Ribhu Gita - Siva Rahasya Purana Amsha 6

ଋଭୁଗୀତା ୨୯ ॥ ତନ୍ମଯ-ଭାଵୋପଦେଶ ପ୍ରକରଣମ୍ ॥

ଋଭୁଃ -

ଅତ୍ଯନ୍ତଂ ତନ୍ମଯଂ ଵକ୍ଷ୍ଯେ ଦୁର୍ଲଭଂ ଯୋଗିନାମପି ।
ଵେଦଶାସ୍ତ୍ରେଷୁ ଦେଵେଷୁ ରହସ୍ଯମତିଦୁର୍ଲଭମ୍ ॥ ୧॥
ଯଃ ପରଂ ବ୍ରହ୍ମ ସର୍ଵାତ୍ମା ସଚ୍ଚିଦାନନ୍ଦଵିଗ୍ରହଃ ।
ସର୍ଵାତ୍ମା ପରମାତ୍ମା ହି ତନ୍ମଯୋ ଭଵ ସର୍ଵଦା ॥ ୨॥
ଆତ୍ମରୂପମିଦଂ ସର୍ଵମାଦ୍ଯନ୍ତରହିତୋଽଜଯଃ ।
କାର୍ଯାକାର୍ଯମିଦଂ ନାସ୍ତି ତନ୍ମଯୋ ଭଵ ସର୍ଵଦା ॥ ୩॥
ଯତ୍ର ଦ୍ଵୈତଭଯଂ ନାସ୍ତି ଯତ୍ରାଦ୍ଵୈତପ୍ରବୋଧନମ୍ ।
ଶାନ୍ତାଶାନ୍ତଦ୍ଵଯଂ ନାସ୍ତି ତନ୍ମଯୋ ଭଵ ସର୍ଵଦା ॥ ୪॥
ଯତ୍ର ସଙ୍କଲ୍ପକଂ ନାସ୍ତି ଯତ୍ର ଭ୍ରାନ୍ତିର୍ନ ଵିଦ୍ଯତେ ।
ତଦେଵ ହି ମତିର୍ନାସ୍ତି ତନ୍ମଯୋ ଭଵ ସର୍ଵଦା ॥ ୫॥
ଯତ୍ର ବ୍ରହ୍ମଣି ନାସ୍ତ୍ଯେଵ ଯତ୍ର ଭାଵି ଵିକଲ୍ପନମ୍ ।
ଯତ୍ର ସର୍ଵଂ ଜଗନ୍ନାସ୍ତି ତନ୍ମଯୋ ଭଵ ସର୍ଵଦା ॥ ୬॥
ଯତ୍ର ଭାଵମଭାଵଂ ଵା ମନୋଭ୍ରାନ୍ତି ଵିକଲ୍ପନମ୍ ।
ଯତ୍ର ଭ୍ରାନ୍ତେର୍ନ ଵାର୍ତା ଵା ତନ୍ମଯୋ ଭଵ ସର୍ଵଦା ॥ ୭॥
ଯତ୍ର ନାସ୍ତି ସୁଖଂ ନାସ୍ତି ଦେହୋଽହମିତି ରୂପକମ୍ ।
ସର୍ଵସଙ୍କଲ୍ପନିର୍ମୁକ୍ତଂ ତନ୍ମଯୋ ଭଵ ସର୍ଵଦା ॥ ୮॥
ଯତ୍ର ବ୍ରହ୍ମ ଵିନା ଭାଵୋ ଯତ୍ର ଦୋଷୋ ନ ଵିଦ୍ଯତେ ।
ଯତ୍ର ଦ୍ଵନ୍ଦ୍ଵଭଯଂ ନାସ୍ତି ତନ୍ମଯୋ ଭଵ ସର୍ଵଦା ॥ ୯॥
