ಋಭುಗೀತಾ ೪ ॥ ಋಭು-ನಿದಾಧ ಸಂವಾದಃ ॥

ಸ್ಕನ್ದಃ -

• ಹಿಮಾದ್ರಿಶಿಖರೇ ತತ್ರ ಕೇದಾರೇ ಸಂಸ್ಥಿತಂ ಋಭುಮ್ ।
• ಕೇದಾರೇಶಂ ಪೂಜಯನ್ತಂ ಶಾಂಭವಂ ಮುನಿಸತ್ತಮಮ್ ।
• ಭಸ್ಮರುದ್ರಾಕ್ಷಸಂಪನ್ನಂ ನಿಃಸ್ಪೃಹಂ ಮುನಯೋಽಬ್ರುವನ್ ॥ ೧॥

ಮುನಯಃ -

• ಪದ್ಮೋದ್ಭವಸುತಶ್ರೇಷ್ಠ ತ್ವಯಾ ಕೈಲಾಸಪರ್ವತೇ ।
• ಆರಾಧ್ಯ ದೇವಮೀಶಾನಂ ತಸ್ಮಾತ್ ಸೂತ್ರಶ್ರುತೀರಿತಮ್ ॥ ೨॥
• ಜ್ಞಾನಂ ಲಬ್ಧಂ ಮುನಿಶ್ರೇಷ್ಠ ತ್ವಂ ನೋ ಬ್ರೂಹಿ ವಿಮುಕ್ತಯೇ ।
• ಯೇನ ಸಂಸಾರವಾರಾಶೇಃ ಸಮುತ್ತೀರ್ಣಾ ಭವಾಮಹೇ ॥ ೩॥

ಸೂತಃ -

• ಋಭುರ್ಮುನೀನಾಂ ವಚಸಾ ತುಷ್ಟಃ ಶಿಷ್ಟಾನ್ ಸಮೀಕ್ಷ್ಯ ತಾನ್ ।
• ಅಷ್ಟಮೂರ್ತಿಪದಧ್ಯಾನನಿಷ್ಠಾಂಸ್ತಾನಭ್ಯುವಾಚ ಹ ॥ ೪॥

ಋಭುಃ -

• ವಿಶ್ವಸ್ಯ ಕಾರಣಮುಮಾಪತಿರೇವ ದೇವೋ
• ವಿದ್ಯೋತಕೋ ಜಡಜಗತ್ಪ್ರಮದೈಕಹೇತುಃ ।
• ನ ತಸ್ಯ ಕಾರ್ಯಂ ಕರಣಂ ಮಹೇಶಿತುಃ
• ಸ ಏವ ತತ್ಕಾರಣಮೀಶ್ವರೋ ಹರಃ ॥ ೮॥
• ಸೂತಃ ಸಾಯಕಸಂಭವಃ ಸಮುದಿತಾಃ ಸೂತಾನನೇಭ್ಯೋ ಹಯಾಃ
• ನೇತ್ರೇ ತೇ ರಥಿನೋ ರಥಾಙ್ಗಯುಗಲೀ ಯುಗ್ಯಾನ್ತಮೃಗ್ಯೋ ರಥೀ ।
• ಮೌವೀಮೂರ್ಧ್ನಿ ರಥಃ ಸ್ಥಿತೋ ರಥವಹಶ್ಚಾಪಂ ಶರವ್ಯಂ ಪುರಃ
• ಯೋದ್ಧುಂ ಕೇಶಚರಾಃ ಸ ಏವ ನಿಖಿಲಸ್ಥಾಣೋರಣುಃ ಪಾತು ವಃ ॥ ೯॥var was ನಃ
• ನಿದಾಘಮಥ ಸಂಬೋಧ್ಯ ತತೋ ಋಭುರುವಾಚ ಹ ।
• ಅಧ್ಯಾತ್ಮನಿರ್ಣಯಂ ವಕ್ಷ್ಯೇ ನಾಸ್ತಿ ಕಾಲತ್ರಯೇಷ್ವಪಿ ॥ ೧೦॥
• ಶಿವೋಪದಿಷ್ಟಂ ಸಂಕ್ಷಿಪ್ಯ ಗುಹ್ಯಾತ್ ಗುಹ್ಯತರಂ ಸದಾ ।
• ಅನಾತ್ಮೇತಿ ಪ್ರಸಙ್ಗಾತ್ಮಾ ಅನಾತ್ಮೇತಿ ಮನೋಽಪಿ ವಾ ।
• ಅನಾತ್ಮೇತಿ ಜಗದ್ವಾಪಿ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೧೧॥
• ಸರ್ವಸಂಕಲ್ಪಶೂನ್ಯತ್ವಾತ್ ಸರ್ವಾಕಾರವಿವರ್ಜನಾತ್
