ಋಭುಗೀತಾ ೩೨ ॥ ಸರ್ವ-ಮಿಥ್ಯಾತ್ವ ನಿರೂಪಣ ಪ್ರಕರಣಮ್ ॥

ಋಭುಃ -

• ವಕ್ಷ್ಯೇ ಪುನರಸತ್ತ್ಯಾಗಂ ಬ್ರಹ್ಮನಿಶ್ಚಯಮೇವ ಚ ।
• ಯಸ್ಯ ಶ್ರವಣಮಾತ್ರೇಣ ಸದ್ಯೋ ಮುಕ್ತೋ ಭವೇನ್ನರಃ ॥ ೧॥
• ಚಿತ್ತಸತ್ತಾ ಮನಃಸತ್ತಾ ಬ್ರಹ್ಮಸತ್ತಾಽನ್ಯಥಾ ಸ್ಥಿತಾ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೨॥
• ದೇಹಸತ್ತಾ ಲಿಙ್ಗಸತ್ತಾ ಭಾವಸತ್ತಾಽಕ್ಷರಾ ಸ್ಥಿತಾ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೩॥
• ದೃಶ್ಯಂ ಚ ದರ್ಶನಂ ದೃಷ್ಟಾ ಕರ್ತಾ ಕಾರಯಿತಾ ಕ್ರಿಯಾ ।var was ದ್ರಷ್ಟಾ
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೪॥
• ಏಕಂ ದ್ವಿತ್ವಂ ಪೃಥಗ್ಭಾವಂ ಅಸ್ತಿ ನಾಸ್ತೀತಿ ನಿರ್ಣಯಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೫॥
• ಶಾಸ್ತ್ರಭೇದಂ ವೇದಭೇದಂ ಮುಕ್ತೀನಾಂ ಭೇದಭಾವನಮ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೬॥
• ಜಾತಿಭೇದಂ ವರ್ಣಭೇದಂ ಶುದ್ಧಾಶುದ್ಧವಿನಿರ್ಣಯಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೭॥
• ಅಖಣ್ಡಾಕಾರವೃತ್ತಿಶ್ಚ ಅಖಣ್ಡೈಕರಸಂ ಪರಮ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೮॥
• ಪರಾಪರವಿಕಲ್ಪಶ್ಚ ಪುಣ್ಯಪಾಪವಿಕಲ್ಪನಮ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೯॥
• ಕಲ್ಪನಾಕಲ್ಪನಾದ್ವೈತಂ ಮನೋಕಲ್ಪನಭಾವನಮ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೧೦॥
• ಸಿದ್ಧಂ ಸಾಧ್ಯಂ ಸಾಧನಂ ಚ ನಾಶನಂ ಬ್ರಹ್ಮಭಾವನಮ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೧೧॥
• ಆತ್ಮಜ್ಞಾನಂ ಮನೋಧರ್ಮಂ ಮನೋಽಭಾವೇ ಕುತೋ ಭವೇತ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೧೨॥
• ಅಜ್ಞಾನಂ ಚ ಮನೋಧರ್ಮಸ್ತದಭಾವೇ ಚ ತತ್ಕುತಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೧೩॥
