\Large shrii miinaaxii stuti 2 .. श्री मीनाक्षी स्तुति २ .. अद्राक्षं बहुभाग्यतो गुरुवरैः संपूज्यमानां मुदा पुल्लन्मल्लिमुखप्रसूननिवहैर्हालास्यनाथप्रियाम् | वीणावेणुमृदङ्गवाद्यमुदितामेणाङ्क बिम्बाननां काणादादिसमस्तशास्त्रमतिताम् शोणाधरां श्यामलाम् || १|| मातङ्गकुम्भविजयीस्तनभारभुग्न मध्यां मदारुणविलोचनवश्यकान्ताम् | ताम्राधरस्फुरितहासविधूततार राजप्रवालसुषुमां भज मीननेत्राम् || २|| आपादमस्तकदयारसपूरपूर्णां शापायुधोत्तमसमर्चितपादपद्माम् | चापयितेक्षुममलीमसचित्ततायै नीपाटविविहर्णां भज मीननेत्रम् || ३|| कन्दर्प वैर्यपि यया सविलास हास नेत्रावलोकन वशीकृत मानसोऽभूत् | तां सर्वदा सकल मोहन रूप वेषां मोहान्धकार हरणां भज मीननेत्राम् || ४|| अद्यापि यत्पुरगतः सकलोऽपि जन्तुः क्षुत्तृड् व्यथा विरहितः प्रसुवेव बालः | संपोश्यते करुणया भजकार्ति हन्त्रीं भक्त्याऽन्वहं तां हृदय भज मीननेत्राम् || ५|| हालास्यनाथ दयिते करुणा पयोधे बालं विलोल मनसं करुणैक पात्रम् | वीक्षस्व मां लघु दयार्मिल दृष्टपादैर्- मातर्न मेऽस्ति भुवने गतिरन्द्रा त्वम् || ६|| श्रुत्युक्त कर्म निवहाकरणाद्विशुद्धिः चित्तस्य नास्ति मम चञ्चलता निवृत्तैः | कुर्यां किमम्ब मनसा सकलाघ शान्त्यैः मातस्तवदङ्घ्रि भजनं सततं दयस्व || ७|| त्वद्रूपदेशिकवरैः सततं विभाव्यं चिद्रूपमादि निधनन्तर हीनमम्ब | भद्रावहं प्रणमतां सकलाघ हन्तृ त्वद्रूपमेव मम हृत्कमले विभातु || ८|| || इति श्री जगद्गुरु शृङ्गगिरि चन्द्रशेखर भारति स्वामिगळ् विरचितं मीनाक्षी स्तोत्रं संपूर्णम् || Encoded by Ravisankar S. Mayavaram msr@comco.com  </PRE></FONT><HR><P> This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:<A href="mailto:sanskrit@cheerful.com">sanskrit@cheerful.com</A> </BODY> </HTML>