• ಕೇವಲಂ ಬ್ರಹ್ಮಭಾವತ್ವಾತ್ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೧೨॥
• ಚಿತ್ತಾಭಾವೇ ಚಿನ್ತನೀಯೋ ದೇಹಾಭಾವೇ ಜರಾ ಚ ನ ।
• ಕೇವಲಂ ಬ್ರಹ್ಮಭಾವತ್ವಾತ್ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೧೩॥var was ಬ್ರಹ್ಮಮಾತ್ರತ್ವಾತ್
• ಪಾದಾಭಾವಾದ್ಗತಿರ್ನಾಸ್ತಿ ಹಸ್ತಾಭಾವಾತ್ ಕ್ರಿಯಾ ಚ ನ ।
• ಕೇವಲಂ ಬ್ರಹ್ಮಭಾವತ್ವಾತ್ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೧೪॥var was ಬ್ರಹ್ಮಮಾತ್ರತ್ವಾತ್
• ಬ್ರಹ್ಮಾಭಾವಾಜ್ಜಗನ್ನಾಸ್ತಿ ತದಭಾವೇ ಹರಿರ್ನ ಚ ।
• ಕೇವಲಂ ಬ್ರಹ್ಮಭಾವತ್ವಾತ್ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೧೫॥var was ಬ್ರಹ್ಮಮಾತ್ರತ್ವಾತ್
• ಮೃತ್ಯುರ್ನಾಸ್ತಿ ಜರಾಭಾವೇ ಲೋಕವೇದದುರಾಧಿಕಮ್ ।
• ಕೇವಲಂ ಬ್ರಹ್ಮಭಾವತ್ವಾತ್ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೧೬॥var was ಬ್ರಹ್ಮಮಾತ್ರತ್ವಾತ್
• ಧರ್ಮೋ ನಾಸ್ತಿ ಶುಚಿರ್ನಾಸ್ತಿ ಸತ್ಯಂ ನಾಸ್ತಿ ಭಯಂ ನ ಚ ।
• ಕೇವಲಂ ಬ್ರಹ್ಮಭಾವತ್ವಾತ್ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೧೭॥var was ಬ್ರಹ್ಮಮಾತ್ರತ್ವಾತ್
• ಅಕ್ಷರೋಚ್ಚಾರಣಂ ನಾಸ್ತಿ ಅಕ್ಷರತ್ಯಜಡಂ ಮಮ ।
• ಕೇವಲಂ ಬ್ರಹ್ಮಭಾವತ್ವಾತ್ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೧೮॥var was ಬ್ರಹ್ಮಮಾತ್ರತ್ವಾತ್
• ಗುರುರಿತ್ಯಪಿ ನಾಸ್ತ್ಯೇವ ಶಿಷ್ಯೋ ನಾಸ್ತೀತಿ ತತ್ತ್ವತಃ ।
• ಕೇವಲಂ ಬ್ರಹ್ಮಭಾವತ್ವಾತ್ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೧೯॥var was ಬ್ರಹ್ಮಮಾತ್ರತ್ವಾತ್
• ಏಕಾಭಾವಾನ್ನ ದ್ವಿತೀಯಂ ನ ದ್ವಿತೀಯಾನ್ನ ಚೈಕತಾ ।