ଯତ୍ର ଵାକ୍କାଯକାର୍ଯଂ ଵା ଯତ୍ର କଲ୍ପୋ ଲଯଂ ଗତଃ ।
ଯତ୍ର ପ୍ରପଞ୍ଚଂ ନୋତ୍ପନ୍ନଂ ତନ୍ମଯୋ ଭଵ ସର୍ଵଦା ॥ ୧୦॥
ଯତ୍ର ମାଯା ପ୍ରକାଶୋ ନ ମାଯା କାର୍ଯଂ ନ କିଞ୍ଚନ ।
ଯତ୍ର ଦୃଶ୍ଯମଦୃଶ୍ଯଂ ଵା ତନ୍ମଯୋ ଭଵ ସର୍ଵଦା ॥ ୧୧॥
ଵିଦ୍ଵାନ୍ ଵିଦ୍ଯାପି ନାସ୍ତ୍ଯେଵ ଯତ୍ର ପକ୍ଷଵିପକ୍ଷକୌ ।
ନ ଯତ୍ର ଦୋଷାଦୋଷୌ ଵା ତନ୍ମଯୋ ଭଵ ସର୍ଵଦା ॥ ୧୨॥
ଯତ୍ର ଵିଷ୍ଣୁତ୍ଵଭେଦୋ ନ ଯତ୍ର ବ୍ରହ୍ମା ନ ଵିଦ୍ଯତେ ।
ଯତ୍ର ଶଙ୍କରଭେଦୋ ନ ତନ୍ମଯୋ ଭଵ ସର୍ଵଦା ॥ ୧୩॥
ନ ଯତ୍ର ସଦସଦ୍ଭେଦୋ ନ ଯତ୍ର କଲନାପଦମ୍ ।
ନ ଯତ୍ର ଜୀଵକଲନା ତନ୍ମଯୋ ଭଵ ସର୍ଵଦା ॥ ୧୪॥
ନ ଯତ୍ର ଶଙ୍କରଧ୍ଯାନଂ ନ ଯତ୍ର ପରମଂ ପଦମ୍ ।
ନ ଯତ୍ର କଲନାକାରଂ ତନ୍ମଯୋ ଭଵ ସର୍ଵଦା ॥ ୧୫॥
ନ ଯତ୍ରାଣୁର୍ମହତ୍ତ୍ଵଂ ଚ ଯତ୍ର ସନ୍ତୋଷକଲ୍ପନମ୍ ।
ଯତ୍ର ପ୍ରପଞ୍ଚମାଭାସଂ ତନ୍ମଯୋ ଭଵ ସର୍ଵଦା ॥ ୧୬॥
ନ ଯତ୍ର ଦେହକଲନଂ ନ ଯତ୍ର ହି କୁତୂହଲମ୍ ।
ନ ଯତ୍ର ଚିତ୍ତକଲନଂ ତନ୍ମଯୋ ଭଵ ସର୍ଵଦା ॥ ୧୭॥
ନ ଯତ୍ର ବୁଦ୍ଧିଵିଜ୍ଞାନଂ ନ ଯତ୍ରାତ୍ମା ମନୋମଯଃ ।
ନ ଯତ୍ର କାମକଲନଂ ତନ୍ମଯୋ ଭଵ ସର୍ଵଦା ॥ ୧୮॥
ନ ଯତ୍ର ମୋକ୍ଷଵିଶ୍ରାନ୍ତିର୍ଯତ୍ର ବନ୍ଧତ୍ଵଵିଗ୍ରହଃ ।
ନ ଯତ୍ର ଶାଶ୍ଵତଂ ଜ୍ଞାନଂ ତନ୍ମଯୋ ଭଵ ସର୍ଵଦା ॥ ୧୯॥
ନ ଯତ୍ର କାଲକଲନଂ ଯତ୍ର ଦୁଃଖତ୍ଵଭାଵନମ୍ ।
ନ ଯତ୍ର ଦେହକଲନଂ ତନ୍ମଯୋ ଭଵ ସର୍ଵଦା ॥ ୨୦॥