• ಶಮೋ ದಮೋ ಮನೋಧರ್ಮಸ್ತದಭಾವೇ ಚ ತತ್ಕುತಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೧೪॥
• ಬನ್ಧಮೋಕ್ಷೌ ಮನೋಧರ್ಮೌ ತದಭಾವೇ ಕುತೋ ಭವೇತ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೧೫॥
• ಸರ್ವಂ ಮಿಥ್ಯಾ ಜಗನ್ಮಿಥ್ಯಾ ದೇಹೋ ಮಿಥ್ಯಾ ಜಡತ್ವತಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೧೬॥
• ಬ್ರಹ್ಮಲೋಕಃ ಸದಾ ಮಿಥ್ಯಾ ಬುದ್ಧಿರೂಪಂ ತದೇವ ಹಿ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೧೭॥
• ವಿಷ್ಣುಲೋಕಃ ಸದಾ ಮಿಥ್ಯಾ ಶಿವಮೇವ ಹಿ ಸರ್ವದಾ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೧೮॥
• ರುದ್ರಲೋಕಃ ಸದಾ ಮಿಥ್ಯಾ ಅಹಂಕಾರಸ್ವರೂಪತಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೧೯॥
• ಚನ್ದ್ರಲೋಕಃ ಸದಾ ಮಿಥ್ಯಾ ಮನೋರೂಪವಿಕಲ್ಪನಮ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೨೦॥
• ದಿಶೋ ಲೋಕಃ ಸದಾ ಮಿಥ್ಯಾ ಶ್ರೋತ್ರಶಬ್ದಸಮನ್ವಿತಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೨೧॥
• ಸೂರ್ಯಲೋಕಃ ಸದಾ ಮಿಥ್ಯಾ ನೇತ್ರರೂಪಸಮನ್ವಿತಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೨೨॥
• ವರುಣಸ್ಯ ಸದಾ ಲೋಕೋ ಜಿಹ್ವಾರಸಸಮನ್ವಿತಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೨೩॥
• ತ್ವಚೋ ಲೋಕಃ ಸದಾ ಮಿಥ್ಯಾ ವಾಯೋಃ ಸ್ಪರ್ಶಸಮನ್ವಿತಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೨೪॥
• ಅಶ್ವಿನೋರ್ಘ್ರಾಣಲೋಕಶ್ಚ ಗನ್ಧದ್ವೈತಸಮನ್ವಿತಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೨೫॥
• ಅಗ್ನೇರ್ಲೋಕಃ ಸದಾ ಮಿಥ್ಯಾ ವಾಗೇವ ವಚನೇನ ತತ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೨೬॥
• ಇನ್ದ್ರಲೋಕಃ ಸದಾ ಮಿಥ್ಯಾ ಪಾಣಿಪಾದೇನ ಸಂಯುತಃ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೨೭॥