• ಸತ್ಯತ್ವಮಸ್ತಿ ಚೇತ್ ಕಿಞ್ಚಿದಸತ್ಯತ್ವಂ ಚ ಸಂಭವೇತ್ ॥ ೨೦॥
• ಅಸತ್ಯತ್ವಂ ಯದಿ ಭವೇತ್ ಸತ್ಯತ್ವಂ ಚ ಘಟಿಷ್ಯತಿ ।
• ಶುಭಂ ಯದ್ಯಶುಭಂ ವಿದ್ಧಿ ಅಶುಭಂ ಶುಭಮಸ್ತಿ ಚೇತ್ ॥ ೨೧॥
• ಭಯಂ ಯದ್ಯಭಯಂ ವಿದ್ಧಿ ಅಭಯಾದ್ಭಯಮಾಪತೇತ್ ।
• ಕೇವಲಂ ಬ್ರಹ್ಮಭಾವತ್ವಾತ್ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೨೨॥var was ಬ್ರಹ್ಮಮಾತ್ರತ್ವಾತ್
• ಬದ್ಧತ್ವಮಸ್ತಿ ಚೇನ್ಮೋಕ್ಷೋ ಬನ್ಧಾಭಾವೇ ನ ಮೋಕ್ಷತಾ ।
• ಮರಣಂ ಯದಿ ಚೇಜ್ಜನ್ಮ ಜನ್ಮಾಭಾವೇ ಮೃತಿರ್ನ ಚ ॥ ೨೩॥
• ತ್ವಮಿತ್ಯಪಿ ಭವೇಚ್ಚಾಹಂ ತ್ವಂ ನೋ ಚೇದಹಮೇವ ನ ।
• ಇದಂ ಯದಿ ತದೇವಾಪಿ ತದಭಾವೇ ಇದಂ ನ ಚ ॥ ೨೪॥
• ಅಸ್ತಿ ಚೇದಿತಿ ತನ್ನಾಸ್ತಿ ನಾಸ್ತಿ ಚೇದಸ್ತಿ ಕಿಂಚ ನ ।
• ಕಾರ್ಯಂ ಚೇತ್ ಕಾರಣಂ ಕಿಞ್ಚಿತ್ ಕಾರ್ಯಾಭಾವೇ ನ ಕಾರಣಮ್ ॥ ೨೫॥
• ದ್ವೈತಂ ಯದಿ ತದಾಽದ್ವೈತಂ ದ್ವೈತಾಭಾವೇಽದ್ವಯಂ ಚ ನ ।
• ದೃಶ್ಯಂ ಯದಿ ದೃಗಪ್ಯಸ್ತಿ ದೃಶ್ಯಾಭಾವೇ ದೃಗೇವ ನ ॥ ೨೬॥
• ಅನ್ತರ್ಯದಿ ಬಹಿಃ ಸತ್ಯಮನ್ತಾಭಾವೇ ಬಹಿರ್ನ ಚ ।
• ಪೂರ್ಣತ್ವಮಸ್ತಿ ಚೇತ್ ಕಿಂಚಿದಪೂರ್ಣತ್ವಂ ಪ್ರಸಜ್ಯತೇ ॥ ೨೭॥
• ಕಿಞ್ಚಿದಸ್ತೀತಿ ಚೇಚ್ಚಿತ್ತೇ ಸರ್ವಂ ಭವತಿ ಶೀಘ್ರತಃ ।
• ಯತ್ಕಿಂಚಿತ್ ಕಿಮಪಿ ಕ್ವಾಪಿ ನಾಸ್ತಿ ಚೇನ್ನ ಪ್ರಸಜ್ಯತಿ ॥ ೨೮॥
• ತಸ್ಮಾದೇತತ್ ಕ್ವಚಿನ್ನಾಸ್ತಿ ತ್ವಂ ನಾಹಂ ವಾ ಇಮೇ ಇದಮ್ ।
• ಕೇವಲಂ ಬ್ರಹ್ಮಭಾವತ್ವಾತ್ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೨೯॥var was ಬ್ರಹ್ಮಮಾತ್ರತ್ವಾತ್
• ನಾಸ್ತಿ ದೃಷ್ಟಾನ್ತಕಂ ಲೋಕೇ ನಾಸ್ತಿ ದಾರ್ಷ್ಟಾನ್ತಿಕಂ ಕ್ವಚಿತ್ ।
• ಕೇವಲಂ ಬ್ರಹ್ಮಭಾವತ್ವಾತ್ ನಾಸ್ತ್ಯನಾತ್ಮೇತಿ ನಿಶ್ಚಿನು ॥ ೩೦॥var was ಬ್ರಹ್ಮಮಾತ್ರತ್ವಾತ್