ନ ଯତ୍ର ଜୀଵଵୈରାଗ୍ଯଂ ଯତ୍ର ଶାସ୍ତ୍ରଵିକଲ୍ପନମ୍ ।
ଯତ୍ରାହମହମାତ୍ମତ୍ଵଂ ତନ୍ମଯୋ ଭଵ ସର୍ଵଦା ॥ ୨୧॥
ନ ଯତ୍ର ଜୀଵନ୍ମୁକ୍ତିର୍ଵା ଯତ୍ର ଦେହଵିମୋଚନମ୍ ।
ଯତ୍ର ସଙ୍କଲ୍ପିତଂ କାର୍ଯଂ ତନ୍ମଯୋ ଭଵ ସର୍ଵଦା ॥ ୨୨॥
ନ ଯତ୍ର ଭୂତକଲନଂ ଯତ୍ରାନ୍ଯତ୍ଵପ୍ରଭାଵନମ୍ ।
ନ ଯତ୍ର ଜୀଵଭେଦୋ ଵା ତନ୍ମଯୋ ଭଵ ସର୍ଵଦା ॥ ୨୩॥
ଯତ୍ରାନନ୍ଦପଦଂ ବ୍ରହ୍ମ ଯତ୍ରାନନ୍ଦପଦଂ ସୁଖମ୍ ।
ଯତ୍ରାନନ୍ଦଗୁଣଂ ନିତ୍ଯଂ ତନ୍ମଯୋ ଭଵ ସର୍ଵଦା ॥ ୨୪॥
ନ ଯତ୍ର ଵସ୍ତୁପ୍ରଭଵଂ ନ ଯତ୍ରାପଜଯୋଜଯଃ ।
ନ ଯତ୍ର ଵାକ୍ଯକଥନଂ ତନ୍ମଯୋ ଭଵ ସର୍ଵଦା ॥ ୨୫॥
ନ ଯତ୍ରାତ୍ମଵିଚାରାଙ୍ଗଂ ନ ଯତ୍ର ଶ୍ରଵଣାକୁଲମ୍ ।
ନ ଯତ୍ର ଚ ମହାନନ୍ଦଂ ତନ୍ମଯୋ ଭଵ ସର୍ଵଦା ॥ ୨୬॥
ନ ଯତ୍ର ହି ସଜାତୀଯଂ ଵିଜାତୀଯଂ ନ ଯତ୍ର ହି ।
ନ ଯତ୍ର ସ୍ଵଗତଂ ଭେଦଂ ତନ୍ମଯୋ ଭଵ ସର୍ଵଦା ॥ ୨୭॥
ନ ଯତ୍ର ନରକୋ ଘୋରୋ ନ ଯତ୍ର ସ୍ଵର୍ଗସଂପଦଃ ।
ନ ଯତ୍ର ବ୍ରହ୍ମଲୋକୋ ଵା ତନ୍ମଯୋ ଭଵ ସର୍ଵଦା ॥ ୨୮॥
ନ ଯତ୍ର ଵିଷ୍ଣୁସାଯୁଜ୍ଯଂ ଯତ୍ର କୈଲାସପର୍ଵତଃ ।
ବ୍ରହ୍ମାଣ୍ଡମଣ୍ଡଲଂ ଯତ୍ର ତନ୍ମଯୋ ଭଵ ସର୍ଵଦା ॥ ୨୯॥
ନ ଯତ୍ର ଭୂଷଣଂ ଯତ୍ର ଦୂଷଣଂ ଵା ନ ଵିଦ୍ଯତେ ।
ନ ଯତ୍ର ସମତା ଦୋଷଂ ତନ୍ମଯୋ ଭଵ ସର୍ଵଦା ॥ ୩୦॥
ନ ଯତ୍ର ମନସା ଭାଵୋ ନ ଯତ୍ର ସଵିକଲ୍ପନମ୍ ।
ନ ଯତ୍ରାନୁଭଵଂ ଦୁଃଖଂ ତନ୍ମଯୋ ଭଵ ସର୍ଵଦା ॥ ୩୧॥
