ତଂ ଚ ଅସଦେଵ ହି କେଵଲମ୍ ।
ଅସତ୍ପ୍ରକରଣଂ ପ୍ରୋକ୍ତଂ ସର୍ଵଵେଦେଷୁ ଦୁର୍ଲଭମ୍ ॥ ୨୧॥
ଭୂଯଃ ଶୃଣୁ ତ୍ଵଂ ଯୋଗୀନ୍ଦ୍ର ସାକ୍ଷାନ୍ମୋକ୍ଷଂ ବ୍ରଵୀମ୍ଯହମ୍ ।
ସନ୍ମାତ୍ରମହମେଵାତ୍ମା ସଚ୍ଚିଦାନନ୍ଦ କେଵଲମ୍ ॥ ୨୨॥
ସନ୍ମଯାନନ୍ଦଭୂତାତ୍ମା ଚିନ୍ମଯାନନ୍ଦସଦ୍ଘନଃ ।
ଚିନ୍ମଯାନନ୍ଦସନ୍ଦୋହଚିଦାନନ୍ଦୋ ହି କେଵଲମ୍ ॥ ୨୩॥
ଚିନ୍ମାତ୍ରଜ୍ଯୋତିରାନ୍ଦଶ୍ଚିନ୍ମାତ୍ରଜ୍ଯୋତିଵିଗ୍ରହଃ ।
ଚିନ୍ମାତ୍ରଜ୍ଯୋତିରୀଶାନଃ ସର୍ଵଦାନନ୍ଦକେଵଲମ୍ ॥ ୨୪॥
ଚିନ୍ମାତ୍ରଜ୍ଯୋତିରଖିଲଂ ଚିନ୍ମାତ୍ରଜ୍ଯୋତିରସ୍ମ୍ଯହମ୍ ।
ଚିନ୍ମାତ୍ରଂ ସର୍ଵମେଵାହଂ ସର୍ଵଂ ଚିନ୍ମାତ୍ରମେଵ ହି ॥ ୨୫॥
ଚିନ୍ମାତ୍ରମେଵ ଚିତ୍ତଂ ଚ ଚିନ୍ମାତ୍ରଂ ମୋକ୍ଷ ଏଵ ଚ ।
ଚିନ୍ମାତ୍ରମେଵ ମନନଂ ଚିନ୍ମାତ୍ରଂ ଶ୍ରଵଣଂ ତଥା ॥ ୨୬॥
ଚିନ୍ମାତ୍ରମହମେଵାସ୍ମି ସର୍ଵଂ ଚିନ୍ମାତ୍ରମେଵ ହି ।
ଚିନ୍ମାତ୍ରଂ ନିର୍ଗୁଣଂ ବ୍ରହ୍ମ ଚିନ୍ମାତ୍ରଂ ସଗୁଣଂ ପରମ୍ ॥ ୨୭॥
ଚିନ୍ମାତ୍ରମହମେଵ ତ୍ଵଂ ସର୍ଵଂ ଚିନ୍ମାତ୍ରମେଵ ହି ।
ଚିନ୍ମାତ୍ରମେଵ ହୃଦଯଂ ଚିନ୍ମାତ୍ରଂ ଚିନ୍ମଯଂ ସଦା ॥ ୨୮॥
ଚିଦେଵ ତ୍ଵଂ ଚିଦେଵାହଂ ସର୍ଵଂ ଚିନ୍ମାତ୍ରମେଵ ହି ।
ଚିନ୍ମାତ୍ରମେଵ ଶାନ୍ତତ୍ଵଂ ଚିନ୍ମାତ୍ରଂ ଶାନ୍ତିଲକ୍ଷଣମ୍ ॥ ୨୯॥
ଚିନ୍ମାତ୍ରମେଵ ଵିଜ୍ଞାନଂ ଚିନ୍ମାତ୍ରଂ ବ୍ରହ୍ମ କେଵଲମ୍ ।
ଚିନ୍ମାତ୍ରମେଵ ସଂକଲ୍ପଂ ଚିନ୍ମାତ୍ରଂ ଭୁଵନତ୍ରଯମ୍ ॥ ୩୦॥
ଚିନ୍ମାତ୍ରମେଵ ସର୍ଵତ୍ର ଚିନ୍ମାତ୍ରଂ ଵ୍ଯାପକୋ ଗୁରୁଃ ।
ଚିନ୍ମାତ୍ରମେଵ ଶୁଦ୍ଧତ୍ଵଂ ଚିନ୍ମାତ୍ରଂ ବ୍ରହ୍ମ କେଵଲମ୍ ॥ ୩୧॥
ଚିନ୍ମାତ୍ରମେଵ ଚୈତନ୍ଯଂ ଚିନ୍ମାତ୍ରଂ ଭାସ୍କରାଦିକମ୍ ।
