RbhugItA 6 || prapaJcasya saccinmayatva kathanam ||

IzvaraH -

• vratAni mithyA bhuvanAni mithyA
• bhAvAdi mithyA bhavanAni mithyA |
• bhayaM ca mithyA bharaNAdi mithyA
• bhuktaM ca mithyA bahubandhamithyA || 1||
• vedAzca mithyA vacanAni mithyA
• vAkyAni mithyA vividhAni mithyA |
• vittAni mithyA viyadAdi mithyA
• vidhuzca mithyA viSayAdi mithyA || 2||
• guruzca mithyA guNadoSamithyA
• guhyaM ca mithyA gaNanA ca mithyA |
• gatizca mithyA gamanaM ca mithyA
• sarvaM ca mithyA gaditaM ca mithyA || 3||
• vedazAstrapurANaM ca kAryaM kAraNamIzvaraH |
• loko bhUtaM janaM caiva sarvaM mithyA na saMzayaH || 4||
• bandho mokSaH sukhaM duHkhaM dhyAnaM cittaM surAsurAH |
• gauNaM mukhyaM paraM cAnyat sarvaM mithyA na saMzayaH || 5||
• vAcA vadati yatkiJcit sarvaM mithyA na saMzayaH |
• saGkalpAt kalpyate yadyat manasA cintyate ca yat || 6||
• buddhyA nizcIyate kiJcit cittena nIyate kvacit |
• prapaJce paJcate yadyat sarvaM mithyeti nizcayaH || 7||
• zrotreNa zrUyate yadyannetreNa ca nirIkSyate |
• netraM zrotraM gAtrameva sarvaM mithyA na saMzayaH || 8||
• idamityeva nirdiSTamidamityeva kalpitam |
• yadyadvastu parijJAtaM sarvaM mithyA na saMzayaH || 9||
• ko'haM kintadidaM so'haM anyo vAcayate nahi |
• yadyat saMbhAvyate loke sarvaM mithyeti nizcayaH || 10||
• sarvAbhyAsyaM sarvagopyaM sarvakAraNavibhramaH |
• sarvabhUteti vArtA ca mithyeti ca vinizcayaH || 11||
• sarvabhedaprabhedo vA sarvasaMkalpavibhramaH |
• sarvadoSaprabhedazca sarvaM mithyA na saMzayaH || 12||
• rakSako viSNurityAdi brahmasRSTestu kAraNam |
• saMhAre ziva ityevaM sarvaM mithyA na saMzayaH || 13||
• snAnaM japastapo homaH svAdhyAyo devapUjanam |
• mantro gotraM ca satsaGgaH sarvaM mithyA na saMzayaH || 14||
• sarvaM mithyA jaganmithyA bhUtaM bhavyaM bhavattathA |
• nAsti nAsti vibhAvena sarvaM mithyA na saMzayaH || 15||
• cittabhedo jagadbhedaH avidyAyAzca saMbhavaH |
• anekakoTibrahmANDAH sarvaM brahmeti nizcinu || 16||
• lokatrayeSu sadbhAvo guNadoSAdijRMbhaNam |
• sarvadezikavArtoktiH sarvaM brahmeti nizcinu || 17||
• utkRSTaM ca nikRSTaM ca uttamaM madhyamaM ca tat |
• OMkAraM cApyakAraM ca sarvaM brahmeti nizcinu || 18||
• yadyajjagati dRzyeta yadyajjagati vIkSyate |
• yadyajjagati varteta sarvaM brahmeti nizcinu || 19||
• yena kenAkSareNoktaM yena kenApi saGgatam |
• yena kenApi nItaM tat sarvaM brahmeti nizcinu || 20||
• yena kenApi gaditaM yena kenApi moditam |
• yena kenApi ca proktaM sarvaM brahmeti nizcinu || 21||
• yena kenApi yaddattaM yena kenApi yat kRtam |
• yatra kutra jalasnAnaM sarvaM brahmeti nizcinu || 22||
• yatra yatra zubhaM karma yatra yatra ca duSkRtam |
• yadyat karoSi satyena sarvaM mithyeti nizcinu || 23||
• idaM sarvamahaM sarvaM sarvaM brahmeti nizcinu |
• yat kiJcit pratibhAtaM ca sarvaM mithyeti nizcinu || 24||