ଯତ୍ର ପାପଭଯଂ ନାସ୍ତି ପଞ୍ଚପାପାଦପି କ୍ଵଚିତ୍ ।
ନ ଯତ୍ର ସଙ୍ଗଦୋଷଂ ଵା ତନ୍ମଯୋ ଭଵ ସର୍ଵଦା ॥ ୩୨॥
ଯତ୍ର ତାପତ୍ରଯଂ ନାସ୍ତି ଯତ୍ର ଜୀଵତ୍ରଯଂ କ୍ଵଚିତ୍ ।
ଯତ୍ର ଵିଶ୍ଵଵିକଲ୍ପାଖ୍ଯଂ ତନ୍ମଯୋ ଭଵ ସର୍ଵଦା ॥ ୩୩॥
ନ ଯତ୍ର ବୋଧମୁତ୍ପନ୍ନଂ ନ ଯତ୍ର ଜଗତାଂ ଭ୍ରମଃ ।
ନ ଯତ୍ର କରଣାକାରଂ ତନ୍ମଯୋ ଭଵ ସର୍ଵଦା ॥ ୩୪॥
ନ ଯତ୍ର ହି ମନୋ ରାଜ୍ଯଂ ଯତ୍ରୈଵ ପରମଂ ସୁଖମ୍ ।
ଯତ୍ର ଵୈ ଶାଶ୍ଵତଂ ସ୍ଥାନଂ ତନ୍ମଯୋ ଭଵ ସର୍ଵଦା ॥ ୩୫॥
ଯତ୍ର ଵୈ କାରଣଂ ଶାନ୍ତଂ ଯତ୍ରୈଵ ସକଲଂ ସୁଖମ୍ ।
ଯଦ୍ଗତ୍ଵା ନ ନିଵର୍ତନ୍ତେ ତନ୍ମଯୋ ଭଵ ସର୍ଵଦା ॥ ୩୬॥
ଯଦ୍ ଜ୍ଞାତ୍ଵା ମୁଚ୍ଯତେ ସର୍ଵଂ ଯଦ୍ ଜ୍ଞାତ୍ଵାଽନ୍ଯନ୍ନ ଵିଦ୍ଯତେ ।
ଯଦ୍ ଜ୍ଞାତ୍ଵା ନାନ୍ଯଵିଜ୍ଞାନଂ ତନ୍ମଯୋ ଭଵ ସର୍ଵଦା ॥ ୩୭॥
ଯତ୍ରୈଵ ଦୋଷଂ ନୋତ୍ପନ୍ନଂ ଯତ୍ରୈଵ ସ୍ଥାନନିଶ୍ଚଲଃ ।
ଯତ୍ରୈଵ ଜୀଵସଙ୍ଘାତଃ ତନ୍ମଯୋ ଭଵ ସର୍ଵଦା ॥ ୩୮॥
ଯତ୍ରୈଵ ନିତ୍ଯତୃପ୍ତାତ୍ମା ଯତ୍ରୈଵାନନ୍ଦନିଶ୍ଚଲମ୍ ।
ଯତ୍ରୈଵ ନିଶ୍ଚଲଂ ଶାନ୍ତଂ ତନ୍ମଯୋ ଭଵ ସର୍ଵଦା ॥ ୩୯॥
ଯତ୍ରୈଵ ସର୍ଵସୌଖ୍ଯଂ ଵା ଯତ୍ରୈଵ ସନ୍ନିରୂପଣମ୍ ।
ଯତ୍ରୈଵ ନିଶ୍ଚଯାକାରଂ ତନ୍ମଯୋ ଭଵ ସର୍ଵଦା ॥ ୪୦॥
ନ ଯତ୍ରାହଂ ନ ଯତ୍ର ତ୍ଵଂ ନ ଯତ୍ର ତ୍ଵଂ ସ୍ଵଯଂ ସ୍ଵଯମ୍ ।
ଯତ୍ରୈଵ ନିଶ୍ଚଯଂ ଶାନ୍ତଂ ତନ୍ମଯୋ ଭଵ ସର୍ଵଦା ॥ ୪୧॥
