RbhugItA 30 || brahmaika-rUpatva nirUpaNa prakaraNam ||

RbhuH -

• vakSye paraM brahmamAtraM jagatsantyAgapUrvakam |
• sakRcchravaNamAtreNa brahmabhAvaM paraM labhet || 1||
• brahma brahmaparaM mAtraM nirguNaM nityanirmalam |
• zAzvataM samamatyantaM brahmaNo'nyanna vidyate || 2||
• ahaM satyaH parAnandaH zuddho nityo niraJjanaH |
• sarvaM brahma na sandehastadbrahmAhaM na saMzayaH || 3||
• akhaNDaikarasaivAsmi paripUrNo'smi sarvadA |
• brahmaiva sarvaM nAnyo'sti sarvaM brahma na saMzayaH || 4||
• sarvadA kevalAtmAhaM sarvaM brahmeti nityazaH |
• AnandarUpamevAhaM nAnyat kiJcinna zAzvatam || 5||
• zuddhAnandasvarUpo'haM zuddhavijJAnamAtmanaH |
• ekAkArasvarUpo'haM naikasattAvivarjitaH || 6||
• antarajJAnazuddho'hamahameva parAyaNam |
• sarvaM brahma na sandehastadbrahmAhaM na saMzayaH || 7||
• anekatattvahIno'haM ekatvaM ca na vidyate |
• sarvaM brahma na sandehastadbrahmAhaM na saMzayaH || 8||
• sarvaprakArarUpo'smi sarvaM ityapi varjitaH |
• sarvaM brahma na sandehastadbrahmAhaM na saMzayaH || 9||
• nirmalajJAnarUpo'hamahameva na vidyate |
• zuddhabrahmasvarUpo'haM vizuddhapadavarjitaH || 10||
• nityAnandasvarUpo'haM jJAnAnandamahaM sadA |
• sUkSmAt sUkSmataro'haM vai sUkSma ityAdivarjitaH || 11||
• akhaNDAnandamAtro'haM akhaNDAnandavigrahaH |
• sadA'mRtasvarUpo'haM sadA kaivalyavigrahaH || 12||
• brahmAnandamidaM sarvaM nAsti nAsti kadAcana |
• jIvatvadharmahIno'hamIzvaratvavivarjitaH || 13||
• vedazAstrasvarUpo'haM zAstrasmaraNakAraNam |
• jagatkAraNakAryaM ca brahmaviSNumahezvarAH || 14||
• vAcyavAcakabhedaM ca sthUlasUkSmazarIrakam |
• jAgratsvapnasuSuptAdyaprAjJataijasavizvakAH || 15||
• sarvazAstrasvarUpo'haM sarvAnandamahaM sadA |
• atItanAmarUpArtha atItaH sarvakalpanAt || 16||
• dvaitAdvaitaM sukhaM duHkhaM lAbhAlAbhau jayAjayau |
• sarvaM brahma na sandehastadbrahmAhaM na saMzayaH || 17||
• sAttvikaM rAjasaM bhedaM saMzayaM hRdayaM phalam |
• dRk dRSTaM sarvadraSTA ca bhUtabhautikadaivatam || 18||
• sarvaM brahma na sandehastadbrahmAhaM na saMzayaH |
• turyarUpamahaM sAkSAt jJAnarUpamahaM sadA || 19||
• ajJAnaM caiva nAstyeva tatkAryaM kutra vidyate |
• sarvaM brahma na sandehastadbrahmAhaM na saMzayaH || 20||
• cittavRttivilAsaM ca buddhInAmapi nAsti hi |
• dehasaGkalpahIno'haM buddhisaGkalpakalpanA || 21||
• sarvaM brahma na sandehastadbrahmAhaM na saMzayaH |
• buddhinizcayarUpo'haM nizcayaM ca galatyaho || 22||
• ahaMkAraM bahuvidhaM deho'hamiti bhAvanam |
• sarvaM brahma na sandehastadbrahmAhaM na saMzayaH || 23||
• brahmAhamapi kANo'haM badhiro'haM paro'smyaham |
• sarvaM brahma na sandehastadbrahmAhaM na saMzayaH || 24||
• deho'hamiti tAdAtmyaM dehasya paramAtmanaH |
• sarvaM brahma na sandehastadbrahmAhaM na saMzayaH || 25||
• sarvo'hamiti tAdAtmyaM sarvasya paramAtmanaH |
• iti bhAvaya yatnena brahmaivAhamiti prabho || 26||
• dRDhanizcayamevedaM satyaM satyamahaM param |
• dRDhanizcayamevAtra sadgurorvAkyanizcayam || 27||
• dRDhanizcayasAmrAjye tiSTha tiSTha sadA paraH |
• ahameva paraM brahma AtmAnandaprakAzakaH || 28||
• zivapUjA zivazcAhaM viSNurviSNuprapUjanam |
• yadyat saMvedyate kiJcit yadyannizcIyate kvacit || 29||