• ಉಪೇನ್ದ್ರಸ್ಯ ಮಹರ್ಲೋಕೋ ಗಮನೇನ ಪದಂ ಯುತಮ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೨೮॥
• ಮೃತ್ಯುರೇವ ಸದಾ ನಾಸ್ತಿ ಪಾಯುರೇವ ವಿಸರ್ಗಕಮ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೨೯॥
• ಪ್ರಜಾಪತೇರ್ಮಹರ್ಲೋಕೋ ಗುಹ್ಯಮಾನನ್ದಸಂಯುತಮ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೩೦॥
• ಸರ್ವಂ ಮಿಥ್ಯಾ ನ ಸನ್ದೇಹಃ ಸರ್ವಮಾತ್ಮೇತಿ ನಿಶ್ಚಿತಮ್ ।
• ತಿತಿಕ್ಷೋಶ್ಚ ಸಮಾಧಾನಂ ಶ್ರದ್ಧಾ ಚಾಚಾರ್ಯಭಾಷಣೇ ॥ ೩೧॥
• ಮುಮುಕ್ಷುತ್ವಂ ಚ ಮೋಕ್ಷಶ್ಚ ಮೋಕ್ಷಾರ್ಥೇ ಮಮ ಜೀವನೇ ।
• ಚತುಃಸಾಧನಸಂಪನ್ನಃ ಸೋಽಧಿಕಾರೀತಿ ನಿಶ್ಚಯಃ ॥ ೩೨॥
• ಜೀವಬ್ರಹ್ಮೈಕ್ಯಸದ್ಭಾವಂ ವಿಯದ್ಬ್ರಹ್ಮೇತಿ ನಿಶ್ಚಯಃ ।
• ವೇದಾನ್ತಬ್ರಹ್ಮಣೋ ಬೋಧ್ಯಂ ಬೋಧಕಂ ಬನ್ಧಮುಚ್ಯತೇ ॥ ೩೩॥
• ಸರ್ವಜ್ಞಾನನಿರ್ವೃತ್ತಿಶ್ಚೇದಾನನ್ದಾವಾಪ್ತಿಕಂ ಫಲಮ್ ।var was ನಿವೃತ್ತಿ
• ಇತ್ಯೇವಮಾದಿಭಿಃ ಶಬ್ದೈಃ ಪ್ರೋಕ್ತಂ ಸರ್ವಮಸತ್ ಸದಾ ॥ ೩೪॥
• ಸರ್ವಶಬ್ದಾರ್ಥರೂಪಂ ಚ ನಿಶ್ಚಯಂ ಭಾವನಂ ತಥಾ ।
• ಬ್ರಹ್ಮಮಾತ್ರಂ ಪರಂ ಸತ್ಯಮನ್ಯತ್ ಸರ್ವಮಸತ್ ಸದಾ ॥ ೩೫॥
• ಅನೇಕಶಬ್ದಶ್ರವಣಮನೇಕಾರ್ಥವಿಚಾರಣಮ್ ।
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮೈವಾಹಂ ನ ಸಂಶಯಃ ॥ ೩೬॥
• ನಾನುಧ್ಯಾಯಾದ್ಬ್ರಹ್ಮಶಬ್ದಾನ್ ಇತ್ಯುಕ್ತ್ವಾ ಹ ಮಹಾನಸಿ ।
• ಬ್ರಹ್ಮೋಪದೇಶಕಾಲೇ ತು ಸರ್ವಂ ಚೋಕ್ತಂ ನ ಸಂಶಯಃ ॥ ೩೭॥
• ಬ್ರಹ್ಮೈವಾಹಮಿದಂ ದ್ವೈತಂ ಚಿತ್ತಸತ್ತಾವಿಭಾವನಮ್ ।
• ಚಿನ್ಮಾತ್ರೋಽಹಮಿದಂ ದ್ವೈತಂ ಜೀವಬ್ರಹ್ಮೇತಿ ಭಾವನಮ್ ॥ ೩೮॥
• ಅಹಂ ಚಿನ್ಮಾತ್ರಮನ್ತ್ರಂ ವಾ ಕಾರ್ಯಕಾರಣಚಿನ್ತನಮ್ ।
• ಅಕ್ಷಯಾನನ್ದವಿಜ್ಞಾನಮಖಣ್ಡೈಕರಸಾದ್ವಯಮ್ ॥ ೩೯॥
• ಪರಂ ಬ್ರಹ್ಮ ಇದಂ ಬ್ರಹ್ಮ ಶಾನ್ತಂ ಬ್ರಹ್ಮ ಸ್ವಯಂ ಜಗತ್ ।
• ಅನ್ತರಿನ್ದ್ರಿಯವಿಜ್ಞಾನಂ ಬಾಹ್ಯೇನ್ದ್ರಿಯನಿರೋಧನಮ್ ॥ ೪೦॥
• ಸರ್ವೋಪದೇಶಕಾಲಂ ಚ ಸಾಮ್ಯಂ ಶೇಷಂ ಮಹೋದಯಮ್ ।
• ಭೂಮಿರಾಪೋಽನಲೋ ವಾಯುಃ ಖಂ ಮನೋ ಬುದ್ಧಿರೇವ ಚ ॥ ೪೧॥
