RbhugItA 13 || sarvam-Atma-prakaraNam ||

RbhuH -

• zRNuSva durlabhaM loke sArAt sArataraM param |
• AtmarUpamidaM sarvamAtmano'nyanna kiJcana || 1||
• sarvamAtmAsti paramA paramAtmA parAtmakaH |
• nityAnandasvarUpAtmA hyAtmano'nyanna kiJcana || 2||
• pUrNarUpo mahAnAtmA pUtAtmA zAzvatAtmakaH |
• nirvikArasvarUpAtmA nirmalAtmA nirAtmakaH || 3||
• zAntAzAntasvarUpAtmA hyAtmano'nyanna kiJcana |
• jIvAtmA paramAtmA hi cittAcittAtmacinmayaH |
• ekAtmA ekarUpAtmA naikAtmAtmavivarjitaH || 4||
• muktAmuktasvarUpAtmA muktAmuktavivarjitaH |
• mokSarUpasvarUpAtmA hyAtmano'nyanna kiJcana || 5||
• dvaitAdvaitasvarUpAtmA dvaitAdvaitavivarjitaH |
• sarvavarjitasarvAtmA hyAtmano'nyanna kiJcana || 6||
• mudAmudasvarUpAtmA mokSAtmA devatAtmakaH |
• saGkalpahInasArAtmA hyAtmano'nyanna kiJcana || 7||
• niSkalAtmA nirmalAtmA buddhyAtmA puruSAtmakaH |
• AnandAtmA hyajAtmA ca hyAtmano'nyanna kiJcana || 8||
• agaNyAtmA gaNAtmA ca amRtAtmAmRtAntaraH |
• bhUtabhavyabhaviSyAtmA hyAtmano'nyanna kiJcana || 9||
• akhilAtmA'numanyAtmA mAnAtmA bhAvabhAvanaH |
• turyarUpaprasannAtmA Atmano'nyanna kiJcana || 10||
• nityaM pratyakSarUpAtmA nityapratyakSanirNayaH |
• anyahInasvabhAvAtmA Atmano'nyanna kiJcana || 11||
• asaddhInasvabhAvAtmA anyahInaH svayaM prabhuH |
• vidyAvidyAnyazuddhAtmA mAnAmAnavihInakaH || 12||
• nityAnityavihInAtmA ihAmutraphalAntaraH |
• zamAdiSaTkazUnyAtmA hyAtmano'nyanna kiJcana || 13||
• mumukSutvaM ca hInAtmA zabdAtmA damanAtmakaH |
• nityoparatarUpAtmA hyAtmano'nyanna kiJcana || 14||
• sarvakAlatitikSAtmA samAdhAnAtmani sthitaH |
• zuddhAtmA svAtmani svAtmA hyAtmano'nyanna kiJcana || 15||
• annakozavihInAtmA prANakozavivarjitaH |
• manaHkozavihInAtmA hyAtmano'nyanna kiJcana || 16||
• vijJAnakozahInAtmA AnandAdivivarjitaH |
• paJcakozavihInAtmA hyAtmano'nyanna kiJcana || 17||
• nirvikalpasvarUpAtmA savikalpavivarjitaH |
• zabdAnuviddhahInAtmA hyAtmano'nyanna kiJcana || 18||var was zabdAnuvidhyahInAtmA
• sthUladehavihInAtmA sUkSmadehavivarjitaH |
• kAraNAdivihInAtmA hyAtmano'nyanna kiJcana || 19||
• dRzyAnuviddhazUnyAtmA hyAdimadhyAntavarjitaH |
• zAntA samAdhizUnyAtmA hyAtmano'nyanna kiJcana || 20||
• prajJAnavAkyahInAtmA ahaM brahmAsmivarjitaH |
• tattvamasyAdivAkyAtmA hyAtmano'nyanna kiJcana || 21||
• ayamAtmetyabhAvAtmA sarvAtmA vAkyavarjitaH |
• oMkArAtmA guNAtmA ca hyAtmano'nyanna kiJcana || 22||
• jAgraddhInasvarUpAtmA svapnAvasthAvivarjitaH |
• AnandarUpapUrNAtmA hyAtmano'nyanna kiJcana || 23||
• bhUtAtmA ca bhaviSyAtmA hyakSarAtmA cidAtmakaH |
• anAdimadhyarUpAtmA hyAtmano'nyanna kiJcana || 24||
• sarvasaGkalpahInAtmA svacchacinmAtramakSayaH |
• jJAtRjJeyAdihInAtmA hyAtmano'nyanna kiJcana || 25||
• ekAtmA ekahInAtmA dvaitAdvaitavivarjitaH |
• svayamAtmA svabhAvAtmA hyAtmano'nyanna kiJcana || 26||
• turyAtmA nityamAtmA ca yatkiJcididamAtmakaH |
• bhAnAtmA mAnahInAtmA hyAtmano'nyanna kiJcana || 27||var was mAnAtmA
• vAcAvadhiranekAtmA vAcyAnandAtmanandakaH |
• sarvahInAtmasarvAtmA hyAtmano'nyanna kiJcana || 28||
• AtmAnameva vIkSasva AtmAnaM bhAvaya svakam |
• svasvAtmAnaM svayaM bhuMkSva hyAtmano'nyanna kiJcana || 29||
• svAtmAnameva santuSya AtmAnaM svayameva hi |
• svasvAtmAnaM svayaM pazyet svamAtmAnaM svayaM zrutam || 30||
• svamAtmani svayaM tRptaH svamAtmAnaM svayaMbharaH |
• svamAtmAnaM svayaM bhasma hyAtmano'nyanna kiJcana || 31||