ଯତ୍ରୈଵ ମୋଦତେ ନିତ୍ଯଂ ଯତ୍ରୈଵ ସୁଖମେଧତେ ।
ଯତ୍ର ଦୁଃଖଭଯଂ ନାସ୍ତି ତନ୍ମଯୋ ଭଵ ସର୍ଵଦା ॥ ୪୨॥
ଯତ୍ରୈଵ ଚିନ୍ମଯାକାରଂ ଯତ୍ରୈଵାନନ୍ଦସାଗରଃ ।
ଯତ୍ରୈଵ ପରମଂ ସାକ୍ଷାତ୍ ତନ୍ମଯୋ ଭଵ ସର୍ଵଦା ॥ ୪୩॥
ଯତ୍ରୈଵ ସ୍ଵଯମେଵାତ୍ର ସ୍ଵଯମେଵ ତଦେଵ ହି ।
ସ୍ଵସ୍ଵାତ୍ମନୋକ୍ତଭେଦୋଽସ୍ତି ତନ୍ମଯୋ ଭଵ ସର୍ଵଦା ॥ ୪୪॥
ଯତ୍ରୈଵ ପରମାନନ୍ଦଂ ସ୍ଵଯମେଵ ସୁଖଂ ପରମ୍ ।
ଯତ୍ରୈଵାଭେଦକଲନଂ ତନ୍ମଯୋ ଭଵ ସର୍ଵଦା ॥ ୪୫॥
ନ ଯତ୍ର ଚାଣୁମାତ୍ରଂ ଵା ନ ଯତ୍ର ମନସୋ ମଲମ୍ ।
ନ ଯତ୍ର ଚ ଦଦାମ୍ଯେଵ ତନ୍ମଯୋ ଭଵ ସର୍ଵଦା ॥ ୪୬॥
ଯତ୍ର ଚିତ୍ତଂ ମୃତଂ ଦେହଂ ମନୋ ମରଣମାତ୍ମନଃ ।
ଯତ୍ର ସ୍ମୃତିର୍ଲଯଂ ଯାତି ତନ୍ମଯୋ ଭଵ ସର୍ଵଦା ॥ ୪୭॥
ଯତ୍ରୈଵାହଂ ମୃତୋ ନୂନଂ ଯତ୍ର କାମୋ ଲଯଂ ଗତଃ ।
ଯତ୍ରୈଵ ପରମାନନ୍ଦଂ ତନ୍ମଯୋ ଭଵ ସର୍ଵଦା ॥ ୪୮॥
ଯତ୍ର ଦେଵାସ୍ତ୍ରଯୋ ଲୀନଂ ଯତ୍ର ଦେହାଦଯୋ ମୃତାଃ ।
ନ ଯତ୍ର ଵ୍ଯଵହାରୋଽସ୍ତି ତନ୍ମଯୋ ଭଵ ସର୍ଵଦା ॥ ୪୯॥
ଯତ୍ର ମଗ୍ନୋ ନିରାଯାସୋ ଯତ୍ର ମଗ୍ନୋ ନ ପଶ୍ଯତି ।
ଯତ୍ର ମଗ୍ନୋ ନ ଜନ୍ମାଦିସ୍ତନ୍ମଯୋ ଭଵ ସର୍ଵଦା ॥ ୫୦॥
ଯତ୍ର ମଗ୍ନୋ ନ ଚାଭାତି ଯତ୍ର ଜାଗ୍ରନ୍ନ ଵିଦ୍ଯତେ ।
ଯତ୍ରୈଵ ମୋହମରଣଂ ତନ୍ମଯୋ ଭଵ ସର୍ଵଦା ॥ ୫୧॥
ଯତ୍ରୈଵ କାଲମରଣଂ ଯତ୍ର ଯୋଗୋ ଲଯଂ ଗତଃ ।
ଯତ୍ର ସତ୍ସଙ୍ଗତିର୍ନଷ୍ଟା ତନ୍ମଯୋ ଭଵ ସର୍ଵଦା ॥ ୫୨॥
