RbhugItA 40 || citta-vRtti-nirodha prakaraNam ||

RbhuH -

• sarvasArAt sArataraM tataH sAratarAntaram |
• idamantimatyantaM zRNu prakaraNaM mudA || 1||
• brahmaiva sarvamevedaM brahmaivAnyanna kiJcana |
• nizcayaM dRDhamAzritya sarvatra sukhamAsva ha || 2||
• brahmaiva sarvabhuvanaM bhuvanaM nAma santyaja |
• ahaM brahmeti nizcitya ahaM bhAvaM parityaja || 3||
• sarvamevaM layaM yAti svayameva patatrivat |
• svayameva layaM yAti suptahastasthapadmavat || 4||
• na tvaM nAhaM na prapaJcaH sarvaM brahmaiva kevalam |
• na bhUtaM na ca kAryaM ca sarvaM brahmaiva kevalam || 5||
• na daivaM na ca kAryANi na dehaM nendriyANi ca |
• na jAgranna ca vA svapno na suSuptirna turyakam || 6||
• idaM prapaJcaM nAstyeva sarvaM brahmeti nizcinu |
• sarvaM mithyA sadA mithyA sarvaM brahmeti nizcinu || 7||
• sadA brahma vicAraM ca sarvaM brahmeti nizcinu |
• tathA dvaitapratItizca sarvaM brahmeti nizcinu || 8||
• sadAhaM bhAvarUpaM ca sarvaM brahmeti nizcinu |
• nityAnityavivekaM ca sarvaM brahmeti nizcinu || 9||
• bhAvAbhAvapratItiM ca sarvaM brahmeti nizcinu |
• guNadoSavibhAgaM ca sarvaM brahmeti nizcinu || 10||
• kAlAkAlavibhAgaM ca sarvaM brahmeti nizcinu |
• ahaM jIvetyanubhavaM sarvaM brahmeti nizcinu || 11||
• ahaM mukto'smyanubhavaM sarvaM brahmeti nizcinu |
• sarvaM brahmeti kalanaM sarvaM brahmeti nizcinu || 12||
• sarvaM nAstIti vArtA ca sarvaM brahmeti nizcinu |
• devatAntarasattAkaM sarvaM brahmeti nizcinu || 13||
• devatAntarapUjA ca sarvaM brahmeti nizcinu |
• deho'hamiti saGkalpaM sarvaM brahmeti nizcinu || 14||
• brahmAhamiti saGkalpaM sarvaM brahmeti nizcinu |
• guruziSyAdi saGkalpaM sarvaM brahmeti nizcinu || 15||
• tulyAtulyAdi saGkalpaM sarvaM brahmeti nizcinu |
• vedazAstrAdi saGkalpaM sarvaM brahmeti nizcinu || 16||
• cittasattAdi saGkalpaM sarvaM brahmeti nizcinu |
• buddhinizcayasaGkalpaM sarvaM brahmeti nizcinu || 17||
• manovikalpasaGkalpaM sarvaM brahmeti nizcinu |
• ahaMkArAdi saGkalpaM sarvaM brahmeti nizcinu || 18||
• paJcabhUtAdisaGkalpaM sarvaM brahmeti nizcinu |
• zabdAdisattAsaGkalpaM sarvaM brahmeti nizcinu || 19||
• dRgvArtAdikasaGkalpaM sarvaM brahmeti nizcinu |
• karmendriyAdisaGkalpaM sarvaM brahmeti nizcinu || 20||
• vacanAdAnasaGkalpaM sarvaM brahmeti nizcinu |
• munIndropendrasaGkalpaM sarvaM brahmeti nizcinu || 21||
• manobuddhyAdisaGkalpaM sarvaM brahmeti nizcinu |
• saGkalpAdhyAsa ityAdi sarvaM brahmeti nizcinu || 22||
• rudrakSetrAdi saGkalpaM sarvaM brahmeti nizcinu |
• prANAdidazasaGkalpaM sarvaM brahmeti nizcinu || 23||
• mAyA vidyA dehajIvAH sarvaM brahmeti nizcinu |
• sthUlavyaSTAdisaGkalpaM sarvaM brahmeti nizcinu || 24||
• sUkSmavyaSTisamaSTyAdi sarvaM brahmeti nizcinu |
• vyaSTyajJAnAdi saGkalpaM sarvaM brahmeti nizcinu || 25||
• vizvavaizvAnaratvaM ca sarvaM brahmeti nizcinu |
• taijasaprAjJabhedaM ca sarvaM brahmeti nizcinu || 26||
• vAcyArthaM cApi lakSyArthaM sarvaM brahmeti nizcinu |
• jahallakSaNayAnaikyaM ajahallakSaNA dhruvam || 27||
• bhAgatyAgena nityaikyaM sarvaM brahma upAdhikam |
• lakSyaM ca nirupAdhyaikyaM sarvaM brahmeti nizcinu || 28||
• evamAhurmahAtmAnaH sarvaM brahmeti kevalam |
• sarvamantaH parityajya ahaM brahmeti bhAvaya || 29||
• asaGkalitakApilairmadhuharAkSipUjyAmbuja-
• prabhAGghrijanimottamo pariSicedyadinduprabham |
• taM DiNDIranibhottamottama mahAkhaNDAjyadadhnA paraM
• kSIrAdyairabhiSicya muktiparamAnandaM labhe zAmbhavam || 30||

• || iti zrIzivarahasye zaGkarAkhye SaSThAMze RbhunidAghasaMvAde cittavRttinirodhaprakaraNaM nAma catvAriMzo'dhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com