RbhugItA 14 || AtmAnanda prakaraNa varNanam ||

RbhuH -

• zRNuSva sarvaM brahmaiva satyaM satyaM zivaM zape |
• nizcayenAtmayogIndra anyat kiJcinna kiJcana || 1||
• aNumAtramasadrUpaM aNumAtramidaM dhruvam |
• aNumAtrazarIraM ca anyat kiJcinna kiJcana || 2||
• sarvamAtmaiva zuddhAtmA sarvaM cinmAtramadvayam |
• nityanirmalazuddhAtmA anyat kiJcinna kiJcana || 3||
• aNumAtre vicintyAtmA sarvaM na hyaNumAtrakam |
• aNumAtramasaMkalpo anyat kiJcinna kiJcana || 4||
• caitanyamAtraM saGkalpaM caitanyaM paramaM padam |
• AnandaM paramaM mAnaM idaM dRzyaM na kiJcana || 5||
• caitanyamAtramoMkAraH caitanyaM sakalaM svayam |
• AnandaM paramaM mAnaM idaM dRzyaM na kiJcana || 6||
• AnandazcAhamevAsmi ahameva cidavyayaH |
• AnandaM paramaM mAnaM idaM dRzyaM na kiJcana || 7||
• ahameva hi guptAtmA ahameva nirantaram |
• AnandaM paramaM mAnaM idaM dRzyaM na kiJcana || 8||
• ahameva paraM brahma ahameva gurorguruH |
• AnandaM paramaM mAnaM idaM dRzyaM na kiJcana || 9||
• ahamevAkhilAdhAra ahameva sukhAt sukham |
• AnandaM paramaM mAnaM idaM dRzyaM na kiJcana || 10||
• ahameva paraM jyotirahamevAkhilAtmakaH |
• AnandaM paramaM mAnaM idaM dRzyaM na kiJcana || 11||
• ahameva hi tRptAtmA ahameva hi nirguNaH |
• AnandaM paramaM mAnaM idaM dRzyaM na kiJcana || 12||
• ahameva hi pUrNAtmA ahameva purAtanaH |
• AnandaM paramaM mAnaM idaM dRzyaM na kiJcana || 13||
• ahameva hi zAntAtmA ahameva hi zAzvataH |
• AnandaM paramaM mAnaM idaM dRzyaM na kiJcana || 14||
• ahameva hi sarvatra ahameva hi susthiraH |
• AnandaM paramaM mAnaM idaM dRzyaM na kiJcana || 15||
• ahameva hi jIvAtmA ahameva parAtparaH |
• AnandaM paramaM mAnaM idaM dRzyaM na kiJcana || 16||
• ahameva hi vAkyArtho ahameva hi zaGkaraH |
• AnandaM paramaM mAnaM idaM dRzyaM na kiJcana || 17||
• ahameva hi durlakSya ahameva prakAzakaH |
• AnandaM paramaM mAnaM idaM dRzyaM na kiJcana || 18||
• ahamevAhamevAhaM ahameva svayaM svayam |
• ahameva parAnando'hameva hi cinmayaH || 19||
• ahameva hi zuddhAtmA ahameva hi sanmayaH |
• ahameva hi zUnyAtmA ahameva hi sarvagaH || 20||
• ahameva hi vedAntaH ahameva hi citparaH || 21||
• ahameva hi cinmAtraM ahameva hi cinmayaH |
• anyanna kiJcit cidrUpAdahaM bAhyavivarjitaH || 22||
• ahaM na kiJcid brahmAtmA ahaM nAnyadahaM param |
• nityazuddhavimukto'haM nityatRpto niraJjanaH || 23||
• AnandaM paramAnandamanyat kiJcinna kiJcana |
• nAsti kiJcinnAsti kiJcit nAsti kiJcit parAtparAt || 24||
• AtmaivedaM jagat sarvamAtmaivedaM manobhavam |
• AtmaivedaM sukhaM sarvaM AtmaivedamidaM jagat || 25||
• brahmaiva sarvaM cinmAtraM ahaM brahmaiva kevalam |
• AnandaM paramaM mAnaM idaM dRzyaM na kiJcana || 26||
• dRzyaM sarvaM paraM brahma dRzyaM nAstyeva sarvadA |
• brahmaiva sarvasaGkalpo brahmaiva na paraM kvacit |
• AnandaM paramaM mAnaM idaM dRzyaM na kiJcana || 27||
• brahmaiva brahma cidrUpaM cidevaM cinmayaM jagat |
• asadeva jagatsarvaM asadeva prapaJcakam || 28||
• asadevAhamevAsmi asadeva tvameva hi |
• asadeva manovRttirasadeva guNAguNau || 29||
• asadeva mahI sarvA asadeva jalaM sadA |
• asadeva jagatkhAni asadeva ca tejakam || 30||
• asadeva sadA vAyurasadevedamityapi |
• ahaGkAramasadbuddhirbrahmaiva jagatAM gaNaH || 31||
• asadeva sadA cittamAtmaivedaM na saMzayaH |
