RbhugItA 33 || saccidAnanda rUpatA prakaraNam ||

RbhuH -

• vakSye paraM brahmamAtramanutpannamidaM jagat |
• satpadAnandamAtro'hamanutpannamidaM jagat || 1||
• AtmaivAhaM paraM brahma nAnyat saMsAradRSTayaH |
• satpadAnandamAtro'hamanutpannamidaM jagat || 2||
• satpadAnandamAtro'haM citpadAnandavigraham |
• ahamevAhamevaikamahameva parAt paraH || 3||
• saccidAnadamevaikamahaM brahmaiva kevalam |
• ahamasmi sadA bhAmi evaM rUpaM kuto'pyasat || 4||
• tvamityevaM paraM brahma cinmayAnandarUpavAn |
• cidAkAraM cidAkAzaM cideva paramaM sukham || 5||
• AtmaivAhamasannAhaM kUTastho'haM guruH paraH |
• kAlaM nAsti jagannAsti kalmaSatvAnubhAvanam || 6||
• ahameva paraM brahma ahameva sadA zivaH |
• zuddhacaitanya evAhaM zuddhasatvAnubhAvanaH || 7||
• advayAnandamAtro'hamavyayo'haM mahAnaham |
• sarvaM brahmaiva satataM sarvaM brahmaiva nirmalaH || 8||
• sarvaM brahmaiva nAnyo'sti sarvaM brahmaiva cetanaH |
• sarvaprakAzarUpo'haM sarvapriyamano hyaham || 9||
• ekAntaikaprakAzo'haM siddhAsiddhavivarjitaH |
• sarvAntaryAmirUpo'haM sarvasAkSitvalakSaNam || 10||
• zamo vicArasantoSarUpo'hamiti nizcayaH |
• paramAtmA paraM jyotiH paraM paravivarjitaH || 11||
• paripUrNasvarUpo'haM paramAtmA'hamacyutaH |
• sarvavedasvarUpo'haM sarvazAstrasya nirNayaH || 12||
• lokAnandasvarUpo'haM mukhyAnandasya nirNayaH |
• sarvaM brahmaiva bhUrnAsti sarvaM brahmaiva kAraNam || 13||
• sarvaM brahmaiva nAkAryaM sarvaM brahma svayaM varaH |
• nityAkSaro'haM nityo'haM sarvakalyANakArakam || 14||
• satyajJAnaprakAzo'haM mukhyavijJAnavigrahaH |
• turyAturyaprakAzo'haM siddhAsiddhAdivarjitaH || 15||
• sarvaM brahmaiva satataM sarvaM brahma nirantaram |
• sarvaM brahma cidAkAzaM nityabrahma niraJjanam || 16||
• sarvaM brahma guNAtItaM sarvaM brahmaiva kevalam |
• sarvaM brahmaiva ityevaM nizcayaM kuru sarvadA || 17||
• brahmaiva sarvamityevaM sarvadA dRDhanizcayaH |
• sarvaM brahmaiva ityevaM nizcayitvA sukhI bhava || 18||
• sarvaM brahmaiva satataM bhAvAbhAvau cideva hi |
• dvaitAdvaitavivAdo'yaM nAsti nAsti na saMzayaH || 19||
• sarvavijJAnamAtro'haM sarvaM brahmeti nizcayaH |
• guhyAdguhyataraM so'haM guNAtIto'hamadvayaH || 20||
• anvayavyatirekaM ca kAryAkAryaM vizodhaya |
• saccidAnandarUpo'hamanutpannamidaM jagat || 21||
• brahmaiva sarvamevedaM cidAkAzamidaM jagat |
• brahmaiva paramAnandaM AkAzasadRzaM vibhu || 22||
• brahmaiva saccidAnandaM sadA vAcAmagocaram |
• brahmaiva sarvamevedamasti nAstIti kecana || 23||
• AnandabhAvanA kiJcit sadasanmAtra eva hi |
• brahmaiva sarvamevedaM sadA sanmAtrameva hi || 24||
• brahmaiva sarvamevadaM cidghanAnandavigraham |
• brahmaiva sacca satyaM ca sanAtanamahaM mahat || 25||
• brahmaiva saccidAnandaM otaproteva tiSThati |
• brahmaiva saccidAnandaM sarvAkAraM sanAtanam || 26||
• brahmaiva saccidAnandaM paramAnadamavyayam |
