.. ब्रह्मस्तोत्रम् ..

           .. ब्रह्मस्तोत्रम् ..

ॐ नमस्ते सते सर्वलोकाश्रयाय
      नमस्ते चिते विश्वरूपात्मकाय .
नमोऽद्वैततत्त्वाय मुक्तिप्रदाय
      नमो ब्रह्मणे व्यापिने निर्गुणाय .. १..

त्वमेकं शरण्यं त्वमेकं वरेण्यं
      त्वमेकं जगत्कारणं विश्वरूपम् .
त्वमेकं जगकतृर्पातृप्रहार्तृ
      त्वमेकं परं निश्चलं निर्विकल्पम् .. २..

भयानां भयं भीषणं भीषणानां
      गतिः प्राणिनां पावनं पावनानाम् .
महोच्चैः पदानां नियन्तृ त्वमेकं
      परेशं परं रक्षणं रक्षणानाम् .. ३..

परेश प्रभो सर्वरूपाविनाशिन्
      अनिर्देश्य सर्वेन्द्रियागम्य सत्य .
अचिन्त्याक्षर व्यापकव्यक्ततत्त्व
      जगद्भासकाधीश पायादपायात् .. ४..

तदेकं स्मरामस्तदेकं भजाम-
      स्तदेकं जगत्साक्षिरूपं नमामः .
सदेकं निधानं निरालम्बमीशं
      भवांबोधिपोतं शरण्यं व्रजामः .. ५..

                       --महानिर्वाण तंत्र


 Please send corrections to Sunder Hattangadi (sunderh@hotmail.com)
 Last updated October 20 1998 for HTML version

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com