• ಪರಂ ಬ್ರಹ್ಮಾಹಮಸ್ಮೀತಿ ಸ್ಮರಣಸ್ಯ ಮನೋ ನ ಹಿ ।
• ಬ್ರಹ್ಮಮಾತ್ರಂ ಜಗದಿದಂ ಬ್ರಹ್ಮಮಾತ್ರತ್ವಮಪ್ಯ ಹಿ ॥ ೩೧॥
• ಚಿನ್ಮಾತ್ರಂ ಕೇವಲಂ ಚಾಹಂ ನಾಸ್ತ್ಯನಾತ್ಮೇತಿ ನಿಶ್ಚಿನು ।
• ಇತ್ಯಾತ್ಮನಿರ್ಣಯಂ ಪ್ರೋಕ್ತಂ ಭವತೇ ಸರ್ವಸಙ್ಗ್ರಹಮ್ ॥ ೩೨॥var was ನಿರ್ಣ್ಯಃ ಪ್ರೋಕ್ತಃ
• ಸಕೃಚ್ಛ್ರವಣಮಾತ್ರೇಣ ಬ್ರಹ್ಮೈವ ಭವತಿ ಸ್ವಯಮ್ ॥ ೩೩॥
• ನಿದಾಘಃ-var was ಋಭುಃ-
• ಭಗವನ್ ಕೋ ಭವಾನ್ ಕೋ ನು ವದ ಮೇ ವದತಾಂ ವರ ।var was ನಿದಾಘ
• ಯಚ್ಛ್ರುತ್ವಾ ತತ್ಕ್ಷಣಾನ್ಮುಚ್ಯೇನ್ಮಹಾಸಂಸಾರಸಂಕಟಾತ್ ॥ ೩೪॥
• ಋಭುಃ-
• ಅಹಮೇವ ಪರಂ ಬ್ರಹ್ಮ ಅಹಮೇವ ಪರಂ ಸುಖಮ್ ।
• ಅಹಮೇವಾಹಮೇವಾಹಮಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೩೫॥
• ಅಹಂ ಚೈತನ್ಯಮೇವಾಸ್ಮಿ ದಿವ್ಯಜ್ಞಾನಾತ್ಮಕೋ ಹ್ಯಹಮ್ ।
• ಸರ್ವಾಕ್ಷರವಿಹೀನೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೩೬॥
• ಅಹಮರ್ಥವಿಹೀನೋಽಸ್ಮಿ ಇದಮರ್ಥವಿವರ್ಜಿತಃ ।
• ಸರ್ವಾನರ್ಥವಿಮುಕ್ತೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೩೭॥
• ನಿತ್ಯಶುದ್ಧೋಽಸ್ಮಿ ಬುದ್ಧೋಽಸ್ಮಿ ನಿತ್ಯೋಽಸ್ಮ್ಯತ್ಯನ್ತನಿರ್ಮಲಃ ।
• ನಿತ್ಯಾನದಸ್ವರೂಪೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೩೮॥
• ನಿತ್ಯಪೂರ್ಣಸ್ವರೂಪೋಽಸ್ಮಿ ಸಚ್ಚಿದಾನನ್ದಮಸ್ಮ್ಯಹಮ್ ।
• ಕೇವಲಾದ್ವೈತರೂಪೋಽಹಮಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೩೯॥
• ಅನಿರ್ದೇಶ್ಯಸ್ವರೂಪೋಽಸ್ಮಿ ಆದಿಹೀನೋಽಸ್ಮ್ಯನನ್ತಕಃ ।
• ಅಪ್ರಾಕೃತಸ್ವರೂಪೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೪೦॥
• ಸ್ವಸ್ವಸಂಕಲ್ಪಹೀನೋಽಹಂ ಸರ್ವಾವಿದ್ಯಾವಿವರ್ಜಿತಃ ।