RbhuH -

• punarvakSye rahasyAnAM rahasyaM paramAdbhutam |
• zaGkareNa kumArAya proktaM kailAsa parvate || 25||
• tanmAtraM sarvacinmAtramakhaNDaikarasaM sadA |
• ekavarjitacinmAtraM sarvaM cinmayameva hi || 26||
• idaM ca sarvaM cinmAtraM sarvaM cinmayameva hi |
• AtmAbhAsaM ca cinmAtraM sarvaM cinmayameva hi || 27||
• sarvalokaM ca cinmAtraM sarvaM cinmayameva hi |
• tvattA mattA ca cinmAtraM cinmAtrAnnAsti kiJcana || 28||
• AkAzo bhUrjalaM vAyuragnirbrahmA hariH zivaH |
• yatkiJcidanyat kiJcicca sarvaM cinmayameva hi || 29||
• akhaNDaikarasaM sarvaM yadyaccinmAtrameva hi |
• bhUtaM bhavyaM ca cinmAtraM sarvaM cinmayameva hi || 30||
• dravyaM kAlazca cinmAtraM jJAnaM cinmayameva ca |
• jJeyaM jJAnaM ca cinmAtraM sarvaM cinmayameva hi || 31||
• saMbhASaNaM ca cinmAtraM vAk ca cinmAtrameva hi |
• asacca sacca cinmAtraM sarvaM cinmayameva hi || 32||
• AdirantaM ca cinmAtraM asti ceccinmayaM sadA |
• brahmA yadyapi cinmAtraM viSNuzcinmAtrameva hi || 33||
• rudro'pi devAzcinmAtraM asti naratiryaksurAsuram |
• guruziSyAdi sanmAtraM jJAnaM cinmAtrameva hi || 34||
• dRgdRzyaM cApi cinmAtraM jJAtA jJeyaM dhruvAdhruvam |
• sarvAzcaryaM ca cinmAtraM dehaM cinmAtrameva hi || 35||
• liGgaM cApi ca cinmAtraM kAraNaM kAryameva ca |
• mUrtAmUrtaM ca cinmAtraM pApapuNyamathApi ca || 36||
• dvaitAdvaitaM ca cinmAtraM vedavedAntameva ca |
• dizo'pi vidizazcaiva cinmAtraM tasya pAlakAH || 37||
• cinmAtraM vyavahArAdi bhUtaM bhavyaM bhavattathA |
• cinmAtraM nAmarUpaM ca bhUtAni bhuvanAni ca || 38||
• cinmAtraM prANa eveha cinmAtraM sarvamindriyam |
• cinmAtraM paJcakozAdi cinmAtrAnandamucyate || 39||
• nityAnityaM ca cinmAtraM sarvaM cinmAtrameva hi |
• cinmAtraM nAsti nityaM ca cinmAtraM nAsti satyakam || 40||
• cinmAtramapi vairAgyaM cinmAtrakamidaM kila |
• AdhArAdi hi cinmAtraM AdheyaM ca munIzvara || 41||
• yacca yAvacca cinmAtraM yacca yAvacca dRzyate |
• yacca yAvacca dUrasthaM sarvaM cinmAtrameva hi || 42||
• yacca yAvacca bhUtAni yacca yAvacca vakSyate |
• yacca yAvacca vedoktaM sarvaM cinmAtrameva hi || 43||
• cinmAtraM nAsti bandhaM ca cinmAtraM nAsti mokSakam |
• cinmAtrameva sanmAtraM satyaM satyaM zivaM spRze || 44||
• sarvaM vedatrayaproktaM sarvaM cinmAtrameva hi |
• zivaproktaM kumArAya tadetat kathitaM tvayi |
• yaH zRNoti sakRdvApi brahmaiva bhavati svayam || 45||

sUtaH -

• IzAvAsyAdimantrairvaragaganatanoH kSetravAsArthavAdaiH
• talliGgAgAramadhyasthitasumahadIzAna liGgeSu pUjA |
• akledye cAbhiSeko ... ... ... digvAsase vAsadAnaM
• no gandhaghrANahIne rUpadRzyAdvihIne gandhapuSpArpaNAni || 46||
• svabhAse dIpadAnaM ... sarvabhakSe maheze
• naivedyaM nityatRpte sakalabhuvanage prakramo vA namasyA |
• kuryAM kenApi bhAvairmama nigamazirobhAva eva pramANam || 47||
• avicchinnaizchinnaiH parikaravaraiH pUjanadhiyA
• bhajantyajJAstadjJAH vidhivihitabuddhyAgatadhiyaH |var was tadajJAH
• tathApIzaM bhAvairbhajati bhajatAmAtmapadavIM
• dadAtIzo vizvaM bhramayati gatajJAMzca kurute || 48||

• || iti zrIzivarahasye zaGkarAkhye SaSThAMze RbhunidAghasaMvAde prapaJcasya saccinmayatvakathanaM nAma SaSTho'dhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com