RbhugItA 9 || ahaM-brahmAsmi prakaraNa nirUpaNam ||

nidAghaH -

• kutra vA bhavatA snAnaM kriyate nitarAM guro |
• snAnamantraM snAnakAlaM tarpaNaM ca vadasva me || 1||

RbhuH -

• AtmasnAnaM mahAsnAnaM nityasnAnaM na cAnyataH |
• idameva mahAsnAnaM ahaM brahmAsmi nizcayaH || 2||
• parabrahmasvarUpo'haM paramAnandamasmyaham |
• idameva mahAsnAnaM ahaM brahmeti nizcayaH || 3||
• kevalaM jJAnarUpo'haM kevalaM paramo'smyaham |
• kevalaM zAntarUpo'haM kevalaM nirmalo'smyaham || 4||
• kevalaM nityarUpo'haM kevalaM zAzvato'smyaham |
• idameva paraM brahma ahaM brahmAsmi kevalam || 5||
• kevalaM sarvarUpo'haM ahaMtyakto'hamasmyaham |
• idameva paraM brahma ahaM brahmAsmi kevalam || 6||
• sarvahInasvarUpo'haM cidAkAzo'hamasmyaham |
• idameva paraM brahma ahaM brahmAsmi kevalam || 7||
• kevalaM turyarUpo'smi turyAtIto'smi kevalam |
• idameva paraM brahma ahaM brahmAsmi kevalam || 8||
• sadA caitanyarUpo'smi saccidAnandamasmyaham |
• idameva paraM brahma ahaM brahmAsmi kevalam || 9||
• kevalAkArarUpo'smi zuddharUpo'smyahaM sadA |
• idameva paraM brahma ahaM brahmAsmi kevalam || 10||
• kevalaM jJAnazuddho'smi kevalo'smi priyo'smyaham |
• idameva paraM brahma ahaM brahmAsmi kevalam || 11||
• kevalaM nirvikalpo'smi svasvarUpo'hamasmi ha |
• idameva paraM brahma ahaM brahmAsmi kevalam || 12||
• sadA satsaGgarUpo'smi sarvadA paramo'smyaham |
• idameva paraM brahma ahaM brahmAsmi kevalam || 13||
• sadA hyekasvarUpo'smi sadA'nanyo'smyahaM sukham |
• idameva paraM brahma ahaM brahmAsmi kevalam || 14||
• aparicchinnarUpo'ham anantAnandamasmyaham |
• idameva paraM brahma ahaM brahmAsmi kevalam || 15||
• satyAnandasvarUpo'haM citparAnandamasmyaham |
• idameva paraM brahma ahaM brahmAsmi kevalam || 16||
• anantAnandarUpo'hamavAGmAnasagocaraH |
• idameva paraM brahma ahaM brahmAsmi kevalam || 17||
• brahmAnadasvarUpo'haM satyAnando'smyahaM sadA |
• idameva paraM brahma ahaM brahmAsmi kevalam || 18||
• AtmamAtrasvarUpo'smi AtmAnandamayo'smyaham |
• idameva paraM brahma ahaM brahmAsmi kevalam || 19||
• AtmaprakAzarUpo'smi Atmajyotiraso'smyaham |
• idameva paraM brahma ahaM brahmAsmi kevalam || 20||
• AdimadhyAntahIno'smi AkAzasadRzo'smyaham |
• idameva paraM brahma ahaM brahmAsmi kevalam || 21||
• nityasattAsvarUpo'smi nityamukto'smyahaM sadA |
• idameva paraM brahma ahaM brahmAsmi kevalam || 22||
• nityasaMpUrNarUpo'smi nityaM nirmanaso'smyaham |
• idameva paraM brahma ahaM brahmAsmi kevalam || 23||
• nityasattAsvarUpo'smi nityamukto'smyahaM sadA |
• idameva paraM brahma ahaM brahmAsmi kevalam || 24||
• nityazabdasvarUpo'smi sarvAtIto'smyahaM sadA |
• idameva paraM brahma ahaM brahmAsmi kevalam || 25||
• rUpAtItasvarUpo'smi vyomarUpo'smyahaM sadA |
• idameva paraM brahma ahaM brahmAsmi kevalam || 26||
• bhUtAnandasvarUpo'smi bhASAnando'smyahaM sadA |
• idameva paraM brahma ahaM brahmAsmi kevalam || 27||
• sarvAdhiSThAnarUpo'smi sarvadA cidghano'smyaham |
• idameva paraM brahma ahaM brahmAsmi kevalam || 28||
• dehabhAvavihIno'haM cittahIno'hameva hi |
• idameva paraM brahma ahaM brahmAsmi kevalam || 29||
• dehavRttivihIno'haM mantraivAhamahaM sadA |
• idameva paraM brahma ahaM brahmAsmi kevalam || 30||
• sarvadRzyavihIno'smi dRzyarUpo'hameva hi |
• idameva paraM brahma ahaM brahmAsmi kevalam || 31||
• sarvadA pUrNarUpo'smi nityatRpto'smyahaM sadA |
• idameva paraM brahma ahaM brahmAsmi kevalam || 32||
• idaM brahmaiva sarvasya ahaM caitanyameva hi |
• idameva paraM brahma ahaM brahmAsmi kevalam || 33||
• ahamevAhamevAsmi nAnyat kiJcicca vidyate |
• idameva paraM brahma ahaM brahmAsmi kevalam || 34||
