RbhugItA 36 || brahma-bhAvanopadeza prakaraNam ||

RbhuH -

• zRNu vakSyAmi viprendra sarvaM brahmaiva nirNayam |
• yasya zravaNamAtreNa sadyo muktimavApnuyAt || 1||
• idameva sadA nAsti hyahameva hi kevalam |
• Atmaiva sarvadA nAsti Atmaiva sukhalakSaNam || 2||
• Atmaiva paramaM tattvamAtmaiva jagatAM gaNaH |
• Atmaiva gaganAkAramAtmaiva ca nirantaram || 3||
• Atmaiva satyaM brahmaiva Atmaiva gurulakSaNam |
• Atmaiva cinmayaM nityamAtmaivAkSaramavyayam || 4||
• Atmaiva siddharUpaM vA AtmaivAtmA na saMzayaH |
• AtmaivajagadAkAraM AtmaivAtmA svayaM svayam || 5||
• Atmaiva zAntikalanamAtmaiva manasA viyat |
• Atmaiva sarvaM yat kiJcidAtmaiva paramaM padam || 6||
• Atmaiva bhuvanAkAramAtmaiva priyamavyayam |
• AtmaivAnyanna ca kvApi AtmaivAnyaM manomayam || 7||
• Atmaiva sarvavijJAnamAtmaiva paramaM dhanam |
• Atmaiva bhUtarUpaM vA Atmaiva bhramaNaM mahat || 8||
• Atmaiva nityazuddhaM vA Atmaiva gururAtmanaH |
• Atmaiva hyAtmanaH ziSya Atmaiva layamAtmani || 9||
• Atmaiva hyAtmano dhyAnamAtmaiva gatirAtmanaH |
• Atmaiva hyAtmano homa Atmaiva hyAtmano japaH || 10||
• Atmaiva tRptirAtmaiva Atmano'nyanna kiJcana |
• Atmaiva hyAtmano mUlamAtmaiva hyAtmano vratam || 11||
• AtmajJAnaM vrataM nityamAtmajJAnaM paraM sukham |
• AtmajJAnaM parAnandamAtmajJAnaM parAyaNam || 12||
• AtmajJAnaM paraM brahma AtmajJAnaM mahAvratam |
• AtmajJAnaM svayaM vedyamAtmajJAnaM mahAdhanam || 13||
• AtmajJAnaM paraM brahma AtmajJAnaM mahat sukham |
• AtmajJAnaM mahAnAtmA AtmajJAnaM janAspadam || 14||
• AtmajJAnaM mahAtIrthamAtmajJAnaM jayapradam |
• AtmajJAnaM paraM brahma AtmajJAnaM carAcaram || 15||
• AtmajJAnaM paraM zAstramAtmajJAnamanUpamam |
• AtmajJAnaM paro yoga AtmajJAnaM parA gatiH || 16||
• AtmajJAnaM paraM brahma ityevaM dRDhanizcayaH |
• AtmajJAnaM manonAzaH AtmajJAnaM paro guruH || 17||
• AtmajJAnaM cittanAzaH AtmajJAnaM vimuktidam |
• AtmajJAnaM bhayanAzamAtmajJAnaM sukhAvaham || 18||
• AtmajJAnaM mahAteja AtmajJAnaM mahAzubham |
• AtmajJAnaM satAM rUpamAtmajJAnaM satAM priyam || 19||
• AtmajJAnaM satAM mokSamAtmajJAnaM vivekajam |
• AtmajJAnaM paro dharma AtmajJAnaM sadA japaH || 20||
• AtmajJAnasya sadRzamAtmavijJAnameva hi |
• AtmajJAnena sadRzaM na bhUtaM na bhaviSyati || 21||
• AtmajJAnaM paro mantra AtmajJAnaM paraM tapaH |
• AtmajJAnaM hariH sAkSAdAtmajJAnaM zivaH paraH || 22||
• AtmajJAnaM paro dhAtA AtmajJAnaM svasaMmatam |
• AtmajJAnaM svayaM puNyamAtmajJAnaM vizodhanam || 23||
• AtmajJAnaM mahAtIrthamAtmajJAnaM zamAdikam |
• AtmajJAnaM priyaM mantramAtmajJAnaM svapAvanam || 24||
• AtmajJAnaM ca kinnAma ahaM brahmeti nizcayaH |
• ahaM brahmeti vizvAsamAtmajJAnaM mahodayam || 25||
• ahaM brahmAsmi nityo'smi siddho'smIti vibhAvanam |
• Anando'haM parAnandaM zuddho'haM nityamavyayaH || 26||
• cidAkAzasvarUpo'smi saccidAnandazAzvatam |
• nirvikAro'smi zAnto'haM sarvato'haM nirantaraH || 27||
• sarvadA sukharUpo'smi sarvadoSavivarjitaH |
• sarvasaGkalpahIno'smi sarvadA svayamasmyaham || 28||
• sarvaM brahmetyanubhavaM vinA zabdaM paTha svayam |
• koTyazvamedhe yat puNyaM kSaNAt tatpuNyamApnuyAt || 29||
• ahaM brahmeti nizcitya merudAnaphalaM labhet |
• brahmaivAhamiti sthitvA sarvabhUdAnamapyaNu || 30||
• brahmaivAhamiti sthitvA koTizo dAnamapyaNu |
• brahmaivAhamiti sthitvA sarvAnandaM tRNAyate || 31||
• brahmaiva sarvamityeva bhAvitasya phalaM svayam |
• brahmaivAhamiti sthitvA samAnaM brahma eva hi || 32||
• tasmAt svapne'pi nityaM ca sarvaM santyajya yatnataH |
• ahaM brahma na sandehaH ahameva gatirmama || 33||
• ahameva sadA nAnyadahameva sadA guruH |
• ahameva paro hyAtmA ahameva na cAparaH || 34||
• ahameva guruH ziSyaH ahameveti nizcinu |
• idamityeva nirdezaH paricchinno jaganna hi || 35||
• na bhUmirna jalaM nAgnirna vAyurna ca khaM tathA |
• sarvaM caitanyamAtratvAt nAnyat kiJcana vidyate || 36||
• ityevaM bhAvanaparo dehamuktaH sukhIbhava |
• ahamAtmA idaM nAsti sarvaM caitanyamAtrataH || 37||
• ahameva hi pUrNAtmA AnandAbdhiranAmayaH |
• idameva sadA nAsti jaDatvAdasadeva hi |
• idaM brahma sadA brahma idaM neti sukhI bhava || 38||
• turaGgazRGgasannibhA zrutiparocanA ...
• vizeSakAmavAsanA vinizcitAtmavRttitaH |
• narAH surA munIzvarA asaGgasaGgamapyumA-
• patiM ... na te bhajanti kecana ... || 39||

• || iti zrIzivarahasye zaGkarAkhye SaSThAMze RbhunidAghasaMvAde brahmabhAvanopadezaprakaraNaM nAma SaT{}triMzo'dhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com