ଚିନ୍ମାତ୍ରମେଵ ସନ୍ମାତ୍ରଂ ଚିନ୍ମାତ୍ରଂ ଜଗଦେଵ ହି ॥ ୩୨॥
ଚିନ୍ମାତ୍ରମେଵ ସତ୍କର୍ମ ଚିନ୍ମାତ୍ରଂ ନିତ୍ଯମଙ୍ଗଲମ୍ ।
ଚିନ୍ମାତ୍ରମେଵ ହି ବ୍ରହ୍ମ ଚିନ୍ମାତ୍ରଂ ହରିରେଵ ହି ॥ ୩୩॥
ଚିନ୍ମାତ୍ରମେଵ ମୌନାତ୍ମା ଚିନ୍ମାତ୍ରଂ ସିଦ୍ଧିରେଵ ହି ।
ଚିନ୍ମାତ୍ରମେଵ ଜନିତଂ ଚିନ୍ମାତ୍ରଂ ସୁଖମେଵ ହି ॥ ୩୪॥
ଚିନ୍ମାତ୍ରମେଵ ଗଗନଂ ଚିନ୍ମାତ୍ରଂ ପର୍ଵତଂ ଜଲମ୍ ।
ଚିନ୍ମାତ୍ରମେଵ ନକ୍ଷତ୍ରଂ ଚିନ୍ମାତ୍ରଂ ମେଘମେଵ ହି ॥ ୩୫॥
ଚିଦେଵ ଦେଵତାକାରଂ ଚିଦେଵ ଶିଵପୂଜନମ୍ ।
ଚିନ୍ମାତ୍ରମେଵ କାଠିନ୍ଯଂ ଚିନ୍ମାତ୍ରଂ ଶୀତଲଂ ଜଲମ୍ ॥ ୩୬॥
ଚିନ୍ମାତ୍ରମେଵ ମନ୍ତଵ୍ଯଂ ଚିନ୍ମାତ୍ରଂ ଦୃଶ୍ଯଭାଵନମ୍ ।
ଚିନ୍ମାତ୍ରମେଵ ସକଲଂ ଚିନ୍ମାତ୍ରଂ ଭୁଵନଂ ପିତା ॥ ୩୭॥
ଚିନ୍ମାତ୍ରମେଵ ଜନନୀ ଚିନ୍ମାତ୍ରାନ୍ନାସ୍ତି କିଞ୍ଚନ ।
ଚିନ୍ମାତ୍ରମେଵ ନଯନଂ ଚିନ୍ମାତ୍ରଂ ଶ୍ରଵଣଂ ସୁଖମ୍ ॥ ୩୮॥
ଚିନ୍ମାତ୍ରମେଵ କରଣଂ ଚିନ୍ମାତ୍ରଂ କାର୍ଯମୀଶ୍ଵରମ୍ ।
ଚିନ୍ମାତ୍ରଂ ଚିନ୍ମଯଂ ସତ୍ଯଂ ଚିନ୍ମାତ୍ରଂ ନାସ୍ତି ନାସ୍ତି ହି ॥ ୩୯॥
ଚିନ୍ମାତ୍ରମେଵ ଵେଦାନ୍ତଂ ଚିନ୍ମାତ୍ରଂ ବ୍ରହ୍ମ ନିଶ୍ଚଯମ୍ ।
ଚିନ୍ମାତ୍ରମେଵ ସଦ୍ଭାଵି ଚିନ୍ମାତ୍ରଂ ଭାତି ନିତ୍ଯଶଃ ॥ ୪୦॥
ଚିଦେଵ ଜଗଦାକାରଂ ଚିଦେଵ ପରମଂ ପଦମ୍ ।
ଚିଦେଵ ହି ଚିଦାକାରଂ ଚିଦେଵ ହି ଚିଦଵ୍ଯଯଃ ॥ ୪୧॥
ଚିଦେଵ ହି ଶିଵାକାରଂ ଚିଦେଵ ହି ଶିଵଵିଗ୍ରହଃ ।
ଚିଦାକାରମିଦଂ ସର୍ଵଂ ଚିଦାକାରଂ ସୁଖାସୁଖମ୍ ॥ ୪୨॥
ଚିଦେଵ ହି ଜଡାକାରଂ ଚିଦେଵ ହି ନିରନ୍ତରମ୍ ।
ଚିଦେଵକଲନାକାରଂ ଜୀଵାକାରଂ ଚିଦେଵ ହି ॥ ୪୩॥