• ಸರ್ವಮಸ್ಮಿ ತದೇವಾಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೪೧॥
• ಸರ್ವನಾಮಾದಿಹೀನೋಽಹಂ ಸರ್ವರೂಪವಿವರ್ಜಿತಃ ।
• ಸರ್ವಸಙ್ಗವಿಹೀನೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೪೨॥
• ಸರ್ವವಾಚಾಂ ವಿಧಿಶ್ಚಾಸ್ಮಿ ಸರ್ವವೇದಾವಧಿಃ ಪರಃ ।
• ಸರ್ವಕಾಲಾವಧಿಶ್ಚಾಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೪೩॥
• ಸರ್ವರೂಪಾವಧಿಶ್ಚಾಹಂ ಸರ್ವನಾಮಾವಧಿಃ ಸುಖಮ್ ।
• ಸರ್ವಕಲ್ಪಾವಧಿಶ್ಚಾಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೪೪॥
• ಅಹಮೇವ ಸುಖಂ ನಾನ್ಯದಹಮೇವ ಚಿದವ್ಯಯಃ ।
• ಅಹಮೇವಾಸ್ಮಿ ಸರ್ವತ್ರ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೪೫॥
• ಕೇವಲಂ ಬ್ರಹ್ಮಮಾತ್ರಾತ್ಮಾ ಕೇವಲಂ ಶುದ್ಧಚಿದ್ಘನಃ ।
• ಕೇವಲಾಖಣ್ಡೋಸಾರೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೪೬॥
• ಕೇವಲಂ ಜ್ಞಾನರೂಪೋಽಸ್ಮಿ ಕೇವಲಾಕಾರರೂಪವಾನ್ ।
• ಕೇವಲಾತ್ಯನ್ತಸಾರೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೪೭॥
• ಸತ್ಸ್ವರೂಪೋಽಸ್ಮಿ ಕೈವಲ್ಯಸ್ವರೂಪೋಽಸ್ಮ್ಯಹಮೇವ ಹಿ ।
• ಅರ್ಥಾನರ್ಥವಿಹೀನೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೪೮॥
• ಅಪ್ರಮೇಯಸ್ವರೂಪೋಽಸ್ಮಿ ಅಪ್ರತರ್ಕ್ಯಸ್ವರೂಪವಾನ್ ।
• ಅಪ್ರಗೃಹ್ಯಸ್ವರೂಪೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೪೯॥
• ಅರಸಸ್ಯುತರೂಪೋಽಸ್ಮಿ ಅನುತಾಪವಿವರ್ಜಿತಃ ।
• ಅನುಸ್ಯೂತಪ್ರಕಾಶೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೫೦॥
• ಸರ್ವಕರ್ಮವಿಹೀನೋಽಹಂ ಸರ್ವಭೇದವಿವರ್ಜಿತಃ ।
