RbhugItA 4 || Rbhu-nidAdha saMvAdaH ||

skandaH -

• himAdrizikhare tatra kedAre saMsthitaM Rbhum |
• kedArezaM pUjayantaM zAMbhavaM munisattamam |
• bhasmarudrAkSasaMpannaM niHspRhaM munayo'bruvan || 1||

munayaH -

• padmodbhavasutazreSTha tvayA kailAsaparvate |
• ArAdhya devamIzAnaM tasmAt sUtrazrutIritam || 2||
• jJAnaM labdhaM munizreSTha tvaM no brUhi vimuktaye |
• yena saMsAravArAzeH samuttIrNA bhavAmahe || 3||

sUtaH -

• RbhurmunInAM vacasA tuSTaH ziSTAn samIkSya tAn |
• aSTamUrtipadadhyAnaniSThAMstAnabhyuvAca ha || 4||

RbhuH -

• vizvasya kAraNamumApatireva devo
• vidyotako jaDajagatpramadaikahetuH |
• na tasya kAryaM karaNaM mahezituH
• sa eva tatkAraNamIzvaro haraH || 8||
• sUtaH sAyakasaMbhavaH samuditAH sUtAnanebhyo hayAH
• netre te rathino rathAGgayugalI yugyAntamRgyo rathI |
• mauvImUrdhni rathaH sthito rathavahazcApaM zaravyaM puraH
• yoddhuM kezacarAH sa eva nikhilasthANoraNuH pAtu vaH || 9||var was naH
• nidAghamatha saMbodhya tato RbhuruvAca ha |
• adhyAtmanirNayaM vakSye nAsti kAlatrayeSvapi || 10||
• zivopadiSTaM saMkSipya guhyAt guhyataraM sadA |
• anAtmeti prasaGgAtmA anAtmeti mano'pi vA |
• anAtmeti jagadvApi nAstyanAtmeti nizcinu || 11||
• sarvasaMkalpazUnyatvAt sarvAkAravivarjanAt
• kevalaM brahmabhAvatvAt nAstyanAtmeti nizcinu || 12||
• cittAbhAve cintanIyo dehAbhAve jarA ca na |
• kevalaM brahmabhAvatvAt nAstyanAtmeti nizcinu || 13||var was brahmamAtratvAt
• pAdAbhAvAdgatirnAsti hastAbhAvAt kriyA ca na |
• kevalaM brahmabhAvatvAt nAstyanAtmeti nizcinu || 14||var was brahmamAtratvAt
• brahmAbhAvAjjagannAsti tadabhAve harirna ca |
• kevalaM brahmabhAvatvAt nAstyanAtmeti nizcinu || 15||var was brahmamAtratvAt
• mRtyurnAsti jarAbhAve lokavedadurAdhikam |
• kevalaM brahmabhAvatvAt nAstyanAtmeti nizcinu || 16||var was brahmamAtratvAt
• dharmo nAsti zucirnAsti satyaM nAsti bhayaM na ca |
• kevalaM brahmabhAvatvAt nAstyanAtmeti nizcinu || 17||var was brahmamAtratvAt
• akSaroccAraNaM nAsti akSaratyajaDaM mama |
• kevalaM brahmabhAvatvAt nAstyanAtmeti nizcinu || 18||var was brahmamAtratvAt
• gururityapi nAstyeva ziSyo nAstIti tattvataH |
• kevalaM brahmabhAvatvAt nAstyanAtmeti nizcinu || 19||var was brahmamAtratvAt
• ekAbhAvAnna dvitIyaM na dvitIyAnna caikatA |
• satyatvamasti cet kiJcidasatyatvaM ca saMbhavet || 20||
• asatyatvaM yadi bhavet satyatvaM ca ghaTiSyati |
• zubhaM yadyazubhaM viddhi azubhaM zubhamasti cet || 21||
• bhayaM yadyabhayaM viddhi abhayAdbhayamApatet |
• kevalaM brahmabhAvatvAt nAstyanAtmeti nizcinu || 22||var was brahmamAtratvAt
• baddhatvamasti cenmokSo bandhAbhAve na mokSatA |
• maraNaM yadi cejjanma janmAbhAve mRtirna ca || 23||
• tvamityapi bhaveccAhaM tvaM no cedahameva na |
• idaM yadi tadevApi tadabhAve idaM na ca || 24||
• asti cediti tannAsti nAsti cedasti kiMca na |
• kAryaM cet kAraNaM kiJcit kAryAbhAve na kAraNam || 25||
• dvaitaM yadi tadA'dvaitaM dvaitAbhAve'dvayaM ca na |
• dRzyaM yadi dRgapyasti dRzyAbhAve dRgeva na || 26||
• antaryadi bahiH satyamantAbhAve bahirna ca |
• pUrNatvamasti cet kiMcidapUrNatvaM prasajyate || 27||
• kiJcidastIti ceccitte sarvaM bhavati zIghrataH |
• yatkiMcit kimapi kvApi nAsti cenna prasajyati || 28||
• tasmAdetat kvacinnAsti tvaM nAhaM vA ime idam |
• kevalaM brahmabhAvatvAt nAstyanAtmeti nizcinu || 29||var was brahmamAtratvAt
• nAsti dRSTAntakaM loke nAsti dArSTAntikaM kvacit |