• ahameva mahAnAtmA ahameva parAyaNam |
• idameva paraM brahma ahaM brahmAsmi kevalam || 35||
• ahameva mahAzUnyamityevaM mantramuttamam |
• idameva paraM brahma ahaM brahmAsmi kevalam || 36||
• ahamevAnyavadbhAmi ahameva zarIravat |
• idameva paraM brahma ahaM brahmAsmi kevalam || 37||
• ahaM ca ziSyavadbhAmi ahaM lokatrayAdivat |
• idameva paraM brahma ahaM brahmAsmi kevalam || 38||
• ahaM kAlatrayAtItaH ahaM vedairupAsitaH |
• idameva paraM brahma ahaM brahmAsmi kevalam || 39||
• ahaM zAstreSu nirNIta ahaM citte vyavasthitaH |
• idameva paraM brahma ahaM brahmAsmi kevalam || 40||
• mattyaktaM nAsti kiJcidvA mattyaktaM pRthivI ca yA |
• idameva paraM brahma ahaM brahmAsmi kevalam || 41||
• mayAtiriktaM toyaM vA ityevaM mantramuttamam |
• idameva paraM brahma ahaM brahmAsmi kevalam || 42||
• ahaM brahmAsmi zuddho'smi nityazuddho'smyahaM sadA |
• nirguNo'smi nirIho'smi ityevaM mantramuttamam || 43||
• haribrahmAdirUpo'smi etadbhedo'pi nAsmyaham |
• kevalaM brahmamAtro'smi kevalo'smyajayo'smyaham || 44||
• svayameva svayaMbhAsyaM svayameva hi nAnyataH |
• svayamevAtmani svasthaH ityevaM mantramuttamam || 45||
• svayameva svayaM bhuGkSva svayameva svayaM rame |
• svayameva svayaMjyotiH svayameva svayaM rame || 46||
• svasyAtmani svayaM raMsye svAtmanyevAvalokaye |
• svAtmanyeva sukhenAsi ityevaM mantramuttamam || 47||
• svacaitanye svayaM sthAsye svAtmarAjye sukhaM rame |
• svAtmasiMhAsane tiSThe ityevaM mantramuttamam || 48||
• svAtmamantraM sadA pazyan svAtmajJAnaM sadA'bhyasan |
• ahaM brahmAsmyahaM mantraH svAtmapApaM vinAzayet || 49||
• ahaM brahmAsmyahaM mantro dvaitadoSaM vinAzayet |
• ahaM brahmAsmyahaM mantro bhedaduHkhaM vinAzayet || 50||
• ahaM brahmAsmyahaM mantrazcintArogaM vinAzayet |
• ahaM brahmAsmyahaM mantro buddhivyAdhiM vinAzayet || 51||
• ahaM brahmAsmyahaM mantra AdhivyAdhiM vinAzayet |
• ahaM brahmAsmyahaM mantraH sarvalokaM vinAzayet || 52||
• ahaM brahmAsmyahaM mantraH kAmadoSaM vinAzayet |
• ahaM brahmAsmyahaM mantraH krodhadoSaM vinAzayet || 53||
• ahaM brahmAsmyahaM mantrazcintAdoSaM vinAzayet |
• ahaM brahmAsmyahaM mantraH saGkalpaM ca vinAzayet || 54||
• ahaM brahmAsmyahaM mantraH idaM duHkhaM vinAzayet |
• ahaM brahmAsmyahaM mantraH avivekamalaM dahet || 55||
• ahaM brahmAsmyahaM mantraH ajJAnadhvaMsamAcaret |
• ahaM brahmAsmyahaM mantraH koTidoSaM vinAzayet || 56||
• ahaM brahmAsmyahaM mantraH sarvatantraM vinAzayet |
• ahaM brahmAsmyahaM mantro dehadoSaM vinAzayet || 57||
• ahaM brahmAsmyahaM mantraH dRSTAdRSTaM vinAzayet |
• ahaM brahmAsmyahaM mantra AtmajJAnaprakAzakam || 58||
• ahaM brahmAsmyahaM mantra Atmalokajayapradam |
• ahaM brahmAsmyahaM mantra asatyAdi vinAzakam || 59||
• ahaM brahmAsmyahaM mantraH anyat sarvaM vinAzayet |
• ahaM brahmAsmyahaM mantra apratarkyasukhapradam || 60||
• ahaM brahmAsmyahaM mantraH anAtmajJAnamAharet |
• ahaM brahmAsmyahaM mantro jJAnAnandaM prayacchati || 61||
• saptakoTi mahAmantrA janmakoTizatapradAH |
• sarvamantrAn samutsRjya japamenaM samabhyaset || 62||
• sadyo mokSamavApnoti nAtra sandehamasti me |
• mantraprakaraNe proktaM rahasyaM vedakoTiSu || 63||
• yaH zRNoti sakRdvApi brahmaiva bhavati svayam |
• nityAnandamayaH sa eva paramAnandodayaH zAzvato
• yasmAnnAnyadato'nyadArtamakhilaM tajjaM jagat sarvadaH |
• yo vAcA manasA tathendriyagaNairdeho'pi vedyo na ce-
• dacchedyo bhavavaidya Iza iti yA sA dhIH paraM muktaye || 64||

• || iti zrIzivarahasye zaGkarAkhye SaSThAMze RbhunidAghasaMvAde ahaMbrahmAsmiprakaraNanirUpaNaM nAma navamo'dhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com