• brahmaiva saccidAnandaM mAyAtItaM niraJjanam || 27||
• brahmaiva saccidAnandaM sattAmAtraM sukhAt sukham |
• brahmaiva saccidAnandaM cinmAtraikasvarUpakam || 28||
• brahmaiva saccidAnandaM sarvabhedavivarjitam |
• saccidAnandaM brahmaiva nAnAkAramiva sthitam || 29||
• brahmaiva saccidAnandaM kartA cAvasaro'sti hi |
• saccidAnadaM brahmaiva paraM jyotiH svarUpakam || 30||
• brahmaiva saccidAnandaM nityanizcalamavyayam |
• brahmaiva saccidAnandaM vAcAvadhirasAvayam || 31||
• brahmaiva saccidAnandaM svayameva svayaM sadA |
• brahmaiva saccidAnandaM na karoti na tiSThati || 32||
• brahmaiva saccidAnandaM na gacchati na tiSThati |
• brahmaiva saccidAnandaM brahmaNo'nyanna kiJcana || 33||
• brahmaiva saccidAnandaM na zuklaM na ca kRSNakam |
• brahmaiva saccidAnandaM sarvAdhiSThAnamavyayam || 34||
• brahmaiva saccidAnandaM na tUSNIM na vibhASaNam |
• brahmaiva saccidAnandaM sattvaM nAhaM na kiJcana || 35||
• brahmaiva saccidAnandaM parAtparamanudbhavam |
• brahmaiva saccidAnandaM tattvAtItaM mahotsavam || 36||
• brahmaiva saccidAnandaM paramAkAzamAtatam |
• brahmaiva saccidAnandaM sarvadA gururUpakam || 37||
• brahmaiva saccidAnandaM sadA nirmalavigraham |
• brahmaiva saccidAnandaM zuddhacaitanyamAtatam || 38||
• brahmaiva saccidAnandaM svaprakAzAtmarUpakam |
• brahmaiva saccidAnandaM nizcayaM cAtmakAraNam || 39||
• brahmaiva saccidAnandaM svayameva prakAzate |
• brahmaiva saccidAnandaM nAnAkAra iti sthitam || 40||
• brahmaiva saccidAkAraM bhrAntAdhiSThAnarUpakam |
• brahmaiva saccidAnandaM sarvaM nAsti na me sthitam || 41||
• vAcAmagocaraM brahma saccidAnadavigraham |
• saccidAnandarUpo'hamanutpannamidam jagat || 42||
• brahmaivedaM sadA satyaM nityamuktaM niraJjanam |
• saccidAnandaM brahmaiva ekameva sadA sukham || 43||
• saccidAnandaM brahmaiva pUrNAt pUrNataraM mahat |
• saccidAnandaM brahmaiva sarvavyApakamIzvaram || 44||
• saccidAnandaM brahmaiva nAmarUpaprabhAsvaram |
• saccidAnandaM brahmaiva anantAnandanirmalam || 45||
• saccidAnandaM brahmaiva paramAnandadAyakam |
• saccidAnandaM brahmaiva sanmAtraM sadasatparam || 46||
• saccidAnandaM brahmaiva sarveSAM paramavyayam |
• saccidAnandaM brahmaiva mokSarUpaM zubhAzubham || 47||
• saccidAnandaM brahmaiva paricchinnaM na hi kvacit |
• brahmaiva sarvamevedaM zuddhabuddhamalepakam || 48||
• saccidAnandarUpo'hamanutpannamidaM jagat |
• etat prakaraNaM satyaM sadyomuktipradAyakam || 49||
• sarvaduHkhakSayakaraM sarvavijJAnadAyakam |
• nityAnandakaraM satyaM zAntidAntipradAyakam || 50||
• yastvantakAntakamahezvarapAdapadma-
• lolambasaprabhahRdA parizIlakazca |
• vRndAravRndavinatAmaladivyapAdo
• bhAvo bhavodbhavakRpAvazato bhavecca || 51||

• || iti zrIzivarahasye zaGkarAkhye SaSThAMze RbhunidAghasaMvAde saccidAnandarUpatAprakaraNaM nAma trayastriMzo'dhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com