RbhugItA 43 || nidAdhAnubhava varNana prakaraNam ||
nidAghaH -
- na pazyAmi zarIraM vA liGgaM karaNameva vA |
- na pazyAmi mano vApi na pazyAmi jaDaM tataH || 1||
- na pazyAmi cidAkAzaM na pazyAmi jagat kvacit |
- na pazyAmi hariM vApi na pazyAmi zivaM ca vA || 2||
- AnandasyAntare lagnaM tanmayatvAnna cotthitaH |
- na pazyAmi sadA bhedaM na jaDaM na jagat kvacit || 3||
- na dvaitaM na sukhaM duHkhaM na gururna parAparam |
- na guNaM vA na turyaM vA na buddhirna ca saMzayaH || 4||
- na ca kAlaM na ca bhayaM na ca zokaM zubhAzubham |
- na pazyAmi sandInaM na bandhaM na ca saMbhavam || 5||
- na dehendriyasadbhAvo na ca sadvastu sanmanaH |
- na pazyAmi sadA sthUlaM na kRzaM na ca kubjakam || 6||
- na bhUmirna jalaM nAgnirna moho na ca mantrakam |
- na gururna ca vAkyaM vA na dRDhaM na ca sarvakam || 7||
- na jagacchravaNaM caiva nididhyAsaM na cAparaH |
- AnandasAgare magnastanmayatvAnna cotthitaH || 8||
- Anando'hamazeSo'hamajo'hamamRtosmyaham |
- nityo'hamiti nizcitya sadA pUrNo'smi nityadhIH || 9||
- pUrNo'haM pUrNacitto'haM puNyo'haM jJAnavAnaham |
- zuddho'haM sarvamukto'haM sarvAkAro'hamavyayaH || 10||
- cinmAtro'haM svayaM so'haM tattvarUpo'hamIzvaraH |
- parAparo'haM turyo'haM prasanno'haM raso'smyaham || 11||
- brahmA'haM sarvalakSyo'haM sadA pUrNo'hamakSaraH |
- mamAnubhavarUpaM yat sarvamuktaM ca sadguro || 12||
- namaskaromi te nAhaM sarvaM ca gurudakSiNA |
- maddehaM tvatpade dattaM tvayA bhasmIkRtaM kSaNAt || 13||
- mamAtmA ca mayA dattaH svayamAtmani pUritaH |
- tvamevAhamahaM ca tvamahameva tvameva hi || 14||
- aikyArNavanimagno'smi aikyajJAnaM tvameva hi |
- ekaM caitanyamevAhaM tvayA gantuM na zakyate || 15||
- gantavyadezo nAstyeva ekAkAraM na cAnyataH |
- tvayA gantavyadezo na mayA gantavyamasti na || 16||
- ekaM kAraNamekaM ca ekameva dvayaM na hi |
- tvayA vaktavyakaM nAsti mayA zrotavyamapyalam || 17||
- tvameva sadgururnAsi ahaM nAsmi saziSyakaH |
- brahmamAtramidaM sarvamasminmAno'smi tanmayaH || 18||
- bhedAbhedaM na pazyAmi kAryAkAryaM na kiJcana |
- mamaiva cennamaskAro niSprayojana eva hi || 19||
- tavaiva cennamaskAro bhinnatvAnna phalaM bhavet |
- tava cenmama cedbhedaH phalAbhAvo na saMzayaH || 20||
- namaskRto'haM yuSmAkaM bhavAnajJIti vakSyati |
- mamaivApakariSyAmi paricchinno bhavAmyaham || 21||
- mamaiva cennamaskAraH phalaM nAsti svataH sthite |
- kasyApi ca namaskAraH kadAcidapi nAsti hi || 22||
- sadA caitanyamAtratvAt nAhaM na tvaM na hi dvayam |
- na bandhaM na paro nAnye nAhaM nedaM na kiJcana || 23||
- na dvayaM naikamadvaitaM nizcitaM na mano na tat |
- na bIjaM na sukhaM duHkhaM nAzaM niSThA na satsadA || 24||
- nAsti nAsti na sandehaH kevalAt paramAtmani |