• kevalaM brahmabhAvatvAt nAstyanAtmeti nizcinu || 30||var was brahmamAtratvAt
• paraM brahmAhamasmIti smaraNasya mano na hi |
• brahmamAtraM jagadidaM brahmamAtratvamapya hi || 31||
• cinmAtraM kevalaM cAhaM nAstyanAtmeti nizcinu |
• ityAtmanirNayaM proktaM bhavate sarvasaGgraham || 32||var was nirNyaH proktaH
• sakRcchravaNamAtreNa brahmaiva bhavati svayam || 33||
• nidAghaH-var was RbhuH-
• bhagavan ko bhavAn ko nu vada me vadatAM vara |var was nidAgha
• yacchrutvA tatkSaNAnmucyenmahAsaMsArasaMkaTAt || 34||
• RbhuH-
• ahameva paraM brahma ahameva paraM sukham |
• ahamevAhamevAhamahaM brahmAsmi kevalam || 35||
• ahaM caitanyamevAsmi divyajJAnAtmako hyaham |
• sarvAkSaravihIno'smi ahaM brahmAsmi kevalam || 36||
• ahamarthavihIno'smi idamarthavivarjitaH |
• sarvAnarthavimukto'smi ahaM brahmAsmi kevalam || 37||
• nityazuddho'smi buddho'smi nityo'smyatyantanirmalaH |
• nityAnadasvarUpo'smi ahaM brahmAsmi kevalam || 38||
• nityapUrNasvarUpo'smi saccidAnandamasmyaham |
• kevalAdvaitarUpo'hamahaM brahmAsmi kevalam || 39||
• anirdezyasvarUpo'smi AdihIno'smyanantakaH |
• aprAkRtasvarUpo'smi ahaM brahmAsmi kevalam || 40||
• svasvasaMkalpahIno'haM sarvAvidyAvivarjitaH |
• sarvamasmi tadevAsmi ahaM brahmAsmi kevalam || 41||
• sarvanAmAdihIno'haM sarvarUpavivarjitaH |
• sarvasaGgavihIno'smi ahaM brahmAsmi kevalam || 42||
• sarvavAcAM vidhizcAsmi sarvavedAvadhiH paraH |
• sarvakAlAvadhizcAsmi ahaM brahmAsmi kevalam || 43||
• sarvarUpAvadhizcAhaM sarvanAmAvadhiH sukham |
• sarvakalpAvadhizcAsmi ahaM brahmAsmi kevalam || 44||
• ahameva sukhaM nAnyadahameva cidavyayaH |
• ahamevAsmi sarvatra ahaM brahmAsmi kevalam || 45||
• kevalaM brahmamAtrAtmA kevalaM zuddhacidghanaH |
• kevalAkhaNDosAro'smi ahaM brahmAsmi kevalam || 46||
• kevalaM jJAnarUpo'smi kevalAkArarUpavAn |
• kevalAtyantasAro'smi ahaM brahmAsmi kevalam || 47||
• satsvarUpo'smi kaivalyasvarUpo'smyahameva hi |
• arthAnarthavihIno'smi ahaM brahmAsmi kevalam || 48||
• aprameyasvarUpo'smi apratarkyasvarUpavAn |
• apragRhyasvarUpo'smi ahaM brahmAsmi kevalam || 49||
• arasasyutarUpo'smi anutApavivarjitaH |
• anusyUtaprakAzo'smi ahaM brahmAsmi kevalam || 50||
• sarvakarmavihIno'haM sarvabhedavivarjitaH |
• sarvasandehahIno'smi ahaM brahmAsmi kevalam || 51||
• ahaMbhAvavihIno'smi vihIno'smIti me na ca |
• sarvadA brahmarUpo'smi ahaM brahmAsmi kevalam || 52||
• brahma brahmAdihIno'smi kezavatvAdi na kvacit |
• zaGkarAdivihIno'smi ahaM brahmAsmi kevalam || 53||
• tUSNImevAvabhAso'smi ahaM brahmAsmi kevalam |
• kiJcinnAsti paro nAsti kiMcidasmi paro'smi ca || 54||
• na zarIraprakAzo'smi jagadbhAsakaro na ca |
• cidghano'smi cidaMzo'smi satsvarUpo'smi sarvadA || 55||
• mudA muditarUpo'smi ahaM brahmAsmi kevalam |
• na bAlo'smi na vRddho'smi na yuvA'smi parAt paraH || 56||
• na ca nAnAsvarUpo'smi ahaM brahmAsmi kevalam |
• imaM svAnubhavaM proktaM sarvopaniSadAM paraM rasam || 57||
• yo vA ko vA zRNotIdaM brahmaiva bhavati svayam || 58||
• na sthUlo'pyanaNurna tejamarutAmAkAzanIrakSamA
• bhUtAntargatakozakAzahRdayAdyAkAzamAtrAkramaiH |
• udgranthazrutizAstrasUtrakaraNaiH kiJcijjJa sarvajJatA
• buddhyA mohitamAyayA zrutizatairbho jAnate zaGkaram || 59||

• || iti zrI zivarahasye zaGkarAkhye SaSThAMze RbhunidAghasaMvAdo nAma caturtho'dhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com