• svamAtmAnaM svayaM modaM svamAtmAnaM svayaM priyam |
• svamAtmAnameva mantavyaM hyAtmano'nyanna kiJcana || 32||
• AtmAnameva zrotavyaM AtmAnaM zravaNaM bhava |
• AtmAnaM kAmayennityam AtmAnaM nityamarcaya || 33||
• AtmAnaM zlAghayennityamAtmAnaM paripAlaya |
• AtmAnaM kAmayennityam Atmano'nyanna kiJcana || 34||
• AtmaiveyamiyaM bhUmiH AtmaivedamidaM jalam |
• AtmaivedamidaM jyotirAtmano'nyanna kiJcana || 35||
• AtmaivAyamayaM vAyurAtmaivedamidam viyat |
• AtmaivAyamahaGkAraH Atmano'nyanna kiJcana || 36||
• AtmaivedamidaM cittaM AtmaivedamidaM manaH |
• AtmaiveyamiyaM buddhirAtmano'nyanna kiJcana || 37||
• AtmaivAyamayaM dehaH AtmaivAyamayaM guNaH |
• AtmaivedamidaM tattvam Atmano'nyanna kiJcana || 38||
• AtmaivAyamayaM mantraH AtmaivAyamayaM japaH |
• AtmaivAyamayaM lokaH Atmano'nyanna kiJcana || 39||
• AtmaivAyamayaM zabdaH AtmaivAyamayaM rasaH |
• AtmaivAyamayaM sparzaH Atmano'nyanna kiJcana || 40||
• AtmaivAyamayaM gandhaH AtmaivAyamayaM zamaH |
• AtmaivedamidaM duHkhaM AtmaivedamidaM sukham || 41||
• AtmIyamevedaM jagat AtmIyaH svapna eva hi |
• suSuptaM cApyathAtmIyaM Atmano'nyanna kiJcana || 42||
• Atmaiva kAryamAtmaiva prAyo hyAtmaivamadvayam |
• AtmIyamevamadvaitaM Atmano'nyanna kiJcana || 43||
• AtmIyamevAyaM ko'pi AtmaivedamidaM kvacit |
• AtmaivAyamayaM lokaH Atmano'nyanna kiJcana || 44||
• AtmaivedamidaM dRzyaM AtmaivAyamayaM janaH |
• AtmaivedamidaM sarvaM Atmano'nyanna kiJcana || 45||
• AtmaivAyamayaM zaMbhuH AtmaivedamidaM jagat |
• AtmaivAyamayaM brahmA Atmano'nyanna kiJcana || 46||
• AtmaivAyamayaM sUrya AtmaivedamidaM jaDam |
• AtmaivedamidaM dhyAnam Atmaivedamidam phalam || 47||
• AtmaivAyamayaM yogaH sarvamAtmamayaM jagat |
• sarvamAtmamayaM bhUtaM Atmano'nyanna kiJcana || 48||
• sarvamAtmamayaM bhAvi sarvamAtmamayaM guruH |
• sarvamAtmamayaM ziSya Atmano'nyanna kiJcana || 49||
• sarvamAtmamayaM devaH sarvamAtmamayaM phalam |
• sarvamAtmamayaM lakSyaM Atmano'nyanna kiJcana || 50||
• sarvamAtmamayaM tIrthaM sarvamAtmamayaM svayam |
• sarvamAtmamayaM mokSaM Atmano'nyanna kiJcana || 51||
• sarvamAtmamayaM kAmaM sarvamAtmamayaM kriyA |
• sarvamAtmamayaM krodhaH Atmano'nyanna kiJcana || 52||
• sarvamAtmamayaM vidyA sarvamAtmamayaM dizaH |
• sarvamAtmamayaM lobhaH Atmano'nyanna kiJcana || 53||
• sarvamAtmamayaM mohaH sarvamAtmamayaM bhayam |
• sarvamAtmamayaM cintA Atmano'nyanna kiJcana || 54||
• sarvamAtmamayaM dhairyaM sarvamAtmamayaM dhruvam |
• sarvamAtmamayaM satyaM Atmano'nyanna kiJcana || 55||
• sarvamAtmamayaM bodhaM sarvamAtmamayaM dRDham |
• sarvamAtmamayaM meyaM Atmano'nyanna kiJcana || 56||
• sarvamAtmamayaM guhyaM sarvamAtmamayaM zubham |
• sarvamAtmamayaM zuddhaM Atmano'nyanna kiJcana || 57||
• sarvamAtmamayaM sarvaM satyamAtmA sadAtmakaH |
• pUrNamAtmA kSayaM cAtmA paramAtmA parAtparaH || 58||
• ito'pyAtmA tato'pyAtmA hyAtmaivAtmA tatastataH |
• sarvamAtmamayaM satyaM Atmano'nyanna kiJcana || 59||
• sarvamAtmasvarUpaM hi dRzyAdRzyaM carAcaram |
• sarvamAtmamayaM zrutvA muktimApnoti mAnavaH || 60||
• svatantrazaktirbhagavAnumAdhavo
• vicitrakAyAtmakajAgratasya |
• sukAraNaM kAryaparaMparAbhiH
• sa eva mAyAvitato'vyayAtmA || 61||

• || iti zrIzivarahasye zaGkarAkhye SaSThAMze RbhunidAghasaMvAde sarvamAtmaprakaraNaM nAma trayodazo'dhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com