RbhugItA 7 || svAtma-nirUpaNam ||

RbhuH -

• atyadbhutaM pravakSyAmi sarvalokeSu durlabham |
• vedazAstramahAsAraM durlabhaM durlabhaM sadA || 1||
• akhaNDaikaraso mantramakhaNDaikarasaM phalam |
• akhaNDaikaraso jIva akhaNDaikarasA kriyA || 2||
• akhaNDaikarasA bhUmirakhaNDaikarasaM jalam |
• akhaNDaikaraso gandha akhaNDaikarasaM viyat || 3||
• akhaNDaikarasaM zAstraM akhaNDaikarasaM zrutiH |
• akhaNDaikarasaM brahma akhaNDaikarasaM vratam || 4||
• akhaNDaikaraso viSNurakhaNDaikarasaH zivaH |
• akhaNDaikaraso brahmA akhaNDaikarasAH surAH || 5||
• akhaNDaikarasaM sarvamakhaNDaikarasaH svayam |
• akhaNDaikarasazcAtmA akhaNDaikaraso guruH || 6||
• akhaNDaikarasaM vAcyamakhaNDaikarasaM mahaH |
• akhaNDaikarasaM deha akhaNDaikarasaM manaH || 7||
• akhaNDaikarasaM cittaM akhaNDaikarasaM sukham |
• akhaNDaikarasA vidyA akhaNDaikaraso'vyayaH || 8||
• akhaNDaikarasaM nityamakhaNDaikarasaH paraH |
• akhaNDaikarasAt kiJcidakhaNDaikarasAdaham || 9||
• akhaNDaikarasaM vAsti akhaNDaikarasaM na hi |
• akhaNDaikarasAdanyat akhaNDaikarasAt paraH || 10||
• akhaNDaikarasAt sthUlaM akhaNDaikarasaM janaH |
• akhaNDaikarasaM sUkSmamakhaNDaikarasaM dvayam || 11||
• akhaNDaikarasaM nAsti akhaNDaikarasaM balam |
• akhaNDaikarasAdviSNurakhaNDaikarasAdaNuH || 12||
• akhaNDaikarasaM nAsti akhaNDaikarasAdbhavAn |
• akhaNDaikaraso hyeva akhaNDaikarasAditam || 13||
• akhaNDitarasAd jJAnaM akhaNDitarasAd sthitam |
• akhaNDaikarasA lIlA akhaNDaikarasaH pitA || 14||var was lInA
• akhaNDaikarasA bhaktA akhaNDaikarasaH patiH |
• akhaNDaikarasA mAtA akhaNDaikaraso virAT || 15||
• akhaNDaikarasaM gAtraM akhaNDaikarasaM ziraH |
• akhaNDaikarasaM ghrANaM akhaNDaikarasaM bahiH || 16||
• akhaNDaikarasaM pUrNamakhaNDaikarasAmRtam |
• akhaNDaikarasaM zrotramakhaNDaikarasaM gRham || 17||
• akhaNDaikarasaM gopyamakhaNDaikarasaH zivaH |
• akhaNDaikarasaM nAma akhaNDaikaraso raviH || 18||
• akhaNDaikarasaH somaH akhaNDaikaraso guruH |
• akhaNDaikarasaH sAkSI akhaNDaikarasaH suhRt || 19||
• akhaNDaikaraso bandhurakhaNDaikaraso'smyaham |
• akhaNDaikaraso rAjA akhaNDaikarasaM puram || 20||
• akhaNDaikarasaizvaryaM akhaNDaikarasaM prabhuH |
• akhaNDaikaraso mantra akhaNDaikaraso japaH || 21||
• akhaNDaikarasaM dhyAnamakhaNDaikarasaM padam |
• akhaNDaikarasaM grAhyamakhaNDaikarasaM mahAn || 22||
• akhaNDaikarasaM jyotirakhaNDaikarasaM param |
• akhaNDaikarasaM bhojyamakhaNDaikarasaM haviH || 23||
• akhaNDaikaraso homaH akhaNDaikaraso jayaH |
• akhaNDaikarasaH svargaH akhaNDaikarasaH svayam || 24||
• akhaNDaikarasAkArAdanyannAsti nahi kvacit |
• zRNu bhUyo mahAzcaryaM nityAnubhavasaMpadam || 25||
• durlabhaM durlabhaM loke sarvalokeSu durlabham |
• ahamasmi paraM cAsmi prabhAsmi prabhavo'smyaham || 26||
• sarvarUpaguruzcAsmi sarvarUpo'smi so'smyaham |
• ahamevAsmi zuddho'smi Rddho'smi paramo'smyaham || 27||
• ahamasmi sadA jJo'smi satyo'smi vimalo'smyaham |
• vijJAno'smi vizeSo'smi sAmyo'smi sakalo'smyaham || 28||