• ಸರ್ವಸನ್ದೇಹಹೀನೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೫೧॥
• ಅಹಂಭಾವವಿಹೀನೋಽಸ್ಮಿ ವಿಹೀನೋಽಸ್ಮೀತಿ ಮೇ ನ ಚ ।
• ಸರ್ವದಾ ಬ್ರಹ್ಮರೂಪೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೫೨॥
• ಬ್ರಹ್ಮ ಬ್ರಹ್ಮಾದಿಹೀನೋಽಸ್ಮಿ ಕೇಶವತ್ವಾದಿ ನ ಕ್ವಚಿತ್ ।
• ಶಙ್ಕರಾದಿವಿಹೀನೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ॥ ೫೩॥
• ತೂಷ್ಣೀಮೇವಾವಭಾಸೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ।
• ಕಿಞ್ಚಿನ್ನಾಸ್ತಿ ಪರೋ ನಾಸ್ತಿ ಕಿಂಚಿದಸ್ಮಿ ಪರೋಽಸ್ಮಿ ಚ ॥ ೫೪॥
• ನ ಶರೀರಪ್ರಕಾಶೋಽಸ್ಮಿ ಜಗದ್ಭಾಸಕರೋ ನ ಚ ।
• ಚಿದ್ಘನೋಽಸ್ಮಿ ಚಿದಂಶೋಽಸ್ಮಿ ಸತ್ಸ್ವರೂಪೋಽಸ್ಮಿ ಸರ್ವದಾ ॥ ೫೫॥
• ಮುದಾ ಮುದಿತರೂಪೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ।
• ನ ಬಾಲೋಽಸ್ಮಿ ನ ವೃದ್ಧೋಽಸ್ಮಿ ನ ಯುವಾಽಸ್ಮಿ ಪರಾತ್ ಪರಃ ॥ ೫೬॥
• ನ ಚ ನಾನಾಸ್ವರೂಪೋಽಸ್ಮಿ ಅಹಂ ಬ್ರಹ್ಮಾಸ್ಮಿ ಕೇವಲಮ್ ।
• ಇಮಂ ಸ್ವಾನುಭವಂ ಪ್ರೋಕ್ತಂ ಸರ್ವೋಪನಿಷದಾಂ ಪರಂ ರಸಮ್ ॥ ೫೭॥
• ಯೋ ವಾ ಕೋ ವಾ ಶೃಣೋತೀದಂ ಬ್ರಹ್ಮೈವ ಭವತಿ ಸ್ವಯಮ್ ॥ ೫೮॥
• ನ ಸ್ಥೂಲೋಽಪ್ಯನಣುರ್ನ ತೇಜಮರುತಾಮಾಕಾಶನೀರಕ್ಷಮಾ
• ಭೂತಾನ್ತರ್ಗತಕೋಶಕಾಶಹೃದಯಾದ್ಯಾಕಾಶಮಾತ್ರಾಕ್ರಮೈಃ ।
• ಉದ್ಗ್ರನ್ಥಶ್ರುತಿಶಾಸ್ತ್ರಸೂತ್ರಕರಣೈಃ ಕಿಞ್ಚಿಜ್ಜ್ಞ ಸರ್ವಜ್ಞತಾ
• ಬುದ್ಧ್ಯಾ ಮೋಹಿತಮಾಯಯಾ ಶ್ರುತಿಶತೈರ್ಭೋ ಜಾನತೇ ಶಙ್ಕರಮ್ ॥ ೫೯॥

• ॥ ಇತಿ ಶ್ರೀ ಶಿವರಹಸ್ಯೇ ಶಙ್ಕರಾಖ್ಯೇ ಷಷ್ಠಾಂಶೇ ಋಭುನಿದಾಘಸಂವಾದೋ ನಾಮ ಚತುರ್ಥೋಽಧ್ಯಾಯಃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com