RbhugItA 39 || sarva-laya prakaraNam ||

RbhuH -

• paraM brahma pravakSyAmi nirvikalpaM nirAmayam |
• tadevAhaM na sandehaH sarvaM brahmaiva kevalam || 1||
• cinmAtramamalaM zAntaM saccidAnandavigraham |
• AnandaM paramAnandaM nirvikalpaM niraJjanam || 2||
• guNAtItaM janAtItamavasthAtItamavyayam |
• evaM bhAvaya caitanyamahaM brahmAsmi so'smyaham || 3||
• sarvAtItasvarUpo'smi sarvazabdArthavarjitaH |
• satyo'haM sarvahantAhaM zuddho'haM paramo'smyaham || 4||
• ajo'haM zAntarUpo'haM azarIro'hamAntaraH |
• sarvahIno'hamevAhaM svayameva svayaM mahaH || 5||
• AtmaivAhaM parAtmAhaM brahmaivAhaM zivo'smyaham |
• cittahInasvarUpo'haM buddhihIno'hamasmyaham || 6||
• vyApako'hamahaM sAkSI brahmAhamiti nizcayaH |
• niSprapaJcagajArUDho niSprapaJcAzvavAhanaH || 7||
• niSprapaJcamahArAjyo niSprapaJcAyudhAdimAn |
• niSprapaJcamahAvedo niSprapaJcAtmabhAvanaH || 8||
• niSprapaJcamahAnidro niSprapaJcasvabhAvakaH |
• niSprapaJcastu jIvAtmA niSprapaJcakalevaraH || 9||
• niSprapaJcaparIvAro niSprapaJcotsavo bhavaH |
• niSprapaJcastu kalyANo niSprapaJcastu darpaNaH || 10||
• niSprapaJcarathArUDho niSprapaJcavicAraNam |
• niSprapaJcaguhAntastho niSprapaJcapradIpakam || 11||
• niSprapaJcaprapUrNAtmA niSprapaJco'rimardanaH |
• cittameva prapaJco hi cittameva jagattrayam || 12||
• cittameva mahAmohazcittameva hi saMsRtiH |
• cittameva mahApApaM cittameva hi puNyakam || 13||
• cittameva mahAbandhazcittameva vimokSadam |
• brahmabhAvanayA cittaM nAzameti na saMzayaH || 14||
• brahmabhAvanayA duHkhaM nAzameti na saMzayaH |
• brahmabhAvanayA dvaitaM nAzameti na saMzayaH || 15||
• brahmabhAvanayA kAmaH nAzameti na saMzayaH |
• brahmabhAvanayA krodhaH nAzameti na saMzayaH || 16||
• brahmabhAvanayA lobhaH nAzameti na saMzayaH |
• brahmabhAvanayA granthiH nAzameti na saMzayaH || 17||
• brahmabhAvanayA sarvaM brahmabhAvanayA madaH |
• brahmabhAvanayA pUjA nAzameti na saMzayaH || 18||
• brahmabhAvanayA dhyAnaM nAzameti na saMzayaH |
• brahmabhAvanayA snAnaM nAzameti na saMzayaH || 19||
• brahmabhAvanayA mantro nAzameti na saMzayaH |
• brahmabhAvanayA pApaM nAzameti na saMzayaH || 20||
• brahmabhAvanayA puNyaM nAzameti na saMzayaH |
• brahmabhAvanayA doSo nAzameti na saMzayaH || 21||
• brahmabhAvanayA bhrAntiH nAzameti na saMzayaH |
• brahmabhAvanayA dRzyaM nAzameti na saMzayaH || 22||
• brahmabhAvanayA saGgo nAzameti na saMzayaH |
• brahmabhAvanayA tejo nAzameti na saMzayaH || 23||
• brahmabhAvanayA prajJA nAzameti na saMzayaH |
• brahmabhAvanayA sattA nAzameti na saMzayaH || 24||
• brahmabhAvanayA bhItiH nAzameti na saMzayaH |
• brahmabhAvanayA vedaH nAzameti na saMzayaH || 25||
• brahmabhAvanayA zAstraM nAzameti na saMzayaH |
• brahmabhAvanayA nidrA nAzameti na saMzayaH || 26||
• brahmabhAvanayA karma nAzameti na saMzayaH |
• brahmabhAvanayA turyaM nAzameti na saMzayaH || 27||
• brahmabhAvanayA dvandvaM nAzameti na saMzayaH |
• brahmabhAvanayA pRcchedahaM brahmeti nizcayam || 28||
• nizcayaM cApi santyajya svasvarUpAntarAsanam |
• ahaM brahma paraM brahma cidbrahma brahmamAtrakam || 29||
• jJAnameva paraM brahma jJAnameva paraM padam |
• divi brahma dizo brahma mano brahma ahaM svayam || 30||
• kiJcidbrahma brahma tattvaM tattvaM brahma tadeva hi |
• ajo brahma zubhaM brahma Adibrahma bravImi tam || 31||
• ahaM brahma havirbrahma kAryabrahma tvahaM sadA |
• nAdo brahma nadaM brahma tattvaM brahma ca nityazaH || 32||
• etadbrahma zikhA brahma tadbrahma brahma zAzvatam |
• nijaM brahma svato brahma nityaM brahma tvameva hi || 33||
• sukhaM brahma priyaM brahma mitraM brahma sadAmRtam |
• guhyaM brahma gururbrahma RtaM brahma prakAzakam || 34||
• satyaM brahma samaM brahma sAraM brahma niraJjanam |
• ekaM brahma harirbrahma zivo brahma na saMzayaH || 35||
• idaM brahma svayaM brahma lokaM brahma sadA paraH |
• Atmabrahma paraM brahma Atmabrahma nirantaraH || 36||
• ekaM brahma ciraM brahma sarvaM brahmAtmakaM jagat |
• brahmaiva brahma sadbrahma tatparaM brahma eva hi || 37||
• cidbrahma zAzvataM brahma jJeyaM brahma na cAparaH |
• ahameva hi sadbrahma ahameva hi nirguNam || 38||
• ahameva hi nityAtmA evaM bhAvaya suvrata |
• ahameva hi zAstrArtha iti nizcitya sarvadA || 39||
• Atmaiva nAnyadbhedo'sti sarvaM mithyeti nizcinu |
• AtmaivAhamahaM cAtmA anAtmA nAsti nAsti hi || 40||
• vizvaM vastutayA vibhAti hRdaye mUDhAtmanAM bodhato-
• 'pyajJAnaM na nivartate zrutizirovArtAnuvRttyA'pi ca |
• vizvezasya samarcanena sumahAliGgArcanAdbhasmadhRk
• rudrAkSAmaladhAraNena bhagavaddhyAnena bhAtyAtmavat || 41||

• || iti zrIzivarahasye zaGkarAkhye SaSThAMze RbhunidAghasaMvAde sarvalayaprakaraNaM nAma ekonacatvAriMzo'dhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com