• ಕಾರಣಂ ಕಾರ್ಯಭೇದಂ ಚ ಶಾಸ್ತ್ರಮಾರ್ಗೈಕಕಲ್ಪನಮ್ ।
• ಅಹಂ ಬ್ರಹ್ಮ ಇದಂ ಬ್ರಹ್ಮ ಸರ್ವಂ ಬ್ರಹ್ಮೇತಿ ಶಬ್ದತಃ ॥ ೪೨॥
• ಸತ್ಯರೂಪಂ ಕ್ವಚಿನ್ನಾಸ್ತಿ ಸತ್ಯಂ ನಾಮ ಕದಾ ನಹಿ ।
• ಸಂಶಯಂ ಚ ವಿಪರ್ಯಾಸಂ ಸಙ್ಕಲ್ಪಃ ಕಾರಣಂ ಭ್ರಮಃ ॥ ೪೩॥
• ಆತ್ಮನೋಽನ್ಯತ್ ಕ್ವಚಿನ್ನಾಸ್ತಿ ಸರ್ವಂ ಮಿಥ್ಯಾ ನ ಸಂಶಯಃ ।
• ಮಹತಾಂ ಹ್ಯದ್ಯತೇ ಮನ್ತ್ರೀ ಮೇಧಾಶುದ್ಧಿಶುಭಾಶುಭಮ್ ॥ ೪೪॥
• ದೇಶಭೇದಂ ವಸ್ತುಭೇದಂ ನ ಚ ಚೈತನ್ಯಭೇದಕಮ್ ।
• ಆತ್ಮನೋಽನ್ಯತ್ ಪೃಥಗ್ಭಾವಮಾತ್ಮನೋಽನ್ಯನ್ನಿರೂಪಣಮ್ ॥ ೪೫॥
• ಆತ್ಮನೋಽನ್ಯನ್ನಾಮರೂಪಮಾತ್ಮನೋಽನ್ಯಚ್ಛುಭಾಶುಭಮ್ ।
• ಆತ್ಮನೋಽನ್ಯದ್ವಸ್ತುಸತ್ತಾ ಆತ್ಮನೋಽನ್ಯಜ್ಜಗತ್ತ್ರಯಮ್ ॥ ೪೬॥
• ಆತ್ಮನೋಽನ್ಯತ್ ಸುಃಖಂ ದುಃಖಮಾತ್ಮನೋಽನ್ಯದ್ವಿಚಿನ್ತನಮ್ ।
• ಆತ್ಮನೋಽನ್ಯತ್ಪ್ರಪಞ್ಚಂ ವಾ ಆತ್ಮನೋಽನ್ಯಜ್ಜಯಾಜಯೌ ॥ ೪೭॥
• ಆತ್ಮನೋಽನ್ಯದ್ದೇವಪೂಜಾ ಆತ್ಮನೋಽನ್ಯಚ್ಛಿವಾರ್ಚನಮ್ ।
• ಆತ್ಮನೋಽನ್ಯನ್ಮಹಾಧ್ಯಾನಮಾತ್ಮನೋಽನ್ಯತ್ ಕಲಾಕ್ರಮಮ್ ॥ ೪೮॥
• ಸರ್ವಂ ಮಿಥ್ಯಾ ನ ಸನ್ದೇಹೋ ಬ್ರಹ್ಮ ಸರ್ವಂ ನ ಸಂಶಯಃ ।
• ಸರ್ವಮುಕ್ತಂ ಭಗವತಾ ನಿದಿಧ್ಯಾಸಸ್ತು ಸರ್ವದಾ ॥ ೪೯॥
• ಸಕೃಚ್ಛ್ರವಣಮಾತ್ರೇಣ ಹೃದಯಗ್ರನ್ಥಿರನ್ತಿಮಮ್ ।
• ಕರ್ಮನಾಶಂ ಚ ಮೂಢಾನಾಂ ಮಹತಾಂ ಮುಕ್ತಿರೇವ ಹಿ ॥ ೫೦॥
• ಅನೇಕಕೋಟಿಜನನಪಾತಕಂ ಭಸ್ಮಸಾದ್ಭವೇತ್ ।
• ಸತ್ಯಂ ಸತ್ಯಂ ಪುನಃ ಸತ್ಯಂ ಸತ್ಯಂ ಸರ್ವಂ ವಿನಶ್ಯತಿ ।
• ಸದ್ಯೋ ಮುಕ್ತಿರ್ನ ಸನ್ದೇಹೋ ನಾಸ್ತಿ ಮಙ್ಗಲಮಙ್ಗಲಮ್ ॥ ೫೧॥
• ಕ್ವ ಭೇದಭಾವದರ್ಶನಂ ನ ಚೈವ ಶೋಕಮೋಹಹೃತ್
• ಪ್ರಪಶ್ಯತಾಂ ಶ್ರುತೇ ಶಿಖಾವಿಶೇಷಮೈಕ್ಯಭಾವನಾತ್ ।
• ಯತೋ ಭವೇಜ್ಜಗಾದ ತಂ ಮಹೇಶ ಯೇನ ಜೀವಿತಂ
• ಯದನ್ತರಾಽವಿಶತ್ ಸದಾ ಯಥೋರ್ಣನಾಭತನ್ತುವತ್ ॥ ೫೨॥

• ॥ ಇತಿ ಶ್ರೀಶಿವರಹಸ್ಯೇ ಶಙ್ಕರಾಖ್ಯೇ ಷಷ್ಠಾಂಶೇ ಋಭುನಿದಾಘಸಂವಾದೇ ಸರ್ವಮಿಥ್ಯಾತ್ವನಿರೂಪಣಪ್ರಕರಣಂ ನಾಮ ದ್ವಾತ್ರಿಂಶೋಽಧ್ಯಾಯಃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com