ଚିଦେଵ ଦେଵତାକାରଂ ଚିଦେଵ ଶିଵପୂଜନମ୍ ।
ଚିଦେଵ ତ୍ଵଂ ଚିଦେଵାହଂ ସର୍ଵଂ ଚିନ୍ମାତ୍ରମେଵ ହି ॥ ୪୪॥
ଚିଦେଵ ପରମାକାରଂ ଚିଦେଵ ହି ନିରାମଯମ୍ ।
ଚିନ୍ମାତ୍ରମେଵ ସତତଂ ଚିନ୍ମାତ୍ରଂ ହି ପରାଯଣମ୍ ॥ ୪୫॥
ଚିନ୍ମାତ୍ରମେଵ ଵୈରାଗ୍ଯଂ ଚିନ୍ମାତ୍ରଂ ନିର୍ଗୁଣଂ ସଦା ।
ଚିନ୍ମାତ୍ରମେଵ ସଞ୍ଚାରଂ ଚିନ୍ମାତ୍ରଂ ମନ୍ତ୍ରତନ୍ତ୍ରକମ୍ ॥ ୪୬॥
ଚିଦାକାରମିଦଂ ଵିଶ୍ଵଂ ଚିଦାକାରଂ ଜଗତ୍ତ୍ରଯମ୍ ।
ଚିଦାକାରମହଙ୍କାରଂ ଚିଦାକାରଂ ପରାତ୍ ପରମ୍ ॥ ୪୭॥
ଚିଦାକାରମିଦଂ ଭେଦଂ ଚିଦାକାରଂ ତୃଣାଦିକମ୍ ।
ଚିଦାକାରଂ ଚିଦାକାଶଂ ଚିଦାକାରମରୂପକମ୍ ॥ ୪୮॥
ଚିଦାକାରଂ ମହାନନ୍ଦଂ ଚିଦାକାରଂ ସୁଖାତ୍ ସୁଖମ୍ ।
ଚିଦାକାରଂ ସୁଖଂ ଭୋଜ୍ଯଂ ଚିଦାକାରଂ ପରଂ ଗୁରୁମ୍ ॥ ୪୯॥
ଚିଦାକାରମିଦଂ ଵିଶ୍ଵଂ ଚିଦାକାରମିଦଂ ପୁମାନ୍ ।
ଚିଦାକାରମଜଂ ଶାନ୍ତଂ ଚିଦାକାରମନାମଯମ୍ ॥ ୫୦॥
ଚିଦାକାରଂ ପରାତୀତଂ ଚିଦାକାରଂ ଚିଦେଵ ହି ।
ଚିଦାକାରଂ ଚିଦାକାଶଂ ଚିଦାକାଶଂ ଶିଵାଯତେ ॥ ୫୧॥
ଚିଦାକାରଂ ସଦା ଚିତ୍ତଂ ଚିଦାକାରଂ ସଦାଽମୃତମ୍ ।
ଚିଦାକାରଂ ଚିଦାକାଶଂ ତଦା ସର୍ଵାନ୍ତରାନ୍ତରମ୍ ॥ ୫୨॥
ଚିଦାକାରମିଦଂ ପୂର୍ଣଂ ଚିଦାକାରମିଦଂ ପ୍ରିଯମ୍ ।
ଚିଦାକାରମିଦଂ ସର୍ଵଂ ଚିଦାକାରମହଂ ସଦା ॥ ୫୩॥
ଚିଦାକାରମିଦଂ ସ୍ଥାନଂ ଚିଦାକାରଂ ହୃଦମ୍ବରମ୍ ।
ଚିଦାବୋଧଂ ଚିଦାକାରଂ ଚିଦାକାଶଂ ତତଂ ସଦା ॥ ୫୪॥
ଚିଦାକାରଂ ସଦା ପୂର୍ଣଂ ଚିଦାକାରଂ ମହତ୍ଫଲମ୍ ।
ଚିଦାକାରଂ ପରଂ ତତ୍ତ୍ଵଂ ଚିଦାକାରଂ ପରଂ ଭଵାନ୍ ॥ ୫୫॥
ଚିଦାକାରଂ ସଦାମୋଦଂ ଚିଦାକାରଂ ସଦା ମୃତମ୍ ।