ଯତ୍ରୈଵ ବ୍ରହ୍ମଣୋ ରୂପଂ ଯତ୍ରୈଵାନନ୍ଦମାତ୍ରକମ୍ ।
ଯତ୍ରୈଵ ପରମାନନ୍ଦଂ ତନ୍ମଯୋ ଭଵ ସର୍ଵଦା ॥ ୫୩॥
ଯତ୍ର ଵିଶ୍ଵଂ କ୍ଵଚିନ୍ନାସ୍ତି ଯତ୍ର ନାସ୍ତି ତତୋ ଜଗତ୍ ।
ଯତ୍ରାନ୍ତଃକରଣଂ ନାସ୍ତି ତନ୍ମଯୋ ଭଵ ସର୍ଵଦା ॥ ୫୪॥
ଯତ୍ରୈଵ ସୁଖମାତ୍ରଂ ଚ ଯତ୍ରୈଵାନନ୍ଦମାତ୍ରକମ୍ ।
ଯତ୍ରୈଵ ପରମାନନ୍ଦଂ ତନ୍ମଯୋ ଭଵ ସର୍ଵଦା ॥ ୫୫॥
ଯତ୍ର ସନ୍ମାତ୍ରଚୈତନ୍ଯଂ ଯତ୍ର ଚିନ୍ମାତ୍ରମାତ୍ରକମ୍ ।
ଯତ୍ରାନନ୍ଦମଯଂ ଭାତି ତନ୍ମଯୋ ଭଵ ସର୍ଵଦା ॥ ୫୬॥
ଯତ୍ର ସାକ୍ଷାତ୍ ପରଂ ବ୍ରହ୍ମ ଯତ୍ର ସାକ୍ଷାତ୍ ସ୍ଵଯଂ ପରମ୍ ।
ଯତ୍ର ଶାନ୍ତଂ ପରଂ ଲକ୍ଷ୍ଯଂ ତନ୍ମଯୋ ଭଵ ସର୍ଵଦା ॥ ୫୭॥
ଯତ୍ର ସାକ୍ଷାଦଖଣ୍ଡାର୍ଥଂ ଯତ୍ର ସାକ୍ଷାତ୍ ପରାଯଣମ୍ ।
ଯତ୍ର ନାଶାଦିକଂ ନାସ୍ତି ତନ୍ମଯୋ ଭଵ ସର୍ଵଦା ॥ ୫୮॥
ଯତ୍ର ସାକ୍ଷାତ୍ ସ୍ଵଯଂ ମାତ୍ରଂ ଯତ୍ର ସାକ୍ଷାତ୍ସ୍ଵଯଂ ଜଯମ୍ ।
ଯତ୍ର ସାକ୍ଷାନ୍ମହାନାତ୍ମା ତନ୍ମଯୋ ଭଵ ସର୍ଵଦା ॥ ୫୯॥
ଯତ୍ର ସାକ୍ଷାତ୍ ପରଂ ତତ୍ତ୍ଵଂ ଯତ୍ର ସାକ୍ଷାତ୍ ସ୍ଵଯଂ ମହତ୍ ।
ଯତ୍ର ସାକ୍ଷାତ୍ତୁ ଵିଜ୍ଞାନଂ ତନ୍ମଯୋ ଭଵ ସର୍ଵଦା ॥ ୬୦॥
ଯତ୍ର ସାକ୍ଷାଦ୍ଗୁଣାତୀତଂ ଯତ୍ର ସାକ୍ଷାଦ୍ଧି ନିର୍ମଲମ୍ ।
ଯତ୍ର ସାକ୍ଷାତ୍ ସଦାଶୁଦ୍ଧଂ ତନ୍ମଯୋ ଭଵ ସର୍ଵଦା ॥ ୬୧॥
ଯତ୍ର ସାକ୍ଷାନ୍ମହାନାତ୍ମା ଯତ୍ର ସାକ୍ଷାତ୍ ସୁଖାତ୍ ସୁଖମ୍ ।
ଯତ୍ରୈଵ ଜ୍ଞାନଵିଜ୍ଞାନଂ ତନ୍ମଯୋ ଭଵ ସର୍ଵଦା ॥ ୬୨॥