• asadevAsurAH sarve asadevedazvarAkRtiH || 32||
• asadeva sadA vizvaM asadeva sadA hariH |
• asadeva sadA brahmA tatsRSTirasadeva hi || 33||
• asadeva mahAdevaH asadeva gaNezvaraH |
• asadeva sadA comA asat skando gaNezvarAH || 34||
• asadeva sadA jIva asadeva hi dehakam |
• asadeva sadA vedA asaddehAntameva ca || 35||
• dharmazAstraM purANaM ca asatye satyavibhramaH |
• asadeva hi sarvaM ca asadeva paraMparA || 36||
• asadevedamAdyantamasadeva munIzvarAH |
• asadeva sadA lokA lokyA apyasadeva hi || 37||
• asadeva sukhaM duHkhaM asadeva jayAjayau |
• asadeva paraM bandhamasanmuktirapi dhruvam || 38||
• asadeva mRtirjanma asadeva jaDAjaDam |
• asadeva jagat sarvamasadevAtmabhAvanA || 39||
• asadeva ca rUpANi asadeva padaM zubham |
• asadeva sadA cAhamasadeva tvameva hi || 40||
• asadeva hi sarvatra asadeva calAcalam |
• asacca sakalaM bhUtamasatyaM sakalaM phalam || 41||
• asatyamakhilaM vizvamasatyamakhilo guNaH |
• asatyamakhilaM zeSamasatyamakhilaM jagat || 42||
• asatyamakhilaM pApaM asatyaM zravaNatrayam |
• asatyaM ca sajAtIyavijAtIyamasat sadA || 43||
• asatyamadhikArAzca anityA viSayAH sadA |
• asadeva hi devAdyA asadeva prayojanam || 44||
• asadeva zamaM nityaM asadeva zamo'nizam |
• asadeva sasandehaM asadyuddhaM surAsuram || 45||var was asadeva ca sandehaM
• asadevezabhAvaM cAsadevopAsyameva hi |
• asacca kAladezAdi asat kSetrAdibhAvanam || 46||
• tajjanyadharmAdharmau ca asadeva vinirNayaH |
• asacca sarvakarmANi asadasvaparabhramaH || 47||
• asacca cittasadbhAva asacca sthUladehakam |
• asacca liGgadehaM ca satyaM satyaM zivaM zape || 48||
• asatyaM svarganarakaM asatyaM tadbhavaM sukham |
• asacca grAhakaM sarvaM asatyaM grAhyarUpakam || 49||
• asatyaM satyavadbhAvaM asatyaM te zive zape |var was satyavadbhAnaM
• asatyaM vartamAnAkhyaM asatyaM bhUtarUpakam || 50||
• asatyaM hi bhaviSyAkhyaM satyaM satyaM zive zape |
• asat pUrvamasanmadhyamasadantamidaM jagat || 51||
• asadeva sadA prAyaM asadeva na saMzayaH |
• asadeva sadA jJAnamajJAnajJeyameva ca || 52||
• asatyaM sarvadA vizvamasatyaM sarvadA jaDam |
• asatyaM sarvadA dRzyaM bhAti tau raGgazRGgavat || 53||
• asatyaM sarvadA bhAvaH asatyaM kozasaMbhavam |
• asatyaM sakalaM mantraM satyaM satyaM na saMzayaH || 54||
• Atmano'nyajjagannAsti nAstyanAtmamidaM sadA |
• Atmano'nyanmRSaivedaM satyaM satyaM na saMzayaH || 55||
• Atmano'nyatsukhaM nAsti Atmano'nyanna kiJcana |
• Atmano'nyA gatirnAsti sthitamAtmani sarvadA || 56||
• Atmano'nyanna hi kvApi Atmano'nyat tRNaM na hi |
• Atmano'nyanna kiJcicca kvacidapyAtmano na hi || 57||
• AtmAnandaprakaraNametatte'bhihitaM mayA |
• yaH zRNoti sakRdvidvAn brahmaiva bhavati svayam || 58||
• sakRcchravaNamAtreNa sadyobandhavimuktidam |
• etadgranthArthamAtraM vai gRNan sarvairvimucyate || 59||

sUtaH -

• pUrNaM satyaM mahezaM bhaja niyatahRdA yo'ntarAyairvihInaH
• so nityo nirvikalpo bhavati bhuvi sadA brahmabhUto RtAtmA |
• vicchinnagranthirIze zivavimalapade vidyate bhAsate'ntaH
• ArAmo'ntarbhavati niyataM vizvabhUto mRtazca || 60||

• || iti zrIzivarahasye zaGkarAkhye SaSThAMze RbhunidAghasaMvAde AtmAnandaprakaraNavarNanaM nAma caturdazo'dhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com