- na jIvo nezvaro naiko na candro nAgnilakSaNaH || 25||
- na vArtA nendriyo nAhaM na mahattvaM guNAntaram |
- na kAlo na jagannAnyo na vA kAraNamadvayam || 26||
- nonnato'tyantahIno'haM na muktastvatprasAdataH |
- sarvaM nAstyeva nAstyeva sarvaM brahmaiva kevalam || 27||
- ahaM brahma idaM brahma Atma brahmAhameva hi |
- sarvaM brahma na sandehastvatprasAdAnmahezvaraH || 28||
- tvameva sadgururbrahma na hi sadgururanyataH |
- Atmaiva sadgururbrahma ziSyo hyAtmaiva sadguruH || 29||
- guruH prakalpate ziSyo guruhIno na ziSyakaH |
- ziSye sati guruH kalpyaH ziSyAbhAve gururna hi || 30||
- guruziSyavihInAtmA sarvatra svayameva hi |
- cinmAtrAtmani kalpyo'haM cinmAtrAtmA na cAparaH || 31||
- cinmAtrAtmAhamevaiko nAnyat kiJcinna vidyate |
- sarvasthito'haM satataM nAnyaM pazyAmi sadguroH || 32||
- nAnyat pazyAmi cittena nAnyat pazyAmi kiJcana |
- sarvAbhAvAnna pazyAmi sarvaM ced dRzyatAM pRthak || 33||
- evaM brahma prapazyAmi nAnyadastIti sarvadA |
- aho bhedaM prakupitaM aho mAyA na vidyate || 34||
- aho sadgurumAhAtmyamaho brahmasukhaM mahat |
- aho vijJAnamAhAtmyamaho sajjanavaibhavaH || 35||
- aho mohavinAzazca aho pazyAmi satsukham |
- aho cittaM na pazyAmi aho sarvaM na kiJcana || 36||
- ahameva hi nAnyatra ahamAnanda eva hi |
- mamAntaHkaraNe yadyannizcitaM bhavadIritam || 37||
- sarvaM brahma paraM brahma na kiJcidanyadaivatam |
- evaM pazyAmi satataM nAnyat pazyAmi sadguro || 38||
- evaM nizcitya tiSThAmi svasvarUpe mamAtmani || 39||
- agAdhavedavAkyato na cAdhibheSajaM bhave-
- dumAdhavAGghripaGkajasmRtiH prabodhamokSadA |
- prabuddhabhedavAsanAniruddhahRttamobhide
- mahArujAghavaidyamIzvaraM hRdambuje bhaje || 40||
- dyatatpradagdhakAmadeha dugdhasannibhaM pramugdhasAmi |
- somadhAriNaM zrutIDyagadyasaMstutaM tvabhedyamekazaGkaram || 41||
- varaH kaGkaH kAko bhavadubhayajAteSu niyataM
- mahAzaGkAtaGkairvidhivihitazAntena manasA |
- yadi svairaM dhyAyannagapatisutAnAyakapadaM
- sa evAyaM dhuryo bhavati munijAteSu niyatam || 42||
- kaH kAlAntakapAdapadmabhajanAdanyaddhRdA kaSTadAM
- dharmAbhAsaparaMparAM prathayate mUrkho kharIM tauragIm |
- kartuM yatnazatairazakyakaraNairvindeta duHkhAdikaMvar was duHkhAdhikam
- tadvat sAMbapadAMbujArcanaratiM tyaktvA vRthA duHkhabhAk || 43||
- || iti zrIzivarahasye zaGkarAkhye SaSThAMze RbhunidAghasaMvAde nidAghAnubhavavarNanaprakaraNaM nAma tricatvAriMzo'dhyAyaH ||
Special Thanks
The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.
Credits
Encoded by Anil Sharma anilandvijaya at gmail.com
Proofread by Sunder Hattangadi and Anil Sharma
https://sanskritdocuments.org
Send corrections to sanskrit at cheerful.com