• tadeva tvaM tvamevAhaM ityevaM nAsti kiJcana |
• idaM cittamidaM dRzyaM ityevamiti nAsti hi || 30||
• sadasadbhAvazeSo'pi tattadbhedaM na vidyate |
• sukharUpamidaM sarvaM sukharUpamidaM na ca || 31||
• lakSabhedaM sakRdbhedaM sarvabhedaM na vidyate |
• brahmAnando na sandehastadbrahmAhaM na saMzayaH || 32||
• brahmabhedaM turyabhedaM jIvabhedamabhedakam |
• idameva hi notpannaM sarvadA nAsti kiJcana || 33||
• sa devamiti nirdezo nAsti nAstyeva sarvadA |
• asti cet kila vaktavyaM nAsti cet kathamucyate || 34||
• paraM vizeSameveti nAsti kiJcit sadA mayi |
• caJcalaM manazcaiva nAsti nAsti na saMzayaH || 35||
• evameva sadA pUrNo nirIhastiSTha zAntadhIH |
• sarvaM brahmAsmi pUrNo'smi evaM ca na kadAcana || 36||
• Anando'haM variSTho'haM brahmAsmItyapi nAsti hi |
• brahmAnandamahAnandamAtmAnandamakhaNDitam || 37||
• idaM paramahantA ca sarvadA nAsti kiJcana |
• idaM sarvamiti khyAti AnandaM neti no bhramaH || 38||
• sarvaM brahma na sandehastadbrahmAhaM na saMzayaH |
• lakSyalakSaNabhAvaM ca dRzyadarzanadRzyatA || 39||
• atyantAbhAvameveti sarvadAnubhavaM mahat |
• sarvaM brahma na sandehastadbrahmAhaM na saMzayaH || 40||
• guhyaM mantraM guNaM zAstraM satyaM zrotraM kalevaram |
• maraNaM jananaM kAryaM kAraNaM pAvanaM zubham || 41||
• kAmakrodhau lobhamohau mado mAtsaryameva hi |
• dvaitadoSaM bhayaM zokaM sarvaM nAstyeva sarvadA || 42||
• idaM nAstyeva nAstyeva nAstyeva sakalaM sukham |
• idaM brahmeti mananamahaM brahmeti cintanam || 43||
• ahaM brahmeti mananaM tvaM brahmatvavinAzanam |
• satyatvaM brahmavijJAnaM asatyatvaM na bAdhyate || 44||
• eka eva paro hyAtmA ekatvazrAntivarjitaH |
• sarvaM brahma sadA brahma tadbrahmAhaM na saMzayaH || 45||
• jIvarUpA jIvabhAvA jIvazabdatrayaM na hi |
• IzarUpaM cezabhAvaM IzazabdaM ca kalpitam || 46||
• nAkSaraM na ca sarvaM vA na padaM vAcyavAcakam |
• hRdayaM mantratantraM ca cittaM buddhirna kiJcana || 47||
• mUDho jJAnI vivekI vA zuddha ityapi nAsti hi |
• nizcayaM praNavaM tAraM AtmAyaM guruziSyakam || 48||
• tUSNIM tUSNIM mahAtUSNIM maunaM vA maunabhAvanam |
• prakAzanaM prakAzaM ca AtmAnAtmavivecanam || 49||
• dhyAnayogaM rAjayogaM bhogamaSTAGgalakSaNam |
• sarvaM brahma na sandehastadbrahmAhaM na saMzayaH || 50||
• astitvabhASaNaM cApi nAstitvasya ca bhASaNam |
• paJcAzadvarNarUpo'haM catuHSaSTikalAtmakaH || 51||
• sarvaM brahma na sandehastadbrahmAhaM na saMzayaH |
• brahmaivAhaM prasannAtmA brahmaivAhaM cidavyayaH || 52||
• zAstrajJAnavidUro'haM vedajJAnavidUrakaH |
• uktaM sarvaM paraM brahma nAsti sandehalezataH || 53||
• sarvaM brahma na sandehastadbrahmAhaM na saMzayaH |
• brahmaivAhaM prasannAtmA brahmaivAhaM cidavyayaH || 54||
• ityevaM brahmatanmAtraM tatra tubhyaM priyaM tataH |
• yastu buddhyeta satataM sarvaM brahma na saMzayaH |
• nityaM zRNvanti ye martyAste cinmAtramayAmalAH || 55||
• sandehasandehakaro'ryakAsvakaiH
• karAdisandohajagadvikAribhiH |
• yo vItamohaM na karoti durhRdaM
• videhamuktiM zivadRkprabhAvataH || 56||

• || iti zrIzivarahasye zaGkarAkhye SaSThAMze RbhunidAghasaMvAde brahmaikarUpatvanirUpaNaprakaraNaM nAma triMzo'dhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com