ଚିଦାକାରଂ ପରଂ ବ୍ରହ୍ମ ଚିଦହଂ ଚିଦହଂ ସଦା ॥ ୫୬॥
ଚିଦହଂ ଚିଦହଂ ଚିତ୍ତଂ ଚିତ୍ତଂ ସ୍ଵସ୍ଯ ନ ସଂଶଯଃ ।
ଚିଦେଵ ଜଗଦାକାରଂ ଚିଦେଵ ଶିଵଶଙ୍କରଃ ॥ ୫୭॥
ଚିଦେଵ ଗଗନାକାରଂ ଚିଦେଵ ଗଣନାଯକମ୍ ।
ଚିଦେଵ ଭୁଵନାକାରଂ ଚିଦେଵ ଭଵଭାଵନମ୍ ॥ ୫୮॥
ଚିଦେଵ ହୃଦଯାକାରଂ ଚିଦେଵ ହୃଦଯେଶ୍ଵରଃ ।
ଚିଦେଵ ଅମୃତାକାରଂ ଚିଦେଵ ଚଲନାସ୍ପଦମ୍ ॥ ୫୯॥
ଚିଦେଵାହଂ ଚିଦେଵାହଂ ଚିନ୍ମଯଂ ଚିନ୍ମଯଂ ସଦା ।
ଚିଦେଵ ସତ୍ଯଵିଶ୍ଵାସଂ ଚିଦେଵ ବ୍ରହ୍ମଭାଵନମ୍ ॥ ୬୦॥
ଚିଦେଵ ପରମଂ ଦେଵଂ ଚିଦେଵ ହୃଦଯାଲଯମ୍ ।
ଚିଦେଵ ସକଲାକାରଂ ଚିଦେଵ ଜନମଣ୍ଡଲମ୍ ॥ ୬୧॥
ଚିଦେଵ ସର୍ଵମାନନ୍ଦଂ ଚିଦେଵ ପ୍ରିଯଭାଷଣମ୍ ।
ଚିଦେଵ ତ୍ଵଂ ଚିଦେଵାହଂ ସର୍ଵଂ ଚିନ୍ମାତ୍ରମେଵ ହି ॥ ୬୨॥
ଚିଦେଵ ପରମଂ ଧ୍ଯାନଂ ଚିଦେଵ ପରମର୍ହଣମ୍ ।
ଚିଦେଵ ତ୍ଵଂ ଚିଦେଵାହଂ ସର୍ଵଂ ଚିନ୍ମଯମେଵ ହି ॥ ୬୩॥
ଚିଦେଵ ତ୍ଵଂ ପ୍ରକରଣଂ ସର୍ଵଵେଦେଷୁ ଦୁର୍ଲଭମ୍ ।
ସକୃଚ୍ଛ୍ରଵଣମାତ୍ରେଣ ବ୍ରହ୍ମୈଵ ଭଵତି ଧ୍ରୁଵମ୍ ॥ ୬୪॥
ଯସ୍ଯାଭିଧ୍ଯାନଯୋଗାଜ୍ଜନିମୃତିଵିଵଶାଃ ଶାଶ୍ଵତଂ ଵୃତ୍ତିଭିର୍ଯେ
ମାଯାମୋହୈର୍ଵିହୀନା ହୃଦୁଦରଭଯଜଂ ଛିଦ୍ଯତେ ଗ୍ରନ୍ଥିଜାତମ୍ ।
ଵିଶ୍ଵଂ ଵିଶ୍ଵାଧିକରସଂ ଭଵତି ଭଵତୋ ଦର୍ଶନାଦାପ୍ତକାମଃ
ସୋ ନିତ୍ଯୋ ନିର୍ଵିକଲ୍ପୋ ଭଵତି ଭୁଵି ସଦା ବ୍ରହ୍ମଭୂତୋଽନ୍ତରାତ୍ମା ॥ ୬୫॥

॥ ଇତି ଶ୍ରୀଶିଵରହସ୍ଯେ ଶଙ୍କରାଖ୍ଯେ ଷଷ୍ଠାଂଶେ ଋଭୁନିଦାଘସଂଵାଦେ ଚିଦେଵତ୍ଵଂପ୍ରକରଣଵର୍ଣନଂ ନାମ ଷୋଡଶୋଽଧ୍ଯାଯଃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com