ଯତ୍ରୈଵ ହି ସ୍ଵଯଂ ଜ୍ଯୋତିର୍ଯତ୍ରୈଵ ସ୍ଵଯମଦ୍ଵଯମ୍ ।
ଯତ୍ରୈଵ ପରମାନନ୍ଦଂ ତନ୍ମଯୋ ଭଵ ସର୍ଵଦା ॥ ୬୩॥
ଏଵଂ ତନ୍ମଯଭାଵୋକ୍ତଂ ଏଵଂ ନିତ୍ଯଶନିତ୍ଯଶଃ ।
ବ୍ରହ୍ମାହଂ ସଚ୍ଚିଦାନନ୍ଦଂ ଅଖଣ୍ଡୋଽହଂ ସଦା ସୁଖମ୍ ॥ ୬୪॥
ଵିଜ୍ଞାନଂ ବ୍ରହ୍ମମାତ୍ରୋଽହଂ ସ ଶାନ୍ତଂ ପରମୋଽସ୍ମ୍ଯହମ୍ ।
ଚିଦହଂ ଚିତ୍ତହୀନୋଽହଂ ନାହଂ ସୋଽହଂ ଭଵାମ୍ଯହମ୍ ॥ ୬୫॥
ତଦହଂ ଚିଦହଂ ସୋଽହଂ ନିର୍ମଲୋଽହମହଂ ପରମ୍ ।
ପରୋଽହଂ ପରମୋଽହଂ ଵୈ ସର୍ଵଂ ତ୍ଯଜ୍ଯ ସୁଖୀଭଵ ॥ ୬୬॥
ଇଦଂ ସର୍ଵଂ ଚିତ୍ତଶେଷଂ ଶୁଦ୍ଧତ୍ଵକମଲୀକୃତମ୍ ।
ଏଵଂ ସର୍ଵଂ ପରିତ୍ଯଜ୍ଯ ଵିସ୍ମୃତ୍ଵା ଶୁଦ୍ଧକାଷ୍ଠଵତ୍ ॥ ୬୭॥
ପ୍ରେତଵଦ୍ଦେହଂ ସଂତ୍ଯଜ୍ଯ କାଷ୍ଠଵଲ୍ଲୋଷ୍ଠଵତ୍ ସଦା ।
ସ୍ମରଣଂ ଚ ପରିତ୍ଯଜ୍ଯ ବ୍ରହ୍ମମାତ୍ରପରୋ ଭଵ ॥ ୬୮॥
ଏତତ୍ ପ୍ରକରଣଂ ଯସ୍ତୁ ଶୃଣୋତି ସକୃଦସ୍ତି ଵା ।
ମହାପାତକଯୁକ୍ତୋଽପି ସର୍ଵଂ ତ୍ଯକ୍ତ୍ଵା ପରଂ ଗତଃ ॥ ୬୯॥
ଅଙ୍ଗାଵବଦ୍ଧାଭିରୁପାସନାଭି-
ର୍ଵଦନ୍ତି ଵେଦାଃ କିଲ ତ୍ଵାମସଙ୍ଗମ୍ ।
ସମସ୍ତହୃତ୍କୋଶଵିଶେଷସଙ୍ଗଂ
ଭୂମାନମାତ୍ମାନମଖଣ୍ଡରୂପମ୍ ॥ ୭୦॥

॥ ଇତି ଶ୍ରୀଶିଵରହସ୍ଯେ ଶଙ୍କରାଖ୍ଯେ ଷଷ୍ଠାଂଶେ ଋଭୁନିଦାଘସଂଵାଦେ ତନ୍ମଯଭାଵୋପଦେଶପ୍ରକରଣଂ ନାମ ଏକୋନତ୍ରିଂଶୋଽଧ୍ଯାଯଃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com