• zuddho'smi zokahIno'smi caitanyo'smi samo'smyaham |
• mAnAvamAnahIno'smi nirguNo'smi zivo'smyaham || 29||
• dvaitAdvaitavihIno'smi dvandvahIno'smi so'smyaham |
• bhAvAbhAvavihIno'smi bhASAhIno'smi so'smyaham || 30||
• zUnyAzUnyaprabhAvo'smi zobhano'smi mano'smyaham |
• tulyAtulyavihIno'smi tucchabhAvo'smi nAsmyaham || 31||
• sadA sarvavihIno'smi sAtviko'smi sadAsmyaham |
• ekasaMkhyAvihIno'smi dvisaMkhyA nAsti nAsmyaham || 32||
• sadasadbhedahIno'smi saMkalparahito'smyaham |
• nAnAtmabhedahIno'smi yat kiJcinnAsti so'smyaham || 33||
• nAhamasmi na cAnyo'smi dehAdirahito'smyaham |
• AzrayAzrayahIno'smi AdhArarahito'smyaham || 34||
• bandhamokSAdihIno'smi zuddhabrahmAdi so'smyaham |
• cittAdisarvahIno'smi paramo'smi paro'smyaham || 35||
• sadA vicArarUpo'smi nirvicAro'smi so'smyaham |
• AkArAdisvarUpo'smi ukAro'smi mudo'smyaham || 36||
• dhyAnAdhyAnavihIno'smi dhyeyahIno'smi so'smyaham |
• pUrNAt pUrNo'smi pUrNo'smi sarvapUrNo'smi so'smyaham || 37||
• sarvAtItasvarUpo'smi paraM brahmAsmi so'smyaham |
• lakSyalakSaNahIno'smi layahIno'smi so'smyaham || 38||
• mAtRmAnavihIno'smi meyahIno'smi so'smyaham |
• agat sarvaM ca draSTAsmi netrAdirahito'smyaham || 39||
• pravRddho'smi prabuddho'smi prasanno'smi paro'smyaham |
• sarvendriyavihIno'smi sarvakarmahito'smyaham || 40||
• sarvavedAntatRpto'smi sarvadA sulabho'smyaham |
• mudA muditazUnyo'smi sarvamaunaphalo'smyaham || 41||
• nityacinmAtrarUpo'smi sadasaccinmayo'smyaham |
• yat kiJcidapi hIno'smi svalpamapyati nAhitam || 42||
• hRdayagranthihIno'smi hRdayAdvyApako'smyaham |
• SaDvikAravihIno'smi SaTkozarahito'smyaham || 43||
• ariSaDvargamukto'smi antarAdantaro'smyaham |
• dezakAlavihIno'smi digambaramukho'smyaham || 44||
• nAsti hAsti vimukto'smi nakArarahito'smyaham |
• sarvacinmAtrarUpo'smi saccidAnandamasmyaham || 45||
• akhaNDAkArarUpo'smi akhaNDAkAramasmyaham |
• prapaJcacittarUpo'smi prapaJcarahito'smyaham || 46||
• sarvaprakArarUpo'smi sadbhAvAvarjito'smyaham |
• kAlatrayavihIno'smi kAmAdirahito'smyaham || 47||
• kAyakAyivimukto'smi nirguNaprabhavo'smyaham |
• muktihIno'smi mukto'smi mokSahIno'smyahaM sadA || 48||
• satyAsatyavihIno'smi sadA sanmAtramasmyaham |
• gantavyadezahIno'smi gamanArahito'smyaham || 49||
• sarvadA smararUpo'smi zAnto'smi suhito'smyaham |
• evaM svAnubhavaM proktaM etat prakaraNaM mahat || 50||
• yaH zRNoti sakRdvApi brahmaiva bhavati svayam |
• piNDANDasaMbhavajagadgatakhaNDanodya-
• dvetaNDazuNDanibhapIvarabAhudaNDa |
• brahmorumuNDakalitANDajavAhabANa
• kodaNDabhUdharadharaM bhajatAmakhaNDam || 51||
• vizvAtmanyadvitIye bhagavati girijAnAyake kAzarUpe
• nIrUpe vizvarUpe gataduritadhiyaH prApnuvantyAtmabhAvam |
• anye bhedadhiyaH zrutiprakathitairvarNAzramotthazramaiH
• tAntAH zAntivivarjitA viSayiNo duHkhaM bhajantyanvaham || 52||

• || iti zrIzivarahasye zaGkarAkhye SaSThAMze RbhunidAghasaMvAde svAtmanirUpaNaM